Azaya 38:16 - Ika

¹⁶ Euu Chuku, ihiẹn ndịnị kẹ ịhịan gi a rị ndụn — uwẹ kẹ ndụn gi a ban mmẹ nwẹn obi. Ị nọ nwan zụọ m emuni, dọnmẹ m ndụn.

Azaya 38:16 ပူးပေါင်းရင်းမြစ်များ

Ẹbụ-ọma 119:25

M fiẹnrin nwan alị mọmọmọ; dodo, dọnmẹ m ndụn k'i dọn ku.

Ẹbụ-ọma 119:71

Afụnfụn m ta hụghọ m mma kẹni m mụnrụn iwu i.

Ẹbụ-ọma 119:75

A marịnghọ m nị ezigbo eṅẹn kẹ y'a han, Osolobuẹ, nị y'e mẹgụọ kẹ onyẹ wẹ gi e dọn ẹnya ebe ị nọ ye m afụnfụn.

Ẹbụ-ọma 30:3

Euu Osolobuẹ, ị nọ wepụha m imẹ ili, y'a nịnị m la imẹ mgbugbu hụ.

Ẹbụ-ọma 39:13

Dodo bupụ m ẹnya, nị m mụzị ẹmụ, m gini d'a la, a hụnbehi wẹ m.”

Ẹbụ-ọma 71:20

Y'e mẹgụọ ẹnyi hụn nsọngbu lẹ afụnfụn, kanị y'e mẹgụọ ndụn banzị m; i k'a gha imẹ-imẹ alị wepụhazị m.

Azaya 64:5

Y'a nọkunmẹ ndị e gi obi ụsụọ e mẹ ihiẹn furuni, ndị a nyanhan ihiẹn i ku e gi ẹ e bi. Kanị, ogẹn ẹnyi gi tọ a pa oku i iwe nọ we i. Nanị ẹnyi e dọn nwan wanahịn?

Matiu 4:4

Kanị Jesu nọ sị a, “E degụọ w'a imẹ Ẹkụkwọ-nsọ, sị, ‘Ẹlẹ ihiẹn-oriri sụọ kẹ ịhịan gi a rị ndụn, kanị ihiẹn ile hụn gha Osolobuẹ ọnụ pụha.’ ”

Ndị Kọrẹntị Ibuzọ 11:32

Kanị, Di-nwọnni-ẹnyi ye ẹnyi afụnfụn, mkpịnsịn k'o gi ẹ a fịan ẹnyi kẹni ọ rịnị ẹnyi mma, amamgbe ẹnyi e sọn ụwa narịn ikpe-ọmụma.

Ndị Kọrẹntị Nke Ẹbụọ 4:17

Makẹni, ẹnyi jẹnkọ d'e gi ẹkẹrẹ afụnfụnnị ghalẹni e bie ẹnyi rị a ta ogẹnni nwọnrin ọghọ itẹbitẹ ọnụ ghalẹni a saẹka e ku hụn Osolobuẹ jẹnkọ d'e ye ẹnyi.

Ditrọnọmi 8:3

O gi ẹgụn welụa ụnụ isi alị, yemẹ ụnụ mana ri, ihiẹn ụnụ lẹ ndị nẹdi ụnụ marịnlẹni, kẹn'o gi ẹ kuzi ụnụ nị ẹlẹ ihiẹn-oriri sụọ kẹ ịhịan gi a rị ndụn kanị ihiẹn ile gha Osolobuẹ ọnụ pụha.

Hibru 12:9

Ndị nẹdi ẹnyi rị elu ụwanị e mẹzi ẹnyi ihiẹn wẹ gha a zụn ẹnyi, ẹnyi e humẹni wẹ isi. Ẹnyi ehumẹkọnị nwan nẹdi ẹnyi imẹ Mmọn wụ Osolobuẹ isi, kẹni ẹnyi rị ndụn?