Azaya 40:18 - Ika

¹⁸ Onyẹ kẹ ụnụ e gi nwan jeni Chuku? Kịnị kẹ ụnụ k'a sị nị ịya k'o yi?

Azaya 40:18 ပူးပေါင်းရင်းမြစ်များ

Jobu 40:9

Y'e nwọnghọ ẹka hụn a kpa ikẹn kẹ nke Chuku? Nị olu i s'ẹka wụrụ akpara kẹ nke ẹ?

Ẹbụ-ọma 113:5

Onyẹ nọ kẹ Osolobuẹ wụ Chuku ẹnyi? Onyẹ hụn nọdị alị ukpo-eze elu-igwee,

Ẹbụ-ọma 89:6

Onyẹ nọ kẹ Osolobuẹ imẹ igwere? E lee mmọn nọ kẹ Osolobuẹ?!

Ẹbụ-ọma 89:7

Chuku w'a tụ egun ẹ imẹ ozuzu ndị mmọn-ozi k'ọ wụ, ịya ka ndị ile nọhunmẹn'ẹ mgbaye e nwọn.

Ẹbụ-ọma 89:8

Osolobuẹ, Chuku ihiẹn ile rị okpuru ẹ, onyẹ wụ dikẹn lekẹ yụ, Osolobuẹ? Ọ pụhachanrịn ifọn azụụn ile n'ị wụ Onyẹ wẹ gi e dọn ẹnya.

Ọpụpụ 15:11

“Euu Osolobuẹ, elee mmọn nọ kẹ yụ? Onyẹ nọ kẹ yụ — hụn rị nsọ pụ-ichẹn; hụn e mẹ ihiẹn a tụ egun w'a ja mma; hụn a rụn ọrụn atụmẹnya?

Ọpụpụ 20:4

“Elerikwọlẹ ni ihiẹn ọwụlẹ mẹmẹrin mmọn, kẹ ihiẹn rị elu-igwee kẹ ihiẹn rị elu-ụwa kẹ ihiẹn rị imẹ mirin;

Ọpụpụ 8:10

Eze nọ za, sị, “Ekile.” Mozizi nọ sị “O jẹnkọ d'a rị k'i dọn ku, kẹni i gi ẹ marịn n'o nwọnni onyẹ nọ kẹ Osolobuẹ, Chuku ẹnyi.

Ọpụpụ 9:14

Ị jụ ujeni, m jẹnkọ d'e yesọnmẹ yụ lẹ e nwẹn i lẹ ịhaịmẹ i lẹ ndị nke i afụnfụn ndịnị, ọ tụ ụnụ ọnụ, kẹni ị marịn nị onwọnni onyẹ ọwụlẹ rị kẹ mmẹ elu ụwa ile.

Azaya 40:25

“Onyẹ kẹ ụnụ e gi nwan jeni m? Onyẹ kẹ mmẹ lẹ ịya han?” Ịya kẹ Onyẹ ahụn rị nsọ ku.

Azaya 44:6

Lee ihiẹn Osolobuẹ ku — Eze Izrẹlụ, Onyẹ-mgbapụha Izrẹlụ, Onyẹ ihiẹn ile rị okpuru ẹ, ọ sị: “Mmẹ wụ Ibuzọ, mmẹ wụ Ikpanzụụn. Chuku arịa — wezụka m.

Azaya 46:5

Onyẹ kẹ y'e gi jeni m mọbụ sị nị mmẹ lẹ ịya han? Onyẹ k'i ro n'ọ nọ kẹ mmẹ hụn y'e gi jeni m?

Azaya 46:9

Nyanhan nị ihiẹn ndị hụn mẹni, ihiẹn ndị hụn mẹ mbụ-mbụ; mmẹ wụ Osolobuẹ, ọzọ arịa. Mmẹ wụ Osolobuẹ, onwọnni onyẹ nọ kẹ mmẹ.

Jerimaya 10:1

Gọn ni ntịn ihiẹn Osolobuẹ rị a gwa ụnụ ndị ikpụlọ Izrẹlụ:

Jerimaya 10:16

Kanị Osolobuẹ, Onyẹ ahụn wụ nke Jekọpụ, anọnị kẹ uwẹ — makẹni ịya ke ihiẹn ile — Izrẹlụ wụ ebọn nke ẹ kẹti-kẹti; Ẹfan a wụ Onyẹ Ihiẹn Ile Rị Okpuru ẹ.

Jerimaya 10:6

Euu Osolobuẹ, onwọnni onyẹ nọ kẹ yụ; y'e hikẹ ogbe, ikẹn i hi-ogbe kẹ wẹ gi marịn ị.

Maịka 7:18

Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.

Ọrụn Ndị-ozi 17:29

“Ebe o mẹni ẹnyi wụ ụmụ Osolobuẹ, ẹlẹ hụn ẹnyi e gi e ro ni Osolobuẹ ẹnyi nọ kẹ ihiẹn goru mọbụ siliva mọbụ ọmụma ịhịan gi akọ-lẹ-uche ẹ lẹ iroro ẹ kpụ mọbụ tụ.

Ditrọnọmi 33:26

Onwọnni onyẹ rịkẹ Chuku Jẹshurunu, Chuku Izrẹlụ, hụn e nyinhẹn orukpu igwere rịkẹ ẹshin d'e yeni ụnụ ẹka, onyẹ hụn ikpẹn eze jun ẹhụ k'o nyinla orukpu.

Ditrọnọmi 4:15

Ụhụọhịn ahụn Osolobuẹ gha imẹ ọkụn rị elu Ugu-Saịnaị wụ Horẹbụ gwa ụnụ oku: onwọnni ihiẹn ụnụ hụn ụnụ e gi sị, “Lee kẹ Osolobuẹ nọ”. Ya wụ, kpachanpụ nị nwan ẹnya ọhụnma-ọhụnma,

Ndị Kolosị 1:15

Ẹnya hụn Nwa a nị wụ Kraịstị a hụngụọ Osolobuẹ wẹ ghalẹni e legha; Kraịstị wụzịkwọ Nwa-ibuzọ, Onyẹ-isi hụn ihiẹn ile wẹ ke rị okpuru ẹ.

Hibru 1:3

Ịya kẹ wẹ gi a hụn kẹ Osolobuẹ nọ. Ẹnya hụnn'a a hụngụọ Osolobuẹ. O gi oku-ọnụ a hụn nwọn ikẹn hi-ogbe e kwọndọn ụwa ile. Ogẹn o gi chụngụ ẹjan wẹ gi a chanchanpụ njọ, ọ nọdị alị ẹka-nni Onyẹ kachanrịnnị imẹ elu-igwee.

Samuẹlụ Nke Ibuzọ 2:2

Onwọnni onyẹ rị nsọ nọkẹ Osolobuẹ! Onwọnni onyẹ ọzọ rịnị mmanị yụ; onwọnni ọmụma nọ kẹ Chuku ẹnyi.