Azaya 32:14 - Ika

¹⁴ Ẹghẹẹ, obi-eze jẹnkọ d'a gba okpokoro, obodoni ịhịan jun a gba okpokoro; kẹ isi-obodo kẹ ụlọ-nche uku rịn'a jẹnkọ d'a wụrụ ebe wẹ latọ — ebe jaki-ọfịa lẹ anụmanụ ndị ọzọ nọ a kpa nni, wụrụ a jẹnrin ejẹn.

Azaya 32:14 ပူးပေါင်းရင်းမြစ်များ

Ndị-nze Nke Ẹbụọ 25:9

Ọ nọ mụ ọkụn ye Ụlọ-nsọ Osolobuẹ lẹ obi-eze lẹ ụlọ ile rị Jerusalẹm, dụnpụ ụlọ ile rị mkpa ọkụn.

Ihiẹn Mẹni Nke Ẹbụọ 33:14

O mẹgụ, ọ nọ dọnzi mgbọn nke ẹbụọ wẹ tụnhunmẹ Obodo hụ Defidi tụn, gha ibẹka ọdịdan ẹnyanwụn Isi-mirin Gihọnụ hụn rị Ọdanmgbugbu d'e rukwọrị ebe wẹ gha a banye Ọnụ-mgbọn Azụn lẹ ebe mgbọn hụ nọ ghahunmẹ ugu Ofẹlụ; ọ tụnshizi ẹ elu ọda-ọda karị k'ọ han mbụ. Ọ nọ bu ndị-isi agha che obodo ọwụlẹ wẹ tụnhunmẹ mgbọn imẹ Juda.

Nehemiah 3:26

ya lẹ ndị e jẹn ozi Ụlọ-nsọ hụn bi elu ugu Ofẹlụ dọnzi d'e ru ebe bu ihun zinmẹ Ọnụ-mgbọn Mirin hụn rị ẹbamịn ọwụwa ẹnyanwụn lẹ ebẹhụ ụlọ-nche uku rị.

Ẹbụ-ọma 104:11

Mirin hụ kẹ anụ ọfịa ile a ra; uwẹ kẹ jaki-ọfịa gi e gbọn ẹgụn-mirin.

Azaya 22:2

Euu, obodo isusu jun! Euu, obodo uku ẹhụ-ọtụtụ lẹ eje-nkpọtụ jun? Egini wẹ ọpịa-agha gbu ndị nke ọnụ wẹ gbu, ẹlẹzikwọ agha gbu wẹ.

Azaya 24:10

Obodo hụ wẹ tikpọ a gba okpokoro; a kpọkinchanrịngụọ wẹ ụlọ ile makẹ ịhịan gha a banye ẹ.

Azaya 24:12

A lagụọ wẹ obodo nwẹn tọ mkpọkọ-mkpọkọ, tigungwọn ọnụ-mgbọn ẹ.

Azaya 25:2

Y'e mẹgụọ obodo họnrin mkpọkọ-mkpọkọ, mẹ obodo wẹ tụnhunmẹ mgbọn zeni wụrụ ihiẹn wẹ tikpọ la iwi; okẹn obodo nwẹn ndị alị ọzọ gi e dọn ẹnya arịzị a; atụndọnzikọ w'a.

Azaya 27:10

E mẹrigụọ wẹ obodo nwẹn wẹ te tụnhunmẹ mgbọn, mẹ ẹ gba okpokoro; o họnringụọ ebe wẹ gbatọ, ebe wẹ latọ nọkẹ atụ; mmụ-efin k'a rị ebẹhụ, a kpa nni, e dinẹsọnmẹ ebẹhụ, e ripụ ẹhụhụọ rịsọnmẹ agalaba osisi ebẹhụ.

Azaya 3:26

Obodo Zayọnụ k'a gha a kwan, a kwan ụya; o k'a gwọrị alị lekẹ okpoho di lẹ ụmụ nwụnnahịn.

Azaya 5:9

Osolobuẹ, Onyẹ Nwọn ikẹn ile, e kugụọ a hụn m nụ, sị, “Okẹn ụlọ ndị hụ ile k'a gbarịrị okpokoro, onwọnni onyẹ k'e bi okẹn ụlọ ndị hụ ile ma mma.

