Azaya 40:3 - Ika

³ Olu ohu rị a hị, a sị, “Kwanị nị Osolobuẹ ụzọ imẹ atụ; kwanị nị Chuku ẹnyi ụzọ rị mma imẹ atụ!

Azaya 40:3 ပူးပေါင်းရင်းမြစ်များ

Ẹbụ-ọma 68:4

Bụ nị nị Chuku ẹbụ; gi ni ẹbụ ja ẹfan a mma; ja nị onyẹ ahụn e nyin orukpu mma. Ẹfan a wụ Osolobuẹ — ẹfọ ya sụọma ụnụ ụsụọ ihun ẹ!

Azaya 35:8

Okẹn ụwaya k'a rị nwan alị hụ. Ẹfan a k'a wụ “Ụwaya-nsọ.” Ndị rịlẹni ọchan aghakọ a. Ndị hụn a gha ụzọ Osolobuẹ sụọ k'a gha a. Ndị marịnlẹni Chuku aghakọ ebẹhụ.

Azaya 40:4

Wẹ jẹnkọ d'e hukinchanrịn ọdanmgbugbu ile, gukpọchanrịn ugu lẹ òke ile, mẹ alị mẹ mkpọke-mkpọke riẹnpụ, mẹ ebe ile riẹnlẹni riẹn,

Azaya 43:19

Lee n'ẹ, m rị e mẹ ihiẹn ọhụn! O mẹmẹgụọdẹ nwan! Ụnụ a rị a hụn a? M rị a kwaye ụzọ imẹ atụ, e mẹ iyi a pụhasọnmẹ imẹ alị ọkpọ-nkụn.

Azaya 49:11

M k'e mẹ ugu m ile riẹnpụ, họnrin ụzọ, a rụntọsọnmẹ m ụzọ.

Azaya 57:14

O ru ogẹn ahụn, wẹ k'a sị, “Rụndọnzi n'ẹ, rụndọnzi n'ẹ! Dọnzi ni ụzọ! Wepụnị nị ndị nke m ihiẹn rịsọnmẹ ụzọ.”

Malakaị 3:1

Lee ẹ, m zila nwan onyẹ-ozi m n'o d'a kwanị m ụzọ. Ogẹn ahụn, Di-nwọnni ụnụ nwẹn ụnụ rị a chọ, a bịa Ụlọ-NSỌ a idẹnmizi; onyẹ-ozi hụ k'e mẹ oku nkwerigbama ụnụ rị e gi ẹnya ẹbụọ a chọ, lala! Ya kẹ Osolobuẹ ihiẹn ile rị okpuru ẹ ku.

Jọnụ 1:23

Ọ nọ gi ihiẹn onyẹ-amụma wụ Azaya ku za wẹ, sị, “Mmẹ wụ olu hụ rị e yi oro imẹ atụ, a sị, ‘Kwa nị ụzọ Di-nwọnni-ẹnyi n'o zinrin!’ ”