Azaya 30:7 - Ika

⁷ alị Ijiptu hụn eyemẹka