Azaya 6:11

Ya m nọ sị, “Onyẹ-nwọnni-ẹnyi, d'e ru ele mgbe?” Ọ nọ sị m: “D'e ru ni obodo ichẹn-ichẹn e tikpọchanrịn, onwọnzini onyẹ bi imẹ wẹ; d'e ru mgbe wẹ lachanrịn ụlọ wẹ tọ okpokoro, ndị ọzọ e wiwi ugbo wẹ, ripụ ihiẹn wẹ kụn;

Azaya 7:23

Ogẹn hụ, ogun-lẹ-ọkịnkan sụọ kẹ wẹ jẹnkọ d'a hụn ebe ile wẹ te nọ a hụn isi vaịnị nnụ-uku w'e re akpụrụ siliva nnụ-uku.

Jerimaya 14:6

Jaki-ọfịa hụ e wuzo elu-òke, e mẹ ẹkpịrị tuke-tuke lekẹ nkitẹ-ọfịa; ẹnya e d'a kpọhị wẹ ebe wẹ rị a chọ ẹfịfịa wẹ e ri.”

Jerimaya 33:4

Lee ihiẹn Osolobuẹ hụn wụ Chuku Izrẹlụ ku — ihiẹnni k'o ku banyeni ụlọ ndị rị imẹ obodoni lẹ obi-eze ile ndị-nze alị Juda rụn, ụlọ ndị ahụn wẹ kụkpọsọnmẹ gi rụncheni mgbọn obodo makẹ ndị Babilọnụ kehunmẹ obodoni lẹ ọpịa-agha wẹ:

Jerimaya 52:27

Eze Babilọnụ nọ gbu wẹ ebẹhụ, imẹ Ribla rị alị Hamatị. Ẹrịra kẹ wẹ dọn wepụ ndị azụụn Juda alị wẹ, kpụn wẹ shi alị ọzọ.

Jerimaya 6:5

Pụha nị nwan nị ẹnyi gwarị (gwẹrụ) gi uhinhin maye ẹ, tikpọchanrịn ebe ile zeni rịn'a hụn w'a gbaban!”

Hosia 2:3

Amamgbe m'a gba a ọtọ, e lee wẹ ọtọ a nọkẹ ụhụọhịn wẹ mụ a; e mẹ m'a gba okpokoro, gi ẹ họnrin alị ọkpọ-nkụn, gi ẹgụn mirin gbu ẹ!

Maịka 3:12

Ufiri ẹ, obodo Zayọnụ jẹnkọ d'a nọ kẹ ọfịa wẹ sụn dụkpọ, Jerusalẹm jẹnkọ d'e mẹ mkpọkọ-mkpọkọ; uguni ụlọ-nsọ rị elu ẹ jẹnkọ d'e họnrin ẹgboko rị elu ugu.

Zẹfanaya 2:15

Ọnwan wụ obodo Ninivẹ nwẹn te rị a ṅannị, hụn nwọnlẹni ihiẹn ọ tụ egun ẹ! Ninivẹ hụn e te sị enwẹn ẹ, “Mmẹ rọ! Onwọnni onyẹ han kẹ mmẹ!” Lee k'o gba nwan okpokoro! O họnringụọ nwan ebe anụ ọfịa e bi! Onyẹ pụha ebe Ninivẹ te rị, ọ ma ọsụọ, o be ọrịọ.

Zẹfanaya 2:7

Ẹgbẹrẹ ohiminni ile k'a wụrụ nke ndị Juda k'a họdụnị, a nọ w'a a zụn atụnrụn, ọhịhị gba, a ranhịn wẹ ụlọ ndị Ash'kẹlọnụ te bi. O k'a rị ẹrịra, makẹni Osolobuẹ wụ Chuku ndị Juda k'a tụnị wẹ ụya, mẹ n'ọ rịzịnị wẹ mma.

Luku 21:20

“Kanị, ụnụ hụn kẹ ndị-agha fihunmẹ Jerusalẹm, ụnụ a marịn nị ogẹn w'e gi tikpọ a a rịgụọ nsue.

Luku 21:24

Wẹ k'e gi ọpịa-agha gbu wẹ, kpụnrụn wẹ shi alị ile rị ichẹn-ichẹn. Alị ndị ọzọ jẹnkọ d'a zọ Jerusalẹm ụkụ d'e ru nị ogẹn alị ndị ọzọ e zu.