Azaya 30:9 - Ika

⁹ Makẹni, ndị nnupụ-isi kẹ ndịnị wụ — ụmụ hụn a tụ ntụ, ụmụ chọlẹni nị wẹ nụ ihiẹn Osolobuẹ rị a gwa wẹ.

Azaya 30:9 ပူးပေါင်းရင်းမြစ်များ

Ihiẹn Mẹni Nke Ẹbụọ 33:10

Osolobuẹ a gwa Manasẹ lẹ ndị nke ẹ oku, egọnni wẹ ntịn.

Ẹbụ-ọma 78:8

amamgbe w'a nọ kẹ ndị nẹdi wẹ kanị: ndị isi-ikẹn, ndị nnupụ-isi, ndị ẹnya wẹ rịlẹni ụzọ ohu, hụn dọnmẹlẹnini Chuku obi wẹ.

Ẹbụ-ọma 81:12

M nọ la wẹ tọ nị wẹ gbasọnmẹ isi-akwanran wẹ, wẹ nọ mẹsọnmẹ ihiẹn obi wẹ ye wẹ.

Itẹn 28:9

Onyẹ sị o gọnkọ ntịn Iwu-Osolobuẹ, ekpere ẹ wụdẹ arụ ebe Osolobuẹ rị.

Azaya 1:10

Gọn ni ntịn ihiẹn Osolobuẹ rị e ku, ụnụ ndị-isi Izrẹlụ, makẹni ụnụ lẹ ndị-isi Sodọm wụ ohu! Gọn ni ntịn Iwu Chuku ẹnyi, ụnụ ndị Izrẹlụ, makẹni ụnụ lẹ ndị Gomora wụ ohu!

Azaya 1:2

Igwere nụ a! Elu-ụwa, gọn ntịn! Makẹni Osolobuẹ sị: “Mmẹ zụn ụmụ, zụnpụha wẹ, kanị wẹ rị nwan a pa oku m.

Azaya 1:4

Eje-alịnị! Ndịnị njọ jun ihun lẹ azụụn! Ụmụ hụn e mẹ eje-ihiẹn eje-ihiẹn; ụmụ rụnị! A gbakitọgụọ wẹ Osolobuẹ azụụn; a jụgụọ wẹ Onyẹ-nsọ Izrẹlụ, ya lẹ wẹ arịzị kaka!

Azaya 10:5

Osolobuẹ sị, “Nsọngbu rị e che alị Asiria — hụn wụ nwan mkpịnsịn m gi rị a ghọsị olulu m, hụn bu ẹgbe m gi a ghọsị ọnụma m!

Azaya 10:6

M zi ẹ d'e mẹshi alị rịlẹni e fe m ikẹn, m tumẹ ẹ d'e mẹ alị kpasu m iwe ihiẹn — ya d'a napụ wẹ ihiẹn wẹ, kwanarịn wẹ ya; zọgbu wẹ kẹ w'a zọgbu ẹjan rị ọkpụzọ.

Azaya 24:5

Ndị bi elu ụwa e mẹrụchanrịngụọ ụwa; a dangụọ wẹ iwu ndị wẹ ye wẹ, e sọnni wẹ uhi wẹ yini wẹ; e tikpọ wẹ nkwerigbama itẹbitẹ Osolobuẹ.

Azaya 28:15

Ụnụ hụn a nyan isi, a sị, “Ẹnyi lẹ ọnwụn e kwerigbamagụọ n'o gbukọ ẹnyi, ẹnyi lẹ alị-mmọn e kwerigbamagụọ n'o nwọnni ihiẹn o k'e mẹ ẹnyi. Ogẹn okẹn nsọngbu hụ k'e gi bịa, o rukọ ẹnyi ẹhụ, makẹni ẹnyi a gbaburugụọ ntụ, makẹni ẹnyi a warịgụọ imẹ ihiẹn wụlẹni ezigbo ẹ.”

Azaya 30:1

“Nsọngbu rị e che ụmụ rị e bu isi-ikẹn.” Ịya kẹ Osolobuẹ ku — “ụmụ rị e mẹ ihiẹn ẹka m rịlẹni; wẹ lẹ ndị ọzọ a kịgbamagụọ bụ ẹlẹ Mmọn m zi wẹ. Wẹ rị e gi ẹ e kpọn njọ a kwasị njọ.

Azaya 48:4

Makẹni a marịnghọ m kẹ ụnụ mẹhan ndị isi-ikẹn, nị olu ụnụ wụ igwe ghalẹni a nị e gbegi; nị ezimezi ihun ụnụ ze kẹ igwe-bronzu.

