Azaya 37:4 - Ika

⁴ O nwọn ikẹn mẹni Osolobuẹ wụ Chuku i a nụgụọ oku-ọnụ onyẹ-isi agha Asiria — onyẹ hụn eze Asiria zi d'a kpari Chuku hụn rị ndụn. Ikẹnkwọ Osolobuẹ wụ Chuku i a jụgbọ a yeni ihiẹn Osolobuẹ nụ ọnụ a. Dodo, mẹni ẹnyi ndị họdụ alịnị ekpere!’ ”

Azaya 37:4 ပူးပေါင်းရင်းမြစ်များ

Samuẹlụ Nke Ẹbụọ 16:12

Ikẹnkwọ Osolobuẹ a hụn ihiẹn wẹ rị e mẹ m, gi ezigbo ihiẹn kụ m ụgwọ iyini m rị a narịn tannị.”

Ndị-nze Nke Ẹbụọ 17:18

Ya kẹ Osolobuẹ nọ gi iwe ahụn ndị Izrẹlụ Ẹbamịn ugu kpasu ẹ wepụ wẹ ihun ẹ. Ebọn Juda sụọ nọ họdụ.

Ndị-nze Nke Ẹbụọ 19:4

Ikẹnkwọ Osolobuẹ wụ Chuku i a nụghọ oku-ọnụ onyẹ-isi-aghanị di-nwọnn'ẹ wụ eze Asiria zihẹ d'a kpari Chuku rị ndụn; ikẹnkwọ Osolobuẹ wụ Chuku i a jụgbọ a banyeni oku ndị ahụn Osolobuẹ nụ ọnụ a. Mẹni nwan ẹnyi ndị họdụ imẹ alị Juda ekpere.”

Ihiẹn Mẹni Nke Ẹbụọ 28:19

Osolobuẹ gi ufiri Ahazị wụ eze wẹ wetu Juda alị, makẹni Ahazị rị a kwadọn njọ imẹ Juda, e mẹchanrịn ihiẹn ile Osolobuẹ sị wẹ emẹlẹ.

Ihiẹn Mẹni Nke Ẹbụọ 34:21

“Jẹn ni d'a jụ Osolobuẹ banyeni ihiẹn ndịnị wẹ deye imẹ ẹkụkwọnị ẹnyi hụn, kẹni mmẹ lẹ ndị Izrẹlụ lẹ Juda họdụnị marịn ihiẹn ẹnyi k'e mẹ. Okẹn ọnụma kẹ Osolobuẹ gikwọ rị e sọn ẹnyi makẹni ndị nẹdi ẹnyi emẹni ihiẹn Osolobuẹ ku; egini wẹ ihiẹn ndịnị ile wẹ deye imẹ ẹkụkwọnị bi.”

Ẹbụ-ọma 106:23

Ya kẹ Osolobuẹ nọ sị n'o tikpọ wẹ; omẹni ẹlẹ hụn onyẹ ahụn ọ họrị wụ Mozizi wuzo ẹgbata ya lẹ uwẹ, rịọma a, amamgbe o gi olulu tikpọ wẹ, nkẹ o tikpọ wẹ.

Ẹbụ-ọma 50:21

Ụnụ hụ e mẹ ihiẹn ndịnị ile, a gba m ụnụ nkịtịn, ụnụ hụ e ro nị m nọhụ kẹ ụnụ. Kanị m rị nwan a jụgbọ ụnụ, m rị nwan a gwapụ ụnụ ihiẹn ụnụ mẹ.

Azaya 1:8

A lagụọ wẹ nwagbọọ wụ obodo Zayọnụ tọ nọkẹ ụlọ-ubi rị ugbo-vaịnị, nọkẹ ụlọ-ogo rị ugbo-ogiri, nọkẹ obodo ndị-agha kehunmẹ.

Azaya 1:9

Omẹni Osolobuẹ ihiẹn ile rị okpuru ẹ ete latọnịnị ẹnyi ndị ọ latọnị ẹnyi, nkẹ ẹnyi a rịgụọ kẹ obodo Sodọm, nkẹ ẹnyi a nọgụọ kẹ obodo Gomora.

Azaya 10:20

O ru ogẹn ahụn, ndị Izrẹlụ k'a họdụnị — ndị ikpụnọ Jekọpụ hụn k'a hụn isi wanahịn — egikọzị onyẹ hụ e gbuni wẹ dọn ẹnya, Osolobuẹ hụn wụ Onyẹ-nsọ Izrẹlụ kẹ wẹ k'e gichanrịn dọn ẹnya.

Azaya 10:22

Izrẹlụ, ọsụọn'a nị ụnụ bu nwan ọda kẹ ẹjan rị mkpẹnrẹn ohimin, ndị bulẹni ọda sụọ k'a họdụ kinhẹn. Osolobuẹ e kutọgụọ oku ntikpọ o k'e tikpọ ụnụ, ntikpọ hụn jọgbu enwẹn ẹ kanị o furu efuru.

