Azaya 4:1 - Ika

¹ Ikpoho ẹsa k'a dọdọndẹ okẹnnyẹ ohu, sị a, “Dodo, ẹnyi nwọn chọrị ihiẹn-oriri ẹnyi, chọrịzịkwọ ẹkwa ẹnyi; ka werihụ ẹnyi nị ẹnyi zama ẹfan ị, gi ẹ wepụ ẹnyi ifẹnrẹn ẹnya!”

Azaya 4:1 ပူးပေါင်းရင်းမြစ်များ

Jẹnẹsisi 30:23

Ọ nị tụrụ imẹ, mụ okẹnnyẹ, sị, “Osolobuẹ e bupụọlẹ m ifẹnrẹn ihun.”

Samuẹlụ Nke Ẹbụọ 6:23

Mikalụ nwa Sọlụ amụnị nwa o we nwụn.

Azaya 10:20

O ru ogẹn ahụn, ndị Izrẹlụ k'a họdụnị — ndị ikpụnọ Jekọpụ hụn k'a hụn isi wanahịn — egikọzị onyẹ hụ e gbuni wẹ dọn ẹnya, Osolobuẹ hụn wụ Onyẹ-nsọ Izrẹlụ kẹ wẹ k'e gichanrịn dọn ẹnya.

Azaya 13:12

M jẹnkọ d'e mẹ ịhịan kọkarị ezigbo goru, kọkarịdẹ goru alị Ofiri.

Azaya 17:7

Ogẹn hụ, ịhịan e lemẹ nwan Onyẹ hụ keni wẹ, ịhịan e bu ẹnya zinmẹ Onyẹ-nsọ Izrẹlụ.

Azaya 2:11

Wẹ sikọ d'a kwa ndị nhọnrọn nku, welụa ndị mpache alị; Osolobuẹ sụọ kẹ wẹ k'e ye ọghọ ụhụọkịn ahụn.

Azaya 2:17

Wẹ sikọ d'a kwa ndị nhọnrọn nku, welụa ndị mpache alị; Osolobuẹ sụọ kẹ wẹ k'e ye ọghọ ụhụọkịn ahụn,

Azaya 3:6

Okẹnnyẹ k'a dọdọn nwẹnẹ ẹ imẹ ụlọ-iwe nẹdi ẹ, sị a, ‘Y'e nwọnghọdẹ ẹwuru: wụrụ nwan onyẹ-ndu ẹnyi; kịma mkpọkọ ụlọnị!’

Azaya 54:4

Atụlẹ egun, ifẹnrẹn emẹkọ ị. Atụlẹ egun ịfa — y'a fakọ. I k'a zọdẹ ifẹnrẹn hụn mẹn'i kẹ ị rị nwagbọọ; y'a nyanhankọzị ụya i ri kẹ m la ị tọ rịkẹ onyẹ di nwụnnahịn.

Jerimaya 15:8

M k'e mẹ ikpoho wẹ di nwụnnahịn barahị, a karị wẹ ẹjan rị mkpẹnrẹn ohimin ọda. M k'e gi efinaị wẹhẹ onyẹ e tikpọnị d'e wiwi ndị nnẹ mụ ikorọbịa wẹ ihiẹn; e hukpu m wẹ eje-ihiẹn idẹnmuzi — hụn k'a fụgbu wẹ, tụgbu wẹ egun.

Luku 1:25

Kanị ọ hụ a sị enwẹn ẹ, “Di-nwọnni-ẹnyi e mẹkẹkwọnị m ebe ọ nọ gi ẹnya rị mma lee m, wepụ ụya ile m rị e ri imẹ igunrun ndị nke ẹnyi!”

Luku 21:22

Makẹni ogẹn mmẹgwarị rọ, ogẹn w'e gi mẹzuchanrịn ihiẹn ile wẹ de imẹ Ẹkụkwọ-nsọ.

Ndị Tẹsalonika Nke Ẹbụọ 3:12

Ẹnyi gi ẹfan Di-nwọnni-ẹnyi wụ Jesu e ye ndị nọ ẹrịra iwu, a dụn wẹ ọdụn: wẹ nwọn ihiẹn ẹka kụma wẹ; wẹ gi ẹka wẹ a lụrụ ihiẹn wẹ e gi bi.

Samuẹlụ Nke Ibuzọ 1:6

Pẹnina nwunyẹ-di Hana hụ a kọ a ọnụ ọda-ọda makẹni Osolobuẹ kpọkin ẹ ẹkpa-nwa, a kọ a ya hụn e gbu mmọn a.