Azaya 32:6 - Ika

⁶ Makẹni, onyẹ nzuzu marịnlẹni Chuku e ku eje-oku, e ro eje-ihiẹn, e mẹ eje-ihiẹn, e kuja oku Osolobuẹ. O yekọ ndị ẹgụn rị a gụn ihiẹn-oriri, o yekọ ndị ẹgụn mirin rị a gụn mirin.

Azaya 32:6 ပူးပေါင်းရင်းမြစ်များ

Ẹbụ-ọma 141:4

Anịlẹ eje-ihiẹn la m ẹnya hụn m'e gi sọn ndị-ejẹ mẹmẹ ihiẹn wẹ e mẹ. Anịlẹ m sọn wẹ ri ezigbo ihiẹn-oriri ndị hụ w'e ri.

Itẹn 19:3

Nzuzu ịhịan hụ e wiwi ẹ ihiẹn, kanị obi ẹ hụ a kpọnị Osolobuẹ ọnụma.

Itẹn 24:7

Amamihiẹn e tekẹ ebe onyẹ-nzuzu rị; wẹ zudẹ imẹ ọgwa, ara shịapụ ọnụ a.

Azaya 10:2

hụn wẹ gi a napụ ndị-igbẹnnyẹ ihiẹn runi wẹ, a napụ ndị nwọnlẹni ịhịan ihiẹn runi wẹ, e mẹgbu ikpoho di wẹ nwụn, a tụnarịn ndị nwọnlẹni nẹdi ihiẹn wẹ!

Azaya 10:6

M zi ẹ d'e mẹshi alị rịlẹni e fe m ikẹn, m tumẹ ẹ d'e mẹ alị kpasu m iwe ihiẹn — ya d'a napụ wẹ ihiẹn wẹ, kwanarịn wẹ ya; zọgbu wẹ kẹ w'a zọgbu ẹjan rị ọkpụzọ.

Azaya 26:10

Ọsụọn'a wẹ mẹni ndị eje-omumẹ ọhụnma, w'a ra gi ẹ mụrụn ezi-omumẹ — kẹ imẹ alị ezi-omumẹ, w'e mẹsọnmẹzikwọ eje-ihiẹn, arị wẹ e legha ọghọ Osolobuẹ ọsụọn'a nị ọ pụhachanrịn ifọn imẹ igunrun wẹ.

Azaya 3:15

Kị ụnụ rị e gwerinriẹnni ndị nke m? Kị ụnụ rị a bịangbuni ndị-igbẹnnyẹ?” Ịya kẹ Onyẹ-nwọnni-ẹnyi wụ Osolobuẹ rị a jụ ụnụ.

Azaya 31:2

Kanị, Osolobuẹ nkẹ nwọnzikwọ uche: o zilanị wẹ nsọngbu, ọ latọnị ihiẹn ọ sị o k'e mẹ wẹ. Kaka! O k'e mẹshi ndịnị e mẹ eje-ihiẹn ikẹn, uwẹ lẹ ndị ahụn e yeni ndị e mẹ eje-ihiẹn ẹka.

Azaya 59:13

isi hụn ẹnyi nupụsọnmẹ okpuru Osolobuẹ lẹ ntụ ẹnyi gi sọn ẹ, kẹ ẹnyi dọn gbakitọ Chuku ẹnyi azụụn; a kwadọn nkịgbu lẹ nnupụ-isi, a kpachanpụ ẹnya a tụsọnmẹ ntụ.

Azaya 59:7

Ụkụ a kẹrẹka wẹ ebe eje-ihiẹn rị, ara fụdẹ wẹ ọrụn igbu onyẹ nwọnlẹni ihiẹn o mẹ. Eje-ihiẹn sụọ kẹ w'e ro; ntikpọ lẹ nsọngbu kẹ w'e buhẹsọnmẹ.

Azaya 9:17

Ufiri ẹ, Osolobuẹ eleni ikorọbịa wẹ ẹnya ihun, o mẹdẹni omikẹn ụmụ-ẹka nwọnlẹni nẹdi lẹ nnẹ lẹ ikpoho di wẹ nwụn, makẹni ndịnị ile wụ ndị eje-omumẹ ghalẹni a tụ egun Osolobuẹ; ọnụ ile rị e ku eje-ihiẹn! Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Jerimaya 13:23

Nị onyẹ-ogi saẹka mẹ ẹhụ a chanma ụchan? Nị liopadị saẹka wepụ ẹkịrịka rị a ẹhụ? Yụ nwẹn as'ẹka mẹ ihiẹn rị mma makẹni eje-ihiẹn a mụmarịngụọ ị.

Izikẹlụ 34:18

O hini ụnụ nị ụnụ nọ ẹfịfịa rị mma e ri? Omẹni ụnụ egini ụkụ zọkpụkpọ ẹfịfịa họdụnị, ọzọba rọ? Ụnụ ragụ mirin rị mma nị ụnụ egini ụkụ gberụrụ mirin họdụnị, ọzọba rọ?

Daniẹlụ 12:10

Ndị bu ọda jẹnkọ d'a chanchan enwẹn wẹ, a wụrụ wẹ ndị nwọnlẹni nkọrịanị, a chanchan wẹ wẹ kẹ w'a chanchan goru, kanị ndị eje-ịhịan k'e mẹsọnmẹ eje-ihiẹn. Onwọnni onyẹ e mẹ eje-ihiẹn k'a ghọtanị, kanị ndị marịn ihiẹn k'a ghọta.

Emọsụ 8:6

ẹnyi k'e ṅọn ndị-igbẹnnyẹ nru-ọnụ, gi ọnụ akpụkụ ṅọnrin ndị elu rị a fụ, gwọgbama ọka lẹ ẹfịfịa a re.”

Matiu 15:19

Makẹni, obi kẹ ihiẹn ndịnị gha pụha: eje-iroro, igbu-ọchụn, ịna-nwunyẹ-ịhịan lẹ ịzọ-ụkụ-ye-ọfịa, ughẹrẹ ichẹn-ichẹn, Izun-ohin, ịshịa ẹri-ntụ lẹ ikuja oku ịhịan.

Matiu 23:13

“Kanị nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Makẹni ụnụ a kpọkin ụzọ Alị-eze elu-igwee: ụnụ abanyeni, ụnụ eyekọ ndị chọ nị wẹ banye efe banye.

Jemisi 1:27

Ezigbo ofufe zu oke, rụlẹni ẹnya Osolobuẹ Nẹdi ẹnyi wụ hụnnị: ịtụnị ndị nwọnlẹni nẹdi mọbụ nnẹ lẹ ikpoho di wẹ nwụn rị e ri ụya ụya, lẹzi idọnmẹ enwẹn ịhịan makẹ ụwa gha e mẹrụ a.

Samuẹlụ Nke Ibuzọ 24:13

Ọ nọ nwan kẹ ndị akan dọn ku ẹ, ‘Imẹ ndị e mẹ eje-ihiẹn kẹ eje-ihiẹn gha a pụhasọnmẹ.’ Emẹtụkọ m'ị nwan ẹka.