Azaya 40:15 - Ika

¹⁵ Alị ile nọhụ kẹ ntan-ntan mirin ohu rị imẹ igbeju; wẹ nyịnhanhụ kẹ uzunzun elu ihiẹn o gi a ma ihiẹn; O gihụ mkpịnsịn ẹka e deri alị ile rịdẹ mkpẹnrẹn ohimin lekẹ uzunzun riẹnni.

Azaya 40:15 ပူးပေါင်းရင်းမြစ်များ

Jẹnẹsisi 10:5

Ụmụ Javanị ndịnị mụ ndị bisọnmẹ mkpẹnrẹn Ohimin Mẹditerenia — hụn ọwụlẹ lẹ alị o bi lẹ asụsụ wẹ lẹ ebọn wẹ lẹ ndị alị wẹ.

Ẹbụ-ọma 62:10

Egilẹ mmẹgbu dọn ẹnya; egilẹ ihiẹn wẹ zu dọn ẹnya, makẹni o k'e kpuye i, akụ-lẹ-ụba bawaye, egikwọl'a dọn ẹnya.

Ẹbụ-ọma 62:9

Ịhịan mmaka wụhụ ube uzun ohu, kẹ onyẹ-uku kẹ onyẹ-nta; wẹ ile wụhụ ufori. Ị magbamadẹ wẹ ile, anyịnhannị wẹ kẹ ufere!

Azaya 11:11

Ogẹn hụ, Osolobuẹ jẹnkọ d'a tịnpụ ẹka nke mgbe ẹbụọ, wekinhẹnzi ndị nke ẹ họdụnị hụn rịsọnmẹ Asiria, Ijiptu ndịdan Iyi Naịlị, Ijiptu Ibe-elu wụ Patrọsị, Ẹtiopịa, Ẹlam, Shina wụ Babilọnụ, Hamatị lẹzi alị ndị teni rị mkpẹnrẹn ohimin.

Azaya 17:13

Ọsụọkwọn'a ndị alị ichẹn-ichẹn rị a zụn ụzụn kẹ okẹn-mirin rị e huni, Osolobuẹ k'a jụgbọ wẹ hụ a gbate wẹ, nọkẹ ẹfịfịa ọkpọ-nkụn ufere bukọ elu òke, nọkẹ ukun-ẹfịfịa ufere bukọ.

Azaya 2:22

Gibehi ni ịhịan e dọn ẹnya, ịhịan hụn wụhụ akpụ uzun ohu rị imi. Kịnị kẹ ịhịan wụdẹ?

Azaya 29:5

Kanị, ndị-iṅẹnrẹn i ahụn bu ọda k'a la iwi, a nọ wẹ kẹ uzunzun riẹnni; igunrun ndị iwe i hụ ghalẹni e mẹ omikẹn k'a nọ kẹ ẹfịfịa w'a fụpụ: Idẹnmizi, njube-ẹnya ohu,

Azaya 40:22

Osolobuẹ nọdị alị ebe mẹ ohi-ohi ghahunmẹ ụwa, ndị ile bi elu ụwa rị kẹ kpamkpam ẹnya a. Ọ shịapụ igwere kẹ ịhara, ọ shịapụ a kẹ okpukpu ụlọ w'e bi.

Azaya 41:5

Alị ndị rịdẹ mkpẹnrẹn ohimin a hụngụọ a, egun hụ a tụ wẹ; ndị rị ebe ile ụwa ru hụ a ma piripiri. Wẹ hụ e jẹnpụha, a kịgbama;

Azaya 59:18

Ihiẹn onyẹ-onyẹ mẹ k'o k'e gi sọn ẹ: o k'e ye ndị iṅẹnrẹn ẹ afụnfụn, mẹshi ndị rị a lụsọn ẹ ọgụn ikẹn — o k'e yedẹ alị ndị rị mkpẹnrẹn ohimin teni afụnfụn ihiẹn wẹ mẹ.

Azaya 66:19

M k'a kpaghọsị wẹ ikẹn m, e zi m ndị k'a nwụnhọdụnị shi alị ichẹn-ichẹn — alị Tashishi lẹ alị Pulu lẹ alị Ludu (ndị wẹ gi ịgba-ụta marịn) lẹ alị Tubalụ lẹ alị Javanị wụ Grisi lẹ alị ichẹn-ichẹn tegbu enwẹn wẹ, hụn kelẹni nụ otiti m mọbụ hụn ọghọ m. Uwẹ sikọ d'a gwa ndị alị ichẹn-ichẹn oku ọghọ m.

Jerimaya 10:10

Kanị, Osolobuẹ wụ Chuku nke-esi; ịya wụ Chuku hụn rị ndụn, Eze itẹbitẹ. O bumẹ olulu, elu-ụwa e mẹhunmẹ — onwọnni alị isi wẹ k'a saẹka che ọnụma a.

Daniẹlụ 11:18

“O bunụmanị alị ndị rị mkpẹnrẹn Ohimin, weri ndị bu ọda imẹ wẹ, kanị ọkị-agha ohu jẹnkọ d'a kụsị ụya ahụn ọ rị e ye wẹ e ri, we ẹ ye ya nwẹn ri.

Daniẹlụ 4:32

Wẹ sikọ d'a chụpụ ị ebe ịhịan bi, y'e sọn anụmanụ biri; i jẹnkọ d'e ri irurue kẹ efin. Ahụa ẹsa k'i k'a rị ọnọdị hụ d'e ru ni y'e ku ẹ nị alị-eze ile ịhịan pumẹ rịchanrịn ẹka Onyẹ Hụ kachanrịnnị lẹni o we ẹ e ye onyẹ ọ chọ.”

Daniẹlụ 4:35

Ndị ile bi elu-ụwa enwọn kẹ wẹ han ebe ọ rị. Ihiẹn sụọn'a k'o mẹ — kẹ ebe ikẹn ndị rị elu-igwee rị kẹ ebe ndị rị elu-ụwa rị. Onwọnni onyẹ a sa ẹka e gbọndọn ẹ mọbụ sị a: “K'i mẹni ihiẹnni?”

Zẹfanaya 2:11

Osolobuẹ jẹnkọ d'e mẹshi wẹ ikẹn ọhụnma-ọhụnma; o k'a napụ mmọn ile ikẹn lẹ ọghọ wẹ; alị ndị tegbudẹ enwẹn wẹ rị mkpẹnrẹn ohimin k'a nọ alị wẹ e fe Osolobuẹ.