Azaya 4:5 - Ika

⁵ Ogẹn ahụn, Osolobuẹ k'a rị e gi orukpu lọtọ kẹ ẹnwụnrụn e kpumẹ Ugu Zayọnụ ebe eki rị elu, ya lẹ ndị ile zu ebahụn, e gi ọkụn rị e nwunni e kpumẹ wẹ imẹ uhinhin. Ọghọ wẹ ile sikọ d'e nwọn okpukpu.

Azaya 4:5 ပူးပေါင်းရင်းမြစ်များ

Nehemiah 9:12

Ị nọ gisọnmẹ orukpu mawuru kẹ adansụn du wẹ efinaị, gi ọkụn mawuru kẹ adansụn du wẹ uhinhin, nị wẹ e legha ebe wẹ ghakọ.

Ẹbụ-ọma 105:39

Osolobuẹ nọ gi orukpu kpumẹ ndị nke ẹ rịkẹ ịhara, ye wẹ ọkụn rị e nwunni w'e gi e legha ụzọ imẹ uhinhin.

Ẹbụ-ọma 111:1

Ja nị Osolobuẹ mma! M k'e gi obi m ile kpanmịn Osolobuẹ imẹ igunrun ndị kụrụ ọtọ lẹ imẹ ozuzu ndị nke ẹ.

Ẹbụ-ọma 78:14

Ọ nọ gi orukpu ahụn du wẹ efinnaị, gi ọkụn rị e nwunni ye wẹ ukpẹ imẹ uhinhin.

Ẹbụ-ọma 85:9

Ẹghẹẹ, o biekọ d'a zụọ ndị e fen'ẹ, kẹni alị ẹnyi nwọnmẹzi ọghọ a.

Ẹbụ-ọma 89:7

Chuku w'a tụ egun ẹ imẹ ozuzu ndị mmọn-ozi k'ọ wụ, ịya ka ndị ile nọhunmẹn'ẹ mgbaye e nwọn.

Ọpụpụ 14:24

Eki gini d'e fọn, Osolobuẹ nọ gha ọkụn lẹ orukpu ahụn mawuruni o gi dukọ wẹ lee itu-agha ndị Ijiptu, bu isusu cheni wẹ.

Ọpụpụ 24:16

orukpu hụ Osolobuẹ gi a ghọsị enwẹn ẹ nọ hidanye Ugu-Saịnaị ahụn. Orukpu ahụn nọdị elu-ugu hụ ọrọgbọ akpọhịn isin; hụn mẹ akpọhịn ẹsa kẹ Osolobuẹ gha imẹ orukpu hụ kpọ Mozizi oku.

Ọpụpụ 26:1

“Gi ibe-ẹkwa iri mẹmẹ Ọdụ-nsọ ahụn. O jẹnkọ d'a wụ ibe-ẹkwa wẹ gi oruru-linẹni lẹ oruru-mmaka kpa, oruru-mmaka wẹ ye ihiẹn e nwun bru-bru lẹ ihiẹn e nwun pọpụ-pọpụ lẹ ihiẹn e nwun ododo-ododo kpa, onyẹ ma kpa ihiẹn a kpa ndị Chẹrobu ye ẹ.

Ọpụpụ 26:7

“Gi ẹkwa wẹ gi ẹṅẹnrẹn ewu kpa mẹmẹ ihiẹn w'e gi kpumẹ elu Ọdụ-nsọ hụ: ibe mmanaị k'i jẹnkọ d'e mẹmẹ.

Azaya 32:18

Ẹhụ k'e fu ndị nke m ebe wẹ bisọnmẹ, fu wẹ iwe wẹ rị ichẹn-ichẹn.

Azaya 33:20

Lemẹ ni Zayọnụ, obodo ẹnyi nọ e mẹ mmẹmmẹ nsọ ẹnyi rị ichẹn-ichẹn; ẹnya ụnụ k'a hụn Jerusalẹm kẹ o họnrin ebe mẹ jụụ hụn rị mma wẹ e bi, ọdụ ghalẹni e mẹhunmẹ — hụn wẹ ghalẹni a sa ẹka e huepụ mkpụkpọ a mọbụ tibe eriri wẹ gi limẹ ẹ ye mkpụkpọ —

Azaya 37:35

Ọ sị, ‘M k'e che obodoni nche, zụọpụha a — makẹ ufiri mmẹ lẹ enwẹn m lẹ ufiri odibo m wụ Defidi!!’ ”

Azaya 46:13

M wela nwan ihiẹn ahụn rị mma; ọ rịgụọ nsue; nzụọpụha m rọ, o biekọ d'a bịa. M k'e ye Zayọnụ nzụọpụha; bu ọghọ m che Izrẹlụ ẹhụ.

Azaya 60:1

Lihi ọtọ n'i nwunmẹ, nị ukpẹ i a bịagụọ — ọghọ Osolobuẹ a pụhaọlẹ ebe ị rị.

Azaya 60:2

Lee ẹ, ụwa ile a gbagụọ ishi; ẹkpa-ishi e kpumẹgụọ alị ndị ọzọ ile — kanị, Osolobuẹ a pụhaọlẹ imẹ i, Jerusalẹm, ọghọ a a pụhagụọ d'e kpuru ụnụ ndị Jerusalẹm.

Matiu 18:20

Makẹni ebe ọwụlẹ mmadụ ẹbụọ mọbụ ẹtọ gi ẹfan m zu, mmẹ lẹ wẹ rị ebẹhụ.”

Matiu 28:20

Kuzi ni wẹ, nị wẹ e mẹ ihiẹn ile m sị ụnụ mẹ. Eziẹ, m nọyeni ụnụ ogẹn ile d'e ru ọgụgụ-ogẹn.”