Azaya 4:3 - Ika

³ Wẹ k'a kpọ ndị k'a họdụ imẹ Zayọnụ, imẹ Jerusalẹm, “Ndị rị nsọ”, ndị hụ ile Osolobuẹ detu ẹfan wẹ nị wẹ k'a rị ndụn imẹ Jerusalẹm.

Azaya 4:3 ပူးပေါင်းရင်းမြစ်များ

Ẹbụ-ọma 69:28

Wẹ finchanpụ ẹfan wẹ imẹ ẹkụkwọ ndị k'a rị ndụn; w'a gụnkwọlẹ wẹ ye imẹ ndị ezi-omumẹ!

Ẹbụ-ọma 87:6

Mgbe Osolobuẹ k'e gi rị e detu ẹfan alị ndị ọzọ, o k'e desọnmẹ, “Zayọnụ kẹ wẹ nọ mụ ọnwan; Zayọnụ kẹ wẹ nọzị mụ hụnnị.” Sẹla

Azaya 1:27

Ezigbo eṅẹn kẹ wẹ jẹnkọ d'e gi gbarị Zayọnụ, gi ezi-omumẹ gbarị ndị Zayọnụ hụn k'e rogharịnị.

Azaya 28:5

Ogẹn hụ, Osolobuẹ ihiẹn ile rị okpuru ẹ jẹnkọ d'a wụ okpu-eze nwọn ọghọ — ihiẹn-mma hụn wẹ gi tu ndị nke ẹ k'a họdụnị ugọn.

Azaya 35:8

Okẹn ụwaya k'a rị nwan alị hụ. Ẹfan a k'a wụ “Ụwaya-nsọ.” Ndị rịlẹni ọchan aghakọ a. Ndị hụn a gha ụzọ Osolobuẹ sụọ k'a gha a. Ndị marịnlẹni Chuku aghakọ ebẹhụ.

Azaya 46:3

Gọn ni m ntịn-o, ebọn Jekọpụ — ụnụ ile ndị họdụ ezi-lẹ-ụlọ Izrẹlụ. Mmẹ bu ụnụ kete w'a tụlẹ imẹ ụnụ; mmẹ bu ụnụ kete ụnụ banlẹ imẹ ẹfọ.

Azaya 52:1

Tẹnhin! Tẹnhin! Zayọnụ, tẹnhin! Jeri ikẹn lekẹ ẹkwa. Obodo nsọ wụ Jerusalẹm, yiri ẹwuru ọma ị; ndị ahụn wẹ kwalẹni ugun, ndị ahụn rịlẹni ụchan, abanhankọzị imẹ i.

Azaya 6:13

Ọsụọkwọn'a ohu imẹ iri sụọ họdụ alịnị, wẹ k'a dụn wẹ ọkụn. “Kanị, kẹ okẹn-osisi dọn a latọ mkpọgụn alị wẹ gbutugụ wẹ, ẹrịra kẹ mkpụrụ rị nsọ k'a dọn họdụ alịnị, wụrụ mkpọgụn hụ wẹ latọ.”

Azaya 60:21

Ndị nke ụnụ ile k'a wụchanrịn ndị ezi-omumẹ; wẹ k'e nwọnrin alịnị jẹnrin-ejẹn. A wụrụ wẹ ihiẹn m gi ẹka m kụn, ọrụn ẹka m — hụn k'e wẹhẹni m ọghọ.

Azaya 62:12

Wẹ k'a kpọ wẹ “Ndị-nsọ, ndị Osolobuẹ gbapụha;” wẹ k'a kpọ yụ nwẹn wụ obodo Zayọnụ, “Obodo w'a chọ achọ, obodo wẹ Latọlẹni.”

Izikẹlụ 13:9

Ẹka m k'e bitụ ndị-amụma hụ rị a hụn ọhụn ntụ, a gba-ẹfa ntụ; arịkọzị wẹ imẹ ozuzu ndị nke m; ẹfan wẹ arịkọzị ẹkụkwọ ndị Izrẹlụ; abankọzịdẹ wẹ alị Izrẹlụ. Ogẹn hụ, ụnụ a marịn nị m wụ Osolobuẹ nwọn ihiẹn ile.

Izikẹlụ 43:12

“Ọnwan wụ iwu Ụlọ-nsọnị: ebe ile fihunmẹn'ẹ elu ugu ahụn ọ rị k'a rịchanrịn nsọ. Ịya wụ iwu Ụlọ-nsọnị.

Juwẹlụ 3:17

Ogẹn hụ, ụnụ a marịn nị mmẹ, Osolobuẹ hụn wụ Chuku ụnụ, bi Ugu Zayọnụ, ugu nsọ m. Jerusalẹm k'a wụ obodo rị nsọ, abịamabịa emẹrikọzị a.

Obadaya 1:17

Kanị, elu Ugu Zayọnụ wụ Izrẹlụ, o k'e nwọn ndị k'a wanahịnnị; wẹ k'a rịzịkwọ nsọ; uwẹ ndị ikpụlọ Jekọpụ k'e weri alị wẹ.

Zẹkaraya 14:2

Makẹni, m k'a kịha alị ile d'a lụsọn Jerusalẹm agha, e mẹri wẹ obodo ahụn. Wẹ sikọ d'a kwarị ihiẹn rị ụlọ ndị rịn'a, kwọn ikpoho rịn'a, mẹ mgba wẹ, kebe ndị rịn'a ụzọ ẹbụọ, kpụnrụn ụzọ ohu shi alị ọzọ; kanị e wepụkọ wẹ ndị họdụnị imẹ obodo hụ.

