Azaya 33:2 - Ika

² Osolobuẹ dodo, mẹ ni ẹnyi omikẹn — nị ịyụ kẹ ẹnyi rị e lee ẹnya. Wụrụ ikẹn ẹnyi ụtụntụn ọwụlẹ; wụrụ nị ẹnyi onyẹ nzụọpụha ogẹn nsọngbu.

Azaya 33:2 ပူးပေါင်းရင်းမြစ်များ

Ẹbụ-ọma 123:2

Ẹghẹẹ, kẹ ikẹnnyẹ wụ idibo dọn a tụ ẹnya ihiẹn rị di-nwọnni wẹ ẹka lẹ kẹ ikpoho wụ idibo dọn a tụ ẹnya ihiẹn rị nnẹ wẹ ẹka, ẹrịra kẹ ẹnyi dọn nwan rị e lee Osolobuẹ wụ Chuku ẹnyi ẹnya, d'e ru n'o mẹ omikẹn ẹnyi.

Ẹbụ-ọma 143:8

Eki fọn ụtụntụn y'e mẹ m nụ ukwere ihiẹn-ọsụsụọ ị, makẹni ịyụ kẹ m gi dọn ẹnya. Ghọsị m ụzọ m k'a gha, makẹni e wegụọ m enwẹn m kwan'ị.

Ẹbụ-ọma 25:3

Onwọnni onyẹ gi i dọn ẹnya ifẹnrẹn k'e mẹ, kanị ifẹnrẹn k'e mẹ ndị ihunnaị nwọnlẹni isi.

Ẹbụ-ọma 27:1

Osolobuẹ wụ ukpẹ m lẹ onyẹ hụn a zụọpụhanị m — onyẹ kẹ m k'a tụ egun ẹ? Imẹ Osolobuẹ kẹ wẹ nọ e che ndụn m nche — onyẹ kẹ m k'a tụ egun ẹ?

Ẹbụ-ọma 33:22

Osolobuẹ, dodo e gi ihiẹn-ọsụsụọ ị e sọn ẹnyi, kẹ ẹnyi dọn rị e gi i e dọn ẹnya.

Ẹbụ-ọma 37:39

Ẹka Osolobuẹ kẹ nzụọpụha gha a bịanị ndị ezi-omumẹ; ịya e kpumẹ wẹ ogẹn nsọngbu.

Ẹbụ-ọma 46:1

Osolobuẹ wụ ikẹn ẹnyi lẹ onyẹ ẹnyi e gbọnni; eyemẹka a rịchanrịn ẹhụ-nsue ogẹn nsọngbu k'ọ wụ.

Ẹbụ-ọma 46:5

Chuku rị imẹ obodo ahụn, onwọnni ihiẹn k'e mẹn'ẹ; Chuku k'a zọ ụzọ d'e yen'ẹ ẹka.

Ẹbụ-ọma 50:15

kpọku m ogẹn nsọngbu, m k'a zụọpụha ị, y'a ja m mma.

Ẹbụ-ọma 60:11

Dodo, yeni ẹnyi ẹka lụsọn ndị-iṅẹnrẹn, makẹni ịhịan asakọ ẹka zụọpụha ẹnyi!

Ẹbụ-ọma 62:1

Chuku sụọ kẹ m gi e dọn ẹnya; ịya wụ onyẹ a zụọpụhanị m.

Ẹbụ-ọma 62:5

Chuku sụọ kẹ m tụkwasị obi, ịya kẹ m gi e dọn ẹnya.

Ẹbụ-ọma 62:8

Ndị nke ẹnyi, e gi ni Chuku e dọn ẹnya ogẹn ile, a gwaghọsịchanrịn n'a k'ọ rị ụnụ, makẹni ịya kẹ ẹnyi gbọnni. Sẹla

Ẹbụ-ọma 90:15

Mẹ nwan ẹnyi ghọghọ akpọhịn ole ahụn i ye ẹnyi afụnfụn, ahụa ole ahụn ẹnya hụn ẹnyi ihiẹn.

Ẹbụ-ọma 91:15

O k'a kpọku m, a za m'a, m k'a nọyen'ẹ ogẹn nsọngbu; m k'a zụọpụha a, ye ẹ ọghọ.

Ọpụpụ 14:27

Ya kẹ Mozizi nọ tịnpụ ẹka zinmẹ elu Ohimin hụ, mirin Ohimin ahụn nọ rukinmẹ, mgbe eki gi fọn, o rukinchanrịngụọ. Ndị Ijiptu e te nwanghọ nị wẹ wanahịn a, kanị Osolobuẹ nọ za wẹ ye imẹ ohimin ahụn.

