Azaya 31:4 - Ika

⁴ Kanị, nke Osolobuẹ, ọ sị m, “Ẹwọrọ mọbụ nwa-ẹwọrọ gbu anụ, o ri ẹ, e dẹn; ọsụọn'a nị wẹ zidẹ igunrun ndị e du anụ d'a maye ẹ, onwọnni oro wẹ yi e mẹhunmẹn'ẹ; onwọnni ụzụn wẹ zụn o gi e dọn — o risọnmẹ ihiẹn ọ rị e ri. Ẹrịra kẹ Osolobuẹ k'a dọn lụnị ugu Zayọnụ ọgụn, o lekọ ẹnya azụụn.

Azaya 31:4 ပူးပေါင်းရင်းမြစ်များ

Ihiẹn Mẹni Nke Ẹbụọ 20:15

Ọ nọ sị, “Gọn ni ntịn!! Eze wụ Jehoshẹfatị lẹ ndị ile bi Juda lẹ Jerusalẹm! Osolobuẹ sị ụnụ, ‘Atụlẹ ni egun mọbụ nị ndụn gụ ụnụ makẹ ndị-aghanị bugbu enwẹn wẹ ọda, makẹni aghanị ẹlẹ nke ụnụ, nke Osolobuẹ rọ.

Ọpụpụ 14:14

Osolobuẹ jẹnkọ d'a lụnị ụnụ ọgụn, ẹlẹ hụn ụnụ e gi ye enwẹn ụnụ nsọngbu.”

Ọpụpụ 14:25

O mẹ ụkụ ụgbọ-anyịnyan wẹ fịọpụma, nke wụnị ọ fụma wẹ ọrụn ọnyịnyan. Ndị Ijiptu nọ sị, “Nị ẹnyi lakwọnị ndị Izrẹlụ tọ! Osolobuẹ rị e gi ufiri wẹ a lụsọn ẹnyi ndị Ijiptu ọgụn.”

Azaya 10:16

Ufiri ẹ, Onyẹ-nwọnni-ẹnyi, hụn wụ Osolobuẹ Nwọn Ikẹn ile jẹnkọ d'e zi eje-emu e fie ịhịan ẹhụ ye imẹ igunrun ndị ahụn ile kin akwanran wẹ lẹ eze Asiria wị; ọghọ a jẹnkọ d'e nwunrun ọkụn nọkẹ ebe ọfịa rị e nwun ọkụn.

Azaya 12:6

Yikẹnmẹ ni oro, ụnụ a bụ ẹbụ ịghọghọ, ụnụ ndị Zayọnụ, makẹni Onyẹ-nsọ Izrẹlụ e mẹkẹ okẹn-ihiẹn imẹ igunrun ụnụ!”

Azaya 30:30

Osolobuẹ jẹnkọ d'e mẹ ịhịan nụ okẹn olu ẹ, mẹ wẹ hụn ẹka a k'ọ gha elu lala d'e mẹ wẹ ihiẹn — eje-ọnụma lẹ ọkụn rị a dụnnị lẹ ẹbi lẹ akpara lẹ ẹkwan-igwere k'o k'e gi bịa.

Azaya 30:32

Osolobuẹ fịan wẹ ube mkpịnsịn ohu — ube mkpịnsịn hụ o gi e ye wẹ afụnfụn — ẹgede-chakachaka lẹ ụbọ-hapụ a han — ọ gha a dụ wẹ ịkpa, a lụsọn wẹ agha hụ.

Azaya 42:13

Osolobuẹ k'a pụha kẹ odogun-agha, o k'a kpasu enwẹn ẹ kẹ onyẹ-agha; o k'e weshi olu elu yi oro-agha, o k'e mẹri ndị-iṅẹnrẹn ẹ.

Jerimaya 50:44

“Lee ẹ! Kẹ ẹwọrọ dọn a gha ọfịa mkpẹnrẹn iyi-Jọdanị a pụha ebe atụnrụn nọ a kpa nni mkpẹnrẹn mirin hụ ghalẹni a tahị, ẹrịra kẹ m k'a dọn maye ndị Babilọnụ idẹnmizi, mẹ wẹ gba alị wẹ tọ. Onyẹ m chọ kẹ m'e gi mẹ ẹ. Onyẹ nọ kẹ mmẹ? Onyẹ k'a jụ m ihiẹn ọwụlẹ? Elee eze k'a s'ẹka che m ọgụn?”

Hosia 11:10

Omẹgụ, wẹ k'e kinhẹn: wẹ k'a gbasọn Osolobuẹ, ogẹn m'e gi dẹn kẹ ẹwọrọ. M dẹnhụ kẹ ẹwọrọ, ụmụ m rị ẹbamịn ọdịdan-ẹnyanwụn e gi ẹhụ ọmụma-nni buruhẹ m.

Emọsụ 3:8

Ẹwọrọ e dẹngụọ; onyẹ kẹ egun jẹnkọlẹni d'a tụ?! Di-nwọnni-ẹnyi wụ Osolobuẹ e kuọlẹ oku; onyẹ jẹnkọlẹni d'e bu amụma gwa wẹ ihiẹn o ku?!

Zẹkaraya 12:8

O ru ogẹn hụ, Osolobuẹ k'e che ndị bi Jerusalẹm nche; ndị ndụn te rịlẹni imẹ wẹ ogẹn ahụn k'e zedẹ kẹ Defidi; ebọn Defidi wụ eze k'a rị kẹ Chuku lẹ enwẹn ẹ, nọkẹ mmọn-ozi Osolobuẹ, buruni wẹ ụzọ.

Zẹkaraya 14:3

Ogẹn ahụn kẹ Osolobuẹ k'e gi lihi d'a lụsọn alị ndị hụ agha k'o dọn e mẹ ụhụọhịn agha.

Zẹkaraya 2:5

mmẹ nwẹn k'a wụrụ mgbọn rị e nwun ọkụn, fihunmẹ ẹ. Mmẹ k'a wụzịkwọ ọghọ a. Ya kẹ Osolobuẹ ku.’ ”

Zẹkaraya 9:15

Osolobuẹ ihiẹn ile rị okpuru ẹ k'e che wẹ nche, e mẹri wẹ ndị-iṅẹnrẹn wẹ: a zọgbu wẹ ndị a gba araba, bu wẹ ri, e yi oro-agha nọkẹ ndị manya nwunye ẹnya, ẹdeke e jun k'o jun afẹrẹ nchụn-ẹjan, jun wẹ ẹhụ nọkẹ mpịn ukpo nchụn-ẹjan.

Zẹkaraya 9:8

E weri m ọnọdị che Ụlọ m nche, a zọtịtabehi wẹ alị m; onwọnzini onyẹ k'a ghan'a n'ọ bịangbu wẹ, makẹni ẹnya m hụ a hụn ihiẹn rị e mẹni.

Rẹvẹleshọnụ 10:3

Ọ nọ gi okẹn olu nọ kẹ olu ẹwọrọ rị e dẹnni, yi oro. Ogẹn o gi yi oro, akpara (akpabọ) ẹsa nọ han.

Rẹvẹleshọnụ 5:5

Ya kẹ onyẹ ohu imẹ ndị-isi hụ nọ sị m, “Akwanzilẹ! Lee ẹ, Ẹwọrọ ebọn Juda, Mkpọgụn Defidi, e mẹrigụọ; ya furu hụn a tọpụ eriri ẹsa ndị ahụn, fịfịpụ ẹkụkwọ hụ.”