Azaya 31:1 - Ika

¹ Nsọngbu rị e che ndị rị e jẹn Ijiptu d'a chọ eyemẹka, e gi ẹshin-agha wẹ e dọn ẹnya; wẹ rị e gi ụgbọ-ẹshin Ijiptu bugbu enwẹn ẹ ọda e dọn ẹnya, e gi ndị-agha wẹ e nyin ẹshin e dọn ẹnya makẹni wẹ bu ọda, hụn nkẹ wẹ e gi tụkwasị Onyẹ-nsọ Izrẹlụ obi, hụn nkẹ w'e gi jụ Osolobuẹ ihiẹn wẹ k'e mẹ.

Azaya 31:1 ပူးပေါင်းရင်းမြစ်များ

Jẹnẹsisi 47:17

Ya wẹ nọ wẹhẹmẹni Josẹfụ ihiẹn-uriri wẹ; Josẹfụ nọ gi ihiẹn-oriri gbanarịnma wẹ ẹshin wẹ, atụnrụn lẹ ewu wẹ, efin wẹ lẹ jaki wẹ. Josẹfụ nọ yechanrịn wẹ ihiẹn-oriri ahụa hụ e we gụ, gi ẹ gbanarịnchanrịn wẹ ihiẹn-uriri wẹ ile.

Ihiẹn Mẹni Nke Ẹbụọ 16:7

Ogẹn ahụn kẹ Hanani hụn a hụn ọhụn nọ bịa d'e kunrun Asa wụ eze Juda, sị a, “Makẹni i hatu Osolobuẹ wụ Chuku i, gi eze Aram dọn ẹnya, eze Aram a wanahịngụọ ị.

Ihiẹn Mẹni Nke Ẹbụọ 16:9

makẹni ẹnya Osolobuẹ rị a ghahunmẹ elu ụwa ile n'ọ hụn ụzọ gba ndị wechanrịn obi wẹ ile ye ẹ umẹ. Y'e zuzuọlẹ nzuzu. Agha sikọ d'a bịasọnmẹn'i nwan gha kikẹnni jẹnmẹ.”

Jobu 39:11

N'i gi ẹ dọn ẹnya makẹni ndụn a rịka a? N'ị la ọrụn ị tọn'a rụn?

Ẹbụ-ọma 20:7

Ụfọdụ gi ụgbọ-ẹshin agha e dọn ẹnya; ndị ọzọ gi ẹshin-agha e dọn ẹnya — kanị ẹnyi nwẹn gi ẹfan Osolobuẹ wụ Chuku ẹnyi e dọn ẹnya!

Azaya 10:17

Ukpẹ Izrẹlụ hụn wụ Osolobuẹ k'a wụrụ ọkụn; Onyẹ-nsọ wẹ hụn wụ Osolobuẹ k'a wụrụ ọkụn rị e nwunni; o k'e gi akpọhịn ohu dụnpụchanrịn kẹ ogun ẹ kẹ ọkịnkan a.

Azaya 2:7

Goru lẹ siliva e jun alị wẹ; akụ-lẹ-ụba wẹ enwọn okẹn. Ẹshin e jungụọ alị wẹ; asa wẹ ẹka gụnmarịn ụgbọ-ẹshin wẹ.

Azaya 20:5

egun lẹ ifẹnrẹn a wụrụ nke ndị gi Ẹtiopịa e dọn ẹnya lẹ ndị gi Ijiptu a nyan isi.

Azaya 22:11

Ụnụ e gu ọmị ye ẹgbata mgbọn ẹbụbụọ rị Jerusalẹm, dọha mirin rị Ọgọdọ Akan ye imẹ ẹ kẹni ụnụ hụn mirin — kanị ụnụ egikọ Osolobuẹ hụn mẹ ihiẹn gi rị k'ọ rị dọn ẹnya; ẹnya ụnụ eshikọ Onyẹ hụn rotọ ihiẹn rị e mẹ ogẹnni ẹdẹi.

Azaya 30:16

Ebe ụnụ sị, ‘Ẹshin kẹ ẹnyi k'e gi gba ọsọ, wanahịn!’ Ọsọ hụ kẹ ụnụ jẹnkọ nwan d'a gba! Ebe ụnụ sị, ‘Ẹshin ma gba ọsọ kẹ ẹnyi k'e gi gbapụ.’ Ndị chụkọnị ụnụ k'a gbakarị ụnụ!