Azaya 17:10

Kị haịn? Makẹni y'a zọgụọ Chuku ahụn a zụọpụhanị ị; y'a nyanhannị Ọmụma hụ y'a gbaban imẹ ẹ. Ọ sụọkwọ ị nwan kụn ihiẹn-akụnkụn rịgbu enwẹn ẹ mma, kụndẹ vaịnị pụ ichẹn wẹ gha alị ọzọ wẹhẹ;

Azaya 25:4

Ịyụ wụ ebe ndị igbẹnnyẹ a gbaban, ebe onyẹ mkpa gi a gbaban ogẹn nsọngbu ẹ, y'e kpumẹ ịhịan ebe okẹn ẹbi rị a kpọ, ị wụzị igungun ogẹn anwụn rị ma. Makẹni ihiẹn ndị ẹfọ-njọ rị e mẹ ịhịan nọ kẹ okẹn ẹbi rị a kpọ ẹhụ-ụlọ,

Azaya 25:9

Ogẹn ahụn, wẹ k'a gha a sị, “Ezioku-ezioku, ọnwan wụ Chuku ẹnyi; ịya kẹ ẹnyi gi dọn ẹnya, ọ nọ zụọpụha ẹnyi. Ọnwan wụ Osolobuẹ, ẹnyi gi ẹ dọn ẹnya; nị ẹnyi gi ọzụọpụha ọ zụọpụha ẹnyi ghọghọ, e nwọn anwịnrịn.”

Azaya 26:16

Osolobuẹ, wẹ buruhẹ i kẹ wẹ rị imẹ nsọngbu — nsọngbu hụn i gi rị a dọ wẹ ẹka-ntịn, wẹ hụ e ku ẹkẹrẹ-ẹkẹrẹ, e mẹ ekpere.

Azaya 26:8

Ẹghẹẹ, Osolobuẹ, eṅẹn i kẹ ẹnyi marịn; ẹnyi rị e che i; ẹfan ị lẹ ọghọ ị kẹ ẹnyi chọkọ.

Azaya 37:3

Wẹ nọ sị Azaya, “Eze wụ Hezikaya sị, ‘Ogẹn nsọngbu lẹ mkpari lẹ ụya a bịagụọnị ẹnyi nwan. Ọ nọ kẹ ebe nwa nọ kpuyechanrịn isi n'ọ pụha — kanị nnẹ ẹ ahụnnị ndụn kịnpụha a!

Azaya 40:10

Lee n'ẹ, Di-nwọnni-ẹnyi wụ Osolobuẹ gi ikẹn ẹ lala, ọ kpala ikẹn. Lee n'ẹ, o gi ihiẹn ọ rụnpụha lala, ihiẹn ọ rụn sọnla a.

Azaya 51:5

M lala d'e mẹni ụnụ ihiẹn furuni, nzụọpụha m lala alala, ẹka m k'a kị alị ile. Alị ndị teni rị ohimin k'a rịzịdẹ e lee ẹnya m; wẹ k'a rị e che m nị m d'a tụnị wẹ ụya.

Azaya 59:16

Ọ hụn a nị onwọnni onyẹ rịn'a, ọ tụ a ẹnya ọda-ọda nị onwọnni onyẹ e buche ọnụ nị wẹ dọnzi ihiẹn. Ya kẹ ọ nọ gi ẹka a wẹhẹ nzụọpụha. Ezi-omumẹ ẹ ye ẹ ndụn o gi mẹ ẹ.

Azaya 8:17

M jẹnkọ d'e cheri Osolobuẹ, hụn rị e zuemẹni ikpụnọ Jekọpụ ihun ẹ. M jẹnkọ d'e gi ẹ e dọn ẹnya.

Jerimaya 14:8

Euu, Onyẹ hụn Izrẹlụ rị e lee ẹnya! Onyẹ hụ a zụọpụhan'a ogẹn nsọngbu, k'ị gbanị nkịtịn nọkẹ onyẹ-ọbịa, e mẹ kẹ onyẹ-ijẹn banhanhụ d'a ranhịn nị eki fọn?

Ẹkwan 3:23

O mẹsọnmẹ ẹ ụtụntụn ile; y'e mẹkẹ onyẹ wẹ e gi dọn ẹnya.

Hosia 14:2

Gi ni arịrịọ jẹn d'e kunrun Osolobuẹ, sị n'a: “Dodo, gbagharị ẹnyi njọ ẹnyi, y'a nabanhan arịrịọ ẹnyi. Ẹnyi k'e gi ọnụ ẹnyi ye i oyiye, oyiye ọjịja-mma.