Azaya 5:24

Ufiri ẹ, kẹ ọkụn dọn e ripụ irurue-ọkpọnkụn lẹzi kẹ ẹfịfịa-ọkpọnkụn rị ọkụn dọn a nyụnlụa, ẹrịra kẹ mkpọgụn wẹ k'a dọn rehi, ufere e bupụ obobo wẹ nọkẹ ntụn; makẹni a jụgụọ wẹ Iwu Osolobuẹ, Onyẹ ahụn kachanrịnnị, legberi oku Osolobuẹ Onyẹ-nsọ Izrẹlụ.

Azaya 63:8

O te sị, “Eziẹ, ndị nke m kẹ wẹ wụ, ụmụ m hụn jẹnkọlẹni d'e mẹ m ẹro.” Ya k'ọ nọ wụrụ Onyẹ-nzụọpụha wẹ.

Azaya 65:2

A shịapụgụọ m ẹka m ẹbụbụọ kẹ ụhụọhịn han, e che ndị isi-ikẹn, hụn a ghasọnmẹ eje-ụzọ — e mẹ ihiẹn sụọnị wẹ,

Jerimaya 35:14

Jonadabụ nwa Rekabụ sị ebọn ẹ aralẹ manya, wẹ nọ gi ihiẹn hụ ọ gwa wẹ dọn: d'e rukwọ nwan tannị w'a ra ra manya, makẹni wẹ rị e mẹ ihiẹn nẹdi wẹ kanị sị wẹ mẹ. Kanị, mmẹ nwẹn wụ Osolobuẹ hụ nwan a gwa ụnụ oku ọgụgwa-ọgụgwa, ụnụ arị e gi oku m e dọn.

Jerimaya 7:13

Kẹ ụnụ rị e mẹ ihiẹn ndịnị, m hụ a gwa ụnụ ọgụgwa-ọgụgwa, kanị ụnụ egini dọn; a kpọ m ụnụ, ụnụ azanị. Ya kẹ Osolobuẹ ku.

Jerimaya 7:28

Sị wẹ nwan: Ọnwan wụ alị hụn jụ n'o mẹkọ ihiẹn Osolobuẹ wụ Chuku wẹ sị wẹ mẹ; ihiẹn ile o mẹ wẹ, egini w'ẹ bihutọ ẹka. Ezioku a lagụọ, ọ rịzịdẹ wẹ ụgb'ọnụ.

Jerimaya 9:3

Osolobuẹ sị, “Wẹ e bu ire wẹ e zinmẹ lekẹ ụta — ntụ hụ a tụpụha lekẹ ọbara-ụta; arị wẹ e gi ezioku a wụrụ okẹn-ịhịan wẹ rị a wụ imẹ alịnị. Wẹ hụ e mẹsọnmẹ njọ; amarịn wẹ m.

Izikẹlụ 24:3

“Ta nị ebọn isi-ikẹnni ilu, sị wẹ: Lee ihiẹn Osolobuẹ Nwọn Ihiẹn Ile ku: ọ sị, ‘Dọ ite ye ọkụn; dọ a ye; hu mirin ye imẹ ẹ.

Hosia 4:2

Ihiẹn jun alịnị wụ ịkpọ-iyi lẹ ntụ lẹ igbu-ọchụn lẹ Izun-ohin lẹ ughẹrẹ; onwọnzini ihiẹn e kwọndọnni wẹ, ogbugbu-ogbugbu.

Zẹfanaya 3:2

Ara nụ ihiẹn kaka; “eze-agwalẹm” k'ọ wụ! Ara gi Osolobuẹ dọn ẹnya; ara nọkunmẹ Osolobuẹ!

Ọrụn Ndị-ozi 7:51

“Ndị isi-ikẹn! Ndị kwalẹni ugun imẹ obi lẹ ntịn! Ogẹn ile kẹ ụnụ gi e gbọndọn Mmọn-nsọ, e mẹ kẹ ndị nẹdi ụnụ!

Ditrọnọmi 32:20

Ọ sị, “M k'e bupụ wẹ ihun, nị m hụn kẹ w'a dọn ban ihiẹn; makẹni agbọ isi-ikẹn kẹ wẹ wụ, ụmụ furulẹni w'e gi dọn ẹnya.

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”

Rẹvẹleshọnụ 22:15

Makẹni ndị e bi kẹ nkitẹ, ndị nshi-lẹ-ẹjan, ndị ughẹrẹ, ndị-izighẹ, ndị a rụa mmọn lẹ onyẹ ọwụlẹ e mẹ mọbụ a kwadọn ihiẹn ya lẹ ntụ wị abanyekọ obodo hụ.