Azaya 36:6

“Lee ẹnya, ị rị e lee ẹnya nị Ijiptu jẹnkọ d'a zụọ ụnụ; Ijiptu wụhụ ọkpọ kpagini hụn a dụnpu onyẹ ọwụlẹ danbemẹn'ẹ ẹka. Ẹrịra kẹ eze ndị Ijiptu wụ Fẹro e mẹ ndị ile gi ẹ dọn ẹnya.

Azaya 36:9

Nanị ụnụ a dọn nwan s'ẹka chedẹ itu-agha di-nwọnni-m ohu ọgụn — ọsụọkwọn'a hụn kachanrịn ntịn rọ, ọsụọkwọn'a Ijiptu ụnụ gi e dọn ẹnya yedẹ ụnụ ụgbọ-ẹshin agha lẹ ndị k'e nyinni wẹ?

Azaya 43:15

Mmẹ wụ Osolobuẹ, Onyẹ-nsọ ụnụ, Onyẹ hụn ke Izrẹlụ, Onyẹ hụn wụ Eze ụnụ.”

Azaya 5:12

Wẹ hụ a kpọ ụbọ-hapụ lẹ ụbọ-layẹ imẹ oriri wẹ, a kụ ẹgede-chakachaka, e gbu ẹkpịrị, a ra manya, kanị, onwọnni ihiẹn wẹ kpọ ihiẹn Osolobuẹ rị e mẹ, w'a ra rodẹ ihiẹn ọ chọ n'o mẹ wẹ.

Azaya 57:9

Y'e we udẹn-olivu jẹnni mmọn wụ Molẹkị, e mẹmẹ sẹnti i ọda-ọda, e wejẹnn'ẹ. Ị hụ a hanjẹn ndị ụkọ ị ebe teni, e jẹndẹ alị-mmọn lẹ enwẹn ẹ d'a chọ eyemẹka!

Azaya 64:7

Onwọnni onyẹ a kpọku i mọbụ a takẹnmẹdẹ n'o kwọnkẹnmẹ i; makẹni y'e bupụgụọ ẹnyi ihun, la ẹnyi tọ kẹni njọ ẹnyi mẹ ẹnyi ihiẹn.

Azaya 9:12

Ndị Aram gha ibe ọwụwa-ẹnyanwụn bịa lẹ ndị Filistia gha ndịdan-ẹnyanwụn bịa a shịapụchanrịngụọ ọnụ ripụ Izrẹlụ. Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Azaya 9:13

Kanị ehutọnị wẹ nwan buru Osolobuẹ hụn fịan wẹ ihiẹn, arịọnị wẹ Osolobuẹ, Onyẹ-nwọn ikẹn ile.

Jerimaya 17:5

Osolobuẹ sị, “Ịbụ-ọnụ ya rịnị onyẹ k'e gi ịhịan dọn ẹnya, onyẹ hụn ịhịan mmaka wụ ikẹn ẹ, onyẹ hụn obi ẹ rịzịlẹni ebe Osolobuẹ rị.

Jerimaya 2:13

“Ndị nke m e mẹọlẹ njọ ẹbụọ: a latọgụọ wẹ m, mmẹ hụn wụ isi-mirin e ye ndụn; e gurusọnmẹgụọ wẹ ọmị, ọmị gbawanị ghalẹni e che mirin.

Jerimaya 37:7

“Osolobuẹ, Chuku Izrẹlụ, sị ‘Lee ihiẹn ụnụ sikọ d'e zi eze alị Juda hụn zihẹ ụnụ d'a jụ m ọnụ m: Ndị-agha Fẹro hụn te lala d'e yeni ụnụ ẹka erukọ ebeni, wẹ k'e kin azụụn lakin alị wẹ wụ Ijiptu.

Jerimaya 42:14

a sị, ‘Mba, alị Ijiptu kẹ ẹnyi shikọ d'e biri. Agha akpọkọ ẹnyi ihun ebẹhụ, ẹnyi anụkọ opi-agha ndị-iṅẹnrẹn, ẹgụn egbukọ ẹnyi.’

Izikẹlụ 17:15

Kanị eze Jerusalẹm nwẹn nọ nupụn'a isi, han ụkọ jẹn Ijiptu d'a rịọ wẹ zihẹnn'ẹ ẹshin lẹ ndị-agha bu ọda. Nị mbụọ a pu ẹ? Nị onyẹ mẹ ihiẹn nọ ẹrịra hụn isi? N'o tikpọ nkwa o kwe hụn isi pụha?

