Azaya 4:6 - Ika

⁶ O k'a wụrụnị wẹ okpukpu lẹ igungun anwụn gha a mụ, wụrụnị wẹ ebe w'a gbaban lẹ ebe w'a warị ogẹn ẹbi lẹ mirin-ozuzue.

Azaya 4:6 ပူးပေါင်းရင်းမြစ်များ

Ẹbụ-ọma 27:5

Makẹni, nsọngbu bịa, n'o chemẹghọ m imẹ Ụlọ a; n'o zuemẹghọ m imẹ Ụlọ-nsọ a, bu m che elu ọmụma jẹn elu.

Ẹbụ-ọma 55:8

Nkẹ m'a gbashi ebe m'a nọ wanahịn — wanahịn okẹn ufere lẹ ẹbini rị a kpọnị!”

Ẹbụ-ọma 91:1

Onyẹ hụn warị okpuru Chuku Kachanrịnnị, a rịsọnmẹ igungun Onyẹ Nwọn Ikẹn Ile.

Itẹn 18:10

Ẹfan Osolobuẹ wụ okẹn ụlọ zeni; ndị ezi-omumẹ gbaban a, a hụn wẹ isi.

Azaya 14:32

Kịnị kẹ wẹ jẹnkọ d'a shịarị ndị ụkọ alị hụ zila? “Osolobuẹ e tumẹgụọ Zayọnụ; imẹ Zayọnụ kẹ ẹhụ a nọ fu ndị nke ẹ wẹ rị e mẹkpa ẹhụ.”

Azaya 25:4

Ịyụ wụ ebe ndị igbẹnnyẹ a gbaban, ebe onyẹ mkpa gi a gbaban ogẹn nsọngbu ẹ, y'e kpumẹ ịhịan ebe okẹn ẹbi rị a kpọ, ị wụzị igungun ogẹn anwụn rị ma. Makẹni ihiẹn ndị ẹfọ-njọ rị e mẹ ịhịan nọ kẹ okẹn ẹbi rị a kpọ ẹhụ-ụlọ,

Azaya 30:30

Osolobuẹ jẹnkọ d'e mẹ ịhịan nụ okẹn olu ẹ, mẹ wẹ hụn ẹka a k'ọ gha elu lala d'e mẹ wẹ ihiẹn — eje-ọnụma lẹ ọkụn rị a dụnnị lẹ ẹbi lẹ akpara lẹ ẹkwan-igwere k'o k'e gi bịa.

Azaya 32:1

Lee ni ẹnya, eze hụn k'e gi ezi-omumẹ kị lala alala, ịya lẹ ndị-isi hụn k'e gi ezioku kị.

Azaya 32:2

Onyẹ-onyẹ imẹ wẹ sikọ d'a wụrụ ebe ịhịan a warị ogẹn okẹn ufere lẹ ebe w'a gbaban ẹbi gha a kpọ; wẹ k'a nọ kẹ mirin iyi imẹ alị ọkpọ-nkụn, lekẹ igungun okẹn-ọmụma imẹ alị anwụn nọ a mụ ọda-ọda.

Azaya 8:14

o k'a wụ ebe rị nsọ w'a gbaban; kanị, ọmụma ịhịan a kpọgburu lẹ nkumẹ e mẹ wẹ a dan k'o k'a wụrụnị azụụn ẹbụbụọ rị Izrẹlụ. Nke ndị bi imẹ Jerusalẹm, ọnyan lẹ ihiẹn w'e gi kwọndọn wẹ k'o k'a wụrụnị wẹ.

Izikẹlụ 11:16

“Sị nwan, ‘Lee ni ihiẹn Osolobuẹ nwọn ihiẹn ile ku: Ọsụọn'a nị e te kpọnghọ m wẹ shi alị ndị ọzọ rị ebe teni, fe wẹ yesọnmẹ alị ichẹn-ichẹn, m hụ a nọyeni wẹ ẹkẹrẹ imẹ alị ndị wẹ shi.’

Hibru 11:7

Makẹni Nụa nwọn okukwe, ogẹn Osolobuẹ gi gwatọ a ihiẹn mẹtulẹni jẹnkọ d'e mẹni, o gi ẹ dọn, gi egun Osolobuẹ rụn ụgbọ-mirin ahụn pụ-ichẹn, hụn Osolobuẹ gi nwan zụọpụha ezi-lẹ-ụlọ a. Nụa gi ihiẹnni o mẹ shịagbu ụwa ẹri, gi okukwe ẹ họnrin onyẹ ezi-omumẹ.

Hibru 6:18

kẹni obi ruchanrịn ẹnyi ndị gbaburun'ẹ alị kwọnkẹnmẹ olilẹnya o ye ẹnyi, makẹni Osolobuẹ e gigụọ ihiẹn ẹbụbụọ ahụn ghalẹni e gbehutọ ghọsịchanrịn nị ẹlẹ ntụ kẹ ọ rị a tụ.

Rẹvẹleshọnụ 7:16

Ẹgụn ihiẹn-oriri lẹ ihiẹn-ọrịra agụnkọzị wẹ. Kẹ anwụn kẹ ihiẹn ọwụlẹ a nụ ọkụn amakọzị wẹ.