Azaya 11:11

Ogẹn hụ, Osolobuẹ jẹnkọ d'a tịnpụ ẹka nke mgbe ẹbụọ, wekinhẹnzi ndị nke ẹ họdụnị hụn rịsọnmẹ Asiria, Ijiptu ndịdan Iyi Naịlị, Ijiptu Ibe-elu wụ Patrọsị, Ẹtiopịa, Ẹlam, Shina wụ Babilọnụ, Hamatị lẹzi alị ndị teni rị mkpẹnrẹn ohimin.

Azaya 36:13

Ya ọ nọ lihi ọtọ, gi asụsụ Hibru yi oro nị ịhịan ile rị elu mgbọn nụ, ọ sị wẹ, “Gọn ni ntịn ihiẹn eze-uku wụ eze alị Asiria ku!

Azaya 36:18

“Anịkwọlẹ ni Hezikaya dufie ụnụ — hụnnị ọ rị a sị ụnụ ‘Osolobuẹ jẹnkọ d'a gbapụha ẹnyi.’ O nwọntughọ mmọn alị ọwụlẹ gbapụha alị a ẹka eze Asiria?

Azaya 36:20

Imẹ mmọn ndịnị ile, elee hụn sa ẹka zụọpụha alị a ẹka m. Nanị kẹ Osolobuẹ ụnụ e dọn nwan s'ẹka zụọpụha Jerusalẹm ẹka m?”

Azaya 37:17

Osolobuẹ, dodo gọn ntịn n'ị nụ! Osolobuẹ, dodo shịapụ ẹnya ị n'ị hụn! Nụ ihiẹnni ile Sẹnakẹribụ zi wẹ d'e ku hụn o gi a kpari ịyụ wụ Chuku hụn rị ndụn.

Azaya 37:31

Ndị Juda họdụnị k'a gbazị mkpọgụn ibe alị, mị mkpụrụ ibe elu.

Azaya 37:32

Ẹghẹẹ, ịhịan k'a họdụ imẹ Jerusalẹm, igunrun k'a wanahịn imẹ ndị rị ugu Zayọnụ. Osolobuẹ ihiẹn ile rị okpuru ẹ k'e gi adụdụ a mẹ ihiẹnni.

Azaya 37:5

Ndị hụn eze wụ Hezikaya zihẹ e zigụ Azaya ozi eze sị wẹ zi ẹ,

Azaya 41:14

Jekọpụ, ndidọn zelẹni, atụlẹ egun — Izrẹlụ ụjọ! Makẹni mmẹ lẹ enwẹn m k'e yeni i ẹka ya kẹ mmẹ wụ Osolobuẹ ku — mmẹ, Onyẹ a gbapụhan'ị, Onyẹ-nsọ Izrẹlụ.

Azaya 46:3

Gọn ni m ntịn-o, ebọn Jekọpụ — ụnụ ile ndị họdụ ezi-lẹ-ụlọ Izrẹlụ. Mmẹ bu ụnụ kete w'a tụlẹ imẹ ụnụ; mmẹ bu ụnụ kete ụnụ banlẹ imẹ ẹfọ.

Jerimaya 26:19

“Eze wụ Hezikaya lẹ ndị Juda ile e gbughọ a? Hezikaya atụnị egun Osolobuẹ? Ọ nọ rịọ Osolobuẹ n'o mẹ omikẹn wẹ, ẹlẹ ya? Osolobuẹ erohutọnị, latọ ihiẹn ọ sị o k'e mẹ wẹ? Ẹnyi nwẹn e d'e buhẹkwọnị enwẹn ẹnyi nsọngbu!”

Jerimaya 42:2

Wẹ nọ sị Jerimaya, “Dodo kẹ ẹnyi rị a rịọ ị, mẹ ekpere rịọnị ẹnyi Osolobuẹ wụ Chuku i; yeni ẹnyi ndị họdụnị ẹka — yụ lẹ enwẹn i a hụngụọ nị ẹnyi ebuzini ọda kẹ ẹnyi buhan mbụ.

Daniẹlụ 2:18

Ọ nọ sị wẹ rịọ Chuku rị elu-igwee n'o mẹni wẹ omikẹn ebe ihiẹn-omimini rị, amamgbe w'e gbu ya nwẹn wụ Daniẹlụ lẹ ibe ẹ cheni ndị a hụn ụzọ rị Babilọnụ.

Juwẹlụ 2:17

Ndị nchụn-ẹjan, ndị ọrụn Osolobuẹ, wẹ kwanma ẹkwan ẹgbata ukpo nchụn-ẹjan lẹ ẹtu-ụlọ Ụnọ-NSỌ! Wẹ sị Osolobuẹ, “Osolobuẹ dodo, mẹ omikẹn ndị nke i! Emẹkwọlẹ ndị nke i wụrụ ihiẹn ẹmụ, ihiẹn ndị alị ọzọ e legberi! Amamgbe alị ndị ọzọ a jụma, ‘Elebe kẹ Chuku wẹ rị?’ ”

Emọsụ 5:15

Eje-ihiẹn ya zemẹ ụnụ ize; ihiẹn rị mma ya sụọma ụnụ; hụn n'a nị w'a han ezigbo eṅẹn ọgwa. Ikẹnkwọ Osolobuẹ, Chuku ihiẹn ile rị okpuru ẹ e gi ufiri ẹ mẹ omikẹn ụnụ, ụmụ Josẹfụ họdụnị.

Emọsụ 7:2

E rigụ wẹ irurue rị alịnị, m nọ sị, “Di-nwọnni-ẹnyi Osolobuẹ, dodo gbagharị! Nị ụmụ Jekọpụ sa ẹka hụn isi? E mẹkẹkwọ wẹ ẹkẹrẹ!”

Ndị Rom 9:27

Nke ndị Izrẹlụ, Azaya gi wẹ yi oro, sị, “Ọsụọn'a nị ndị Izrẹlụ bu ọda kẹ ẹjan rị mkpẹnrẹn ohimin, ndị Osolobuẹ k'a zụọpụha imẹ wẹ ebukọ ọda;

Jemisi 5:16

A gwaghọsị nị nwan ibe ụnụ njọ ụnụ mẹ, e mẹni ni ibe ụnụ ekpere, kẹni ụnụ hụn ụzọ dịnhịn. Ekpere onyẹ ezi-omumẹ nwọn ikẹn ọda-ọda; ọ rụnka.

Joshụa 14:12

Ye m nwan alịnị rị elu ugu hụn Osolobuẹ kwe m nkwa ụhụọhịn ahụn. Y'a nụghọ a ụhụọhịn ahụn nị ndị adụn-aran Anakị rị ebẹhụ, uwẹ lẹ obodo uku, obodo uku wẹ tụnhunmẹ mgbọn; kanị, omẹni Osolobuẹ a nọyeghọnị m, m sikọ d'a chụpụ wẹ kẹ Osolobuẹ dọn ku.”

Samuẹlụ Nke Ibuzọ 12:19

Wẹ nọ sị Samuẹlụ, “Rịọ Osolobuẹ wụ Chuku i n'o mẹ omikẹn ẹnyi wụ ụmụ ị, makẹ ẹnyi gha a nwụnhụn! Makẹni ẹnyi e bugụọzị nwan njọ cheni njọ ẹnyi ile ebe ẹnyi nọ sị nị ẹnyi chọ eze.”

Samuẹlụ Nke Ibuzọ 12:23

O mẹ nke m, w'a sọ ni m k'e mẹbehini ọnụ ekpere, amamgbe m'e gi ẹ mẹ Osolobuẹ njọ. M jẹnkọ d'a gha e zin ụnụ ụzọ rị mma furuni.

Samuẹlụ Nke Ibuzọ 14:6

Jonatanị nọ nwan sị okorọbịa hụ e bun'ẹ ihiẹn ọgụn, “Bịa nị ẹnyi fetu d'e kunrun ndị Filistia ndịnị kwalẹni ugun ghalẹni e fe Osolobuẹ. Ikẹnkwọ Osolobuẹ e mẹyeni ẹnyi. Makẹni, onwọnni hụn Osolobuẹ ghalẹni e gi a zụọpụha, kẹ ndị bu ọda kẹ ndị bulẹni ọda!”

Samuẹlụ Nke Ibuzọ 17:26

Defidi hụzị a jụ ndị wuzo ebe ọ rị, “Kịnị kẹ wẹ jẹnkọ d'e ye onyẹ gbu onyẹ Filistia-nị, wepụnị Izrẹlụ ifẹnrẹnni? Onyẹ wụdẹ nwan onyẹ Filistia-nị kwalẹni ugun, o gi a kpọ ndị-agha Chuku mgba, Chuku hụn rị ndụn?”

Samuẹlụ Nke Ibuzọ 17:36

Mmẹ odibo i e gbugụọ kẹ ẹwọrọ kẹ biẹ; onyẹ Filistia-nị kwalẹni ugun k'a nọ kẹ wẹ, makẹni ọ kpariọlẹ ndị-agha Chuku, Chuku hụn rị ndụn!

Samuẹlụ Nke Ibuzọ 7:8

Wẹ nọ sị Samuẹlụ, “Arịọbehilẹni ẹnyi Osolobuẹ wụ Chuku ẹnyi n'ọ gbapụha ẹnyi ẹka ndị Filistia.”