Azaya 32:4 - Ika

⁴ Ndị ghalẹni e rogụ d'e mẹ ihiẹn, k'e nwọnmẹ uche lẹ nghọta, ndị te malẹni ku oku e kumẹ oku ọhụnma.

Azaya 32:4 ပူးပေါင်းရင်းမြစ်များ

Ọpụpụ 4:11

Osolobuẹ nọ sị a, “Onyẹ ye ịhịan ọnụ? Onyẹ e mẹ ịhịan anụlẹ ihiẹn mọbụ ekulẹ oku? Onyẹ e mẹ ẹ legha ụzọ mọbụ họnrin ẹnya-ishi? Ẹlẹ mmẹ wụ Osolobuẹ rọ?

Ẹbụ Solomọnụ 7:9

ya sụọzịkwọ kẹ manya kachanrịn mma. Manya hụ ya hujẹnni Nke-m — ya gi nwayọ gha a ụgb'ọnụ lẹ eze.

Azaya 29:24

Ndị e bi mpụ k'e nwọn nghọta, ndị e dẹnnwịnwịnnị a nụma ihiẹn wẹ rị a gwa wẹ.”

Azaya 35:4

Sị nị ndị obi wẹ zelẹni, “Kwọnkẹnmẹ ni enwẹn ụnụ, atụlẹ ni egun, Chuku ụnụ lala — ọ lala d'e mẹgwarịnị ụnụ, ọ lala d'e mẹgwarị wẹ kẹ Chuku; ọ lala d'a zụọpụha ụnụ.”

Azaya 35:5

Ogẹn hụ ẹnya onyẹ-isi k'a shịapụ, ntịn-okin a nụma ihiẹn.

Matiu 11:25

Ogẹn hụ kẹ Jizọsị gi sị, “M rị a kpanmịn ị Baba, Onyẹ nwọn elu-igwee lẹ ụwa, makẹni i zuemẹni ndị marịn ihiẹn lẹ ndị nwọn uche ihiẹn ndịnị, we wẹ ghọsị ụmụ-ndu.

Matiu 16:17

Jizọsị nọ sị a, “Onyẹ wẹ gọzi agọzi k'ị wụ Saịmọnụ nwa Jona! Makẹni ẹlẹ ịhịan ghọsị ị ihiẹnni; Nẹdi m rị elu-igwee ghọsị ị ya.

Ọrụn Ndị-ozi 4:13

A hụn wẹ kẹ Pita lẹ Jọnụ dọn rị e ku, e kushi ẹ ikẹn, bụ a marịngụọ wẹ nị ejẹnni wẹ ụlọ-ẹkụkwọ, ejẹnni wẹ ọzụnzụn, ọ tụ wẹ ẹnya; ya wẹ nọ ghọta nị wẹ lẹ Jesu a wịọlẹ haịn.

Ọrụn Ndị-ozi 6:7

Oku-Chuku hụkwọ a ghagbarị, e ru ndị bu ọda ẹka, ndị kwerini hụ e buwaye ọda imẹ Jerusalẹm; ndị nchụn-ẹjan bu ọda nọ gbehutọ sọnmẹ Ụzọ Jesu.

Ndị Galeshịa 1:23

Wẹ gihụ ntịn wẹ nụ kẹ wẹ rị a sị “Onyẹ ahụn te rị e kpokpo ẹnyi mbụ rị nwan e zisọnmẹ ozi okukwe ahụn o te chọ n'o tikpọ!”