Izikẹlụ 29:16

Ijiptu awụkọzị ihiẹn ndị Izrẹlụ gi e dọn ẹnya, ihiẹn wẹ gi a nyanhanzịnị m njọ wẹ mẹ, ọgbasọn ahụn wẹ gbasọn wẹ ogẹn mbụ d'a chọ eyemẹka. Ogẹn ahụn kẹ w'e gi marịn nị m wụ Osolobuẹ Nwọn Ihiẹn Ile.’ ”

Daniẹlụ 9:13

Kẹ wẹ dọnhụ de ẹ imẹ Iwu Mozizi, ẹrịra kẹ okẹn ihiẹnni ile dọn nwan mẹ ẹnyi, bụ ẹnyi eke mẹkwọ ihiẹn yụ wụ Osolobuẹ Chuku ẹnyi e gi mẹyeni ẹnyi — hụn wụ ịlatọ njọ ẹnyi lẹ igọn ezioku i ntịn.

Hosia 11:5

Wẹ lakin alị Ijiptu; ndị Asiria k'a kị wẹ hụnnị wẹ jụ n'e hutọkọ wẹ kweyeni m.

Hosia 11:9

Ẹlẹ m k'e mẹchanrịn kẹ olulu rị m obi han. Etikpọchanrịnkọ m Ifrem — makẹni, Osolobuẹ kẹ m wụ, ẹlẹ m ịhịan. Mmẹ wụ Onyẹ Ahụn Rị Nsọ hụn rị imẹ igunrun ụnụ — egichanrịnkọ m olulu rị m obi sọn ụnụ.

Hosia 14:3

Ndị Asiria azụọpụhakọ ẹnyi; ẹnyi e gikọ ẹshin-agha dọn ẹnya. Ẹnyi akpọkọzị mmọn ẹka ẹnyi kpụ ‘Chuku ẹnyi’. Euu Osolobuẹ, ẹka ị kẹ ndị nwọnlẹni nẹdi lẹ nnẹ nọ a hụn omikẹn!”

Hosia 7:7

Wẹ ile nọ kẹ ọkụn rị ẹnya-mgba, e bu ndị ọkịkị wẹ e ri. E gbugụọ wẹ ndị-nze wẹ ohu-ohu; onwọnni onyẹ a kpọkuni m.

Habakọkụ 1:12

“Euu Osolobuẹ, y'ẹlẹzi Onyẹ hụn rị ẹdẹi ra? Chuku m, Onyẹ-nsọ m, ẹnyi anwụnkọ! Euu Osolobuẹ, y'e tumẹgụọ ndị Babilọnụ n'i gi wẹ ye afụnfụn njọ. Heuu, Okẹn-nkumẹ, y'e tumẹgụọ wẹ nwan n'i gi wẹ jụgbọ.

Habakọkụ 3:3

Osolobuẹ gha alị Tẹmanị pụha; Onyẹ hụ rị nsọ gha Ugu Paranị bịa! Ọghọ a jun igwere ile, ụwa ile a ja a mma. Sẹla

Zẹkaraya 10:5

Wẹ k'a lụ agha kẹ odogun-agha, zọgbusọnmẹ ndị-iṅẹnrẹn imẹ ịkpọtọ rị ọgbara-ogbe; wẹ k'a lụshi ikẹn makẹni Osolobuẹ k'a nọyeni wẹ, e gbe wẹ ifẹnrẹn ye ndị gidẹ ẹshin-agha ihun — ndị gi ẹshin-agha a lụsọn wẹ agha.

Ditrọnọmi 17:16

Hụn e sọnn'ẹ, eze hụ enwọnkwọlẹ ẹshin ọda-ọda mọbụ mẹ ndị alị ụnụ kinzi alị Ijiptu d'a chọma ẹshin, makẹni Osolobuẹ a sịgụọ ụnụ, “Ekinkwọlẹ ni ụzọ ahụn;”

Ditrọnọmi 20:1

Ụnụ jẹn d'a lụsọn ndị-iṅẹnrẹn ụnụ agha, nị ụnụ a hụn ẹshin lẹ ụgbọ-anyịnyan wẹ kpọnhẹn lẹ ndị-agha ka ndị-agha ụnụ ọda, atụlẹ ni egun wẹ, makẹni, Osolobuẹ wụ Chuku ụnụ hụn gha alị Ijiptu wepụha ụnụ jẹnkọ d'a nọyeni ụnụ.