Malakaị 3:16

Ya kẹ ndị a tụ egun Osolobuẹ nọ gwa ibe wẹ oku, Osolobuẹ nọ gọn ntịn ihiẹn wẹ ku, gụn a yeni wẹ. Ebe Osolobuẹ rị, wẹ nọ de ẹkụkwọ wẹ gi a nyanhan ndị ahụn a tụ egun Osolobuẹ, a gbaye ẹfan a.

Luku 10:20

K'osilẹrị, aghọghọlẹ ni nị eje-mmọn rị e humẹni ụnụ isi, ka ghọghọ nị n'e deyegụọ wẹ ẹfan ụnụ imẹ elu-igwee.”

Ọrụn Ndị-ozi 13:48

Ogẹn ndị wụlẹni ndị Ju gi nụ ihiẹnni, ya wẹ nọ ghọghọma, jama oku Di-nwọnni-ẹnyi mma. Ndị ile wẹ họtọ nị wẹ nwọnrin ndụn-itẹbitẹ nọ kweri.

Ndị Rom 11:4

Kanị, kị Osolobuẹ za a? Osolobuẹ sị a, “E butọgụọnị m enwẹn m mmadụ nnụ-uku ẹsa (7,000) hụn gbutulẹnini mmọn hụ wụ Baalụ osekpu.”

Ndị Rom 11:5

Ẹrịra k'ọ rịkwọ nwan; o nwọnzighọ ndị bulẹni ọda họdụnị, ndị Osolobuẹ gi ẹfọma a họtọ.

Ndị Ẹfẹsọsụ 1:4

Nị Osolobuẹ d'e kedẹ ụwa, ọ họtọgụọlẹ ẹnyi imẹ Kraịstị makẹni o nwọn ihiẹn-ọsụsụọ ẹnyi, nị ẹnyi jẹnkọ d'a wụrụn'a ndị rị nsọ, nwọnlẹni nkọrịanị.

Ndị Filipi 4:3

Ẹghẹẹ, yụ wụ onyẹ-ọrụn ibe m furu wẹ gi e dọn ẹnya, m rị a rịọ ị n'ị yeni ikpoho ndịnị ẹka, makẹni e sọngụọ wẹ m lụnị oziọma ọgụn, uwẹ lẹ Klemẹnti lẹ ndị ọzọ ile mmẹ lẹ wẹ gba a rụn ọrụn — ndị ẹfan wẹ rị imẹ ẹkụkwọ ndụn-itẹbitẹ.

Ndị Kolosị 3:12

Nọkẹ ndị Chuku họrị, ndị rị nsọ, ndị rị a obi, yiri ni nwan omikẹn lẹ ẹfọma, iwelụa enwẹn ụnụ alị, imẹ-jụụ lẹ ndidin.

Hibru 12:14

A lịlịma nị nị udọn a rị ẹgbata ụnụ lẹ ịhịan ile lẹ ni ụnụ a rịzị nsọ, makẹni onyẹ rịlẹni nsọ ahụnkọ Onyẹ-nwọnni-ẹnyi.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Rẹvẹleshọnụ 13:8

Ndị ile bi elu-ụwa k'e fe ẹ, ndị ile wẹ delẹni ẹfan wẹ imẹ ẹkụkwọ ndụn-itẹbitẹ, ẹkụkwọ Nwa-ebulu hụ wẹ gbu nị wẹ d'e gbe iyetọ ụwa.

Rẹvẹleshọnụ 17:8

“Eje-anụ ufie hụ ị hụn te rị mbụ; ọ rịzị a nwan; kanị, o d'a gha mgbugbu hụ migbu enwẹn ẹ pụha. Ọ pụhagụ, ọ la ntikpọ. Ogẹn ndị rị elu-ụwa k'e gi hụn kẹ eje-anụ ufie hụ pụhazị, ndị ahụn ile wẹ deyelẹni ẹfan wẹ imẹ ẹkụkwọ ndụn-itẹbitẹ ogẹn ụwa gi bidọn, o k'a tụ wẹ ẹnya. Makẹni, o te rị arị, bụ ọ rịzị a nwan, kanị ọ lalazị alala.

Rẹvẹleshọnụ 20:15

Onyẹ ọwụlẹ wẹ hụnlẹni ẹfan a imẹ ẹkụkwọ ndụn-itẹbitẹ, a tụ w'a ye imẹ odiyiri ọkụn hụ.

Rẹvẹleshọnụ 21:27

Kanị onwọnni ihiẹn ọwụlẹ rụnị mọbụ onyẹ e mẹ ihiẹn Osolobuẹ a sọ mọbụ onyẹ e mẹ ihiẹn ọwụlẹ ya lẹ ntụ wị k'a banyen'ẹ. Ndị wẹ de ẹfan wẹ imẹ ẹkụkwọ ndụn-itẹbitẹ Nwa-ebulu hụ sụọ k'a banye ẹ.

Rẹvẹleshọnụ 3:5

Onyẹ hụn mẹrini k'e yi ẹkwa ọchan; onwọnni ogẹn m'e gi finchanpụ ẹfan a imẹ ẹkụkwọ ndụn-itẹbitẹ! M k'a nọ idẹnya Nẹdi m lẹ ndị mmọn-ozi ẹ kpọ ẹfan hụnyẹ, ku oku ẹ ọhụnma.