Azaya 34:9 - Ika

⁹ Ogẹn ahụn, mirin alị Ẹdọm k'e wiwi, họnrin korota wẹ gi a rụn ụzọ; ẹjan rị alị hụ k'e họnrin nsịn-ẹnyanwụn rị a dụn ọkụn; alị Ẹdọm ile e họnrin korota rị a dụn ọkụn.

Azaya 34:9 ပူးပေါင်းရင်းမြစ်များ

Jẹnẹsisi 19:28

Ọ nọ lee ẹnya azụụn ahụn Sodọm lẹ Gomora lẹ alị aradan ahụn ile rị, ọ nọ hụn kẹ alị ahụn ile rị a lọ ẹnwụnrụn nọkẹ ẹnwụnrụn ẹgboko wẹ yi ọkụn.

Jobu 18:15

Ihiẹn ọ marịnlẹni e mẹ iwe ẹ; w'e fedẹ nsịn-ẹnyanwụn e ye ihiẹn ẹ ile.

Ẹbụ-ọma 11:6

O k'e hu ikeke-ọkụn lẹ nsịn ẹnyanwụn rị e rẹn ọkụn kpu ndị-njọ; ufere rị e bi ọkụn wụ nke wẹ.

Azaya 30:33

O tekẹmẹkẹ wẹ kwademẹ Tofẹtị ebe wẹ nọ a dụn ihiẹn ọkụn; a kwademẹgụọ w'a tọnị eze. E mẹgụọ wẹ mgbugbu ọkụn a miwaye, shịawaye, ọkụn lẹ nkụn e jun ẹ; umẹrẹn Osolobuẹ hụn rị e hupụha lekẹ nsịn-ẹnyanwụn rị e nwun ọkụn, e d'a mụ ọkụn ye ẹ.

Jerimaya 49:13

Mmẹ wụ Osolobuẹ rị nwan e kun enwẹn m, e ku ẹ nị m k'e tikpọchanrịn Bozra wụ isi-alị Ẹdọm, o họnrin ihiẹn-ifẹnrẹn lẹ ebe nwọnlẹni ihiẹn rịn'a lẹ ihiẹn wẹ gi a bụ ọnụ; ụmụ-alị ile nọkunmẹn'ẹ k'a tọ mkpọkọ-mkpọkọ. Mmẹ wụ Osolobuẹ ku ẹ.”

Luku 17:29

Kanị, ụhụọhịn hụ Lọtụ gha Sodọm pụ, ọkụn lẹ nsịn-ẹnyanwụn nọ gha elu-igwee zuetu kẹ mirin, gbuchanrịn wẹ ile.

Ditrọnọmi 29:23

Alị ahụn ile sikọ d'a la iwi, họnrin alị nnu lẹ nsịn-ẹnyanwụn, alị e wiwi ihiẹn, alị wẹ ghalẹni a kụnye ihiẹn, ihiẹn ghalẹni e pu mọbụ e sue imẹ ẹ. O k'a nọ kẹ ntikpọ wẹ tikpọ alị Sodọm lẹ Gomora lẹ Adima lẹ Zẹbo, hụn Osolobuẹ gi okẹn-ọnụma a tikpọpụ.

Judu 1:7

Ẹrịra kẹ ndị Sodọm lẹ Gomora lẹ obodo ndị nọkunmẹni wẹ mẹzi, bu enwẹn wẹ che ughẹrẹ lẹ ihiẹn-ụrụ, ya wẹ nọ narịn afụnfụn ọkụn-itẹbitẹ. Wẹ nọ wụrụ ihiẹn wẹ gi a gba ịhịan mkpịnsịn-ẹka ẹnya.

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”