Azaya 37:1 - Ika

¹ Ogẹn Hezikaya gi nụ ihiẹnni, ọ nọ tika ẹwuru ile o yi, yiri ẹkwa-achọ makẹ ihiẹn ụyanị mẹni, shi imẹ Ụlọ-nsọ Osolobuẹ.

Azaya 37:1 ပူးပေါင်းရင်းမြစ်များ

Ndị-nze Nke Ẹbụọ 22:11

Ogẹn eze gi nụ oku ndị rị imẹ Ẹkụkwọ Iwu, ya ọ nọ dọka ẹkwa ye enwẹn ẹ olu.

Ihiẹn Mẹni Nke Ẹbụọ 32:20

Eze wụ Hezikaya lẹ onyẹ-amụma wụ Azaya nwa Emọzụ nọ mẹ ekpere, kwanghọsị Chuku rị elu-igwee ihiẹnni.

Ẹzra 9:5

O ru ogẹn wẹ gi a chụn ẹjan ẹnyasị, m nọ gha ebẹhụ m bu enwẹn m gbama alị lihi, mmẹ lẹ nkanka ẹkwa ndị hụ m dọkaye enwẹn m olu; m nọ gbu osekpu, shịapụ ẹka m ẹbụbụọ zinmẹ Osolobuẹ wụ Chuku m,

Ẹsta 4:1

Ogẹn Mọdikaya gi marịn ihiẹn ile rị e mẹni, ọ nọ tika ẹwuru ye enwẹn ẹ olu, yiri ẹkpa-mkpụrụ wẹ gi a kwan ụya, kpọn ntụn kpu enwẹn ẹ, shi imẹ obodo hụ, e goo, a kwan ụya.

Azaya 22:12

Osolobuẹ, Onyẹ hụn nwọn ikẹn ile, a kpọghọ ọnụ oku ogẹn ahụn, sị ụnụ kwanma ẹkwan, gomẹ, sị ụnụ kọpụ ntutu rị ụnụ isi, yiri ẹkwa-achọ.

Azaya 36:22

Ya kẹ nwa Hil'kia wụ Ẹliakim hụn e lepụ obi-eze ẹnya lẹ akanwe wụ Shẹbụna lẹ nwa Asafụ wụ Jụa hụn e dọnmẹ ẹkụkwọ nọ kin azụụn, banyezi imẹ Jerusalẹm. A dọwagụ wẹ ẹwuru ye enwẹn wẹ olu makẹ ihiẹn ụyanị mẹni, wẹ nọ buru Hezikaya d'a gwa a ihiẹn onyẹ-isi agha Asiria ku.

Azaya 37:14

Hezikaya nọ narịn ndị-ozi hụ ẹkụkwọ-ozi hụ, gụn a. Ya ọ nọ we ẹ shi Ụlọ-nsọ Osolobuẹ, shịapụ a ebẹhụ ihun Osolobuẹ.

Jerimaya 26:19

“Eze wụ Hezikaya lẹ ndị Juda ile e gbughọ a? Hezikaya atụnị egun Osolobuẹ? Ọ nọ rịọ Osolobuẹ n'o mẹ omikẹn wẹ, ẹlẹ ya? Osolobuẹ erohutọnị, latọ ihiẹn ọ sị o k'e mẹ wẹ? Ẹnyi nwẹn e d'e buhẹkwọnị enwẹn ẹnyi nsọngbu!”

Jerimaya 36:24

Kẹ wẹ nụ ihiẹnni ile Jehudi gụn, onwọnni onyẹ mẹhunmẹni, onwọnni onyẹ dọwa ẹkwa ye enwẹn ẹ olu, kẹ eze kẹ idibo ẹ.

Matiu 11:21

Ọ sị, “Ndị Korazini, o sikọ d'a fụ ụnụ ọrụn! Ndị Bẹtisaịda, o sikọ d'a fụ ụnụ ọrụn! Makẹni, omẹni alị Taya-lẹ-Sidọnụ mẹgbu enwẹn wẹ njọ kẹ wẹ te nọ rụn ọrụn-atụmẹnya ile wẹ rụn imẹ ụnụ, nkẹ o tekẹ ndị Taya-lẹ-Sidọnụ rogharị, yiri ẹkwa achọ, kpọn ntụn kpu enwẹn wẹ gi ghọsị nị e rogharịgụọ wẹ.