Azaya 34:4 - Ika

⁴ Okokisẹ ile rị igwere sikọ d'e dẹnpụ, igwere lẹ enwẹn ẹ jẹnkọ d'a fịfịma kẹ ute. Ihiẹn ile rịn'a jẹnkọ d'a danpụ — lekẹ ẹhụhụọ-vaịnị ọkpọ-nkụn, kẹ akpụrụ-figi shinwụnnị dọn a danpụ.

Azaya 34:4 ပူးပေါင်းရင်းမြစ်များ

Matiu 24:29

“Hụn nsọngbu ogẹn hụ gihụ ghafegụ, ẹnyanwụn jẹnkọ d'a gba ishi, ifọn etikọzị; kokisẹ rị igwere k'a dantusọnmẹ, ikẹn ndị rị igwere k'e mẹhunmẹ.

Juwẹlụ 3:15

ifọn lẹ ẹnyanwụn k'a gba ishi; kokisẹ e tikọzị.

Rẹvẹleshọnụ 8:12

Mmọn-ozi nke ẹnọ e gbu opi ẹ, ẹnyanwụn nọ wiwi azụụn ohu, ifọn lẹ kokisẹ nọ wiwizịkwọ azụụn ohu-ohu, a latọsọnmẹ wẹ azụụn ẹbụọ-ẹbụọ. Ukpẹ wẹ nọ tibelụa, timẹhụ ụzọ ẹbụọ imẹ ụzọ ẹtọ. Anwụn amụchanrịnzịnị kẹ ụhụọhịn han k'o dọn a mụ mbụ; ifọn etibiehanzịnị k'o dọn e ti mbụ. Wẹ kebe ụhụọhịn ụzọ ẹtọ, anwụn amụkarịzịnị ụzọ ẹbụọ — ẹrịra kẹ ifọn mẹzikwọ imẹ uhinhin.

Matiu 24:35

Igwere lẹ ụwa k'a gụ, kanị oku m k'a bụnrịrị.

Rẹvẹleshọnụ 20:11

Ya m nọ hụn ukpo-eze ọchan hi-ogbe lẹ onyẹ nọdị alị elu ẹ. Ụwa lẹ elu-igwere nọ gbaman'a ọsọ, onwọnzini ebe wẹ k'a nọdị.

Azaya 13:10

Kokisẹ rị igwere lẹ ọkụdụ wẹ etikọ; anwụn rị a wanị k'a gba ishi, ifọn etikọ.

Azaya 13:13

M sikọ nwan d'e mẹhunmẹ elu-igwere, ụwa nkẹ e zinzinru alị yeni ọnụma Osolobuẹ ihiẹn ile rị okpuru ẹ, ụhụọhịn ahụn olulu ẹ k'a dụn kẹ ọkụn.

Azaya 14:12

Euu, y'a ghagụọ elu-igwee dan, onyẹ-e-gbukeni, nwa ụtụntụn! A magụọ wẹ i ye alị — ịyụ hụn te welụa alị ichẹn-ichẹn alị!

Hibru 12:27

Okuni o ku: “M k'e zinzinzi” rị a ghọsị nị Osolobuẹ sikọ d'e wepụ ihiẹn ndị wẹ a sa ẹka e zinzinpụ, ya wụ ihiẹn wẹ ke eke, kẹni ọ họdụ hụn wẹ ghalẹni a saẹka e zinzinpụ.

Rẹvẹleshọnụ 6:12

Ogẹn Nwa-ebulu hụ gi tọpụ eriri nke isin, e lee m ẹnya, m nọ hụn kẹ alị zinzin ọda-ọda, ẹnyanwụn nọ gimẹ kẹ ẹṅẹnrẹn ewu ogi; ifọn shịagụnị nọ nwunhutọ, nwunmẹ ẹdeke-ẹdeke.

Azaya 51:6

Lee ni ẹnya igwere, ụnụ e lezikwọ ẹnya elu-ụwa rị okpuru ẹ: igwere jẹnkọ d'e fopụ nọkẹ ẹnwụnrụn, elu-ụwa nkẹ jẹnkọ d'a fahị nọkẹ ẹkwa, ndị bi imẹ ẹ a nwụnhụn nọkẹ nzinzin. Kanị nzụọpụha m k'a rị jẹnrin-ejẹn, Ihiẹn hụ furuni m k'e mẹni ụnụ agụkọ.

Juwẹlụ 2:10

Wẹ pụha, alị e mẹhunmẹ, igwere e mẹhunmẹ; ẹnyanwụn lẹ ifọn a gba-ishi, kokisẹ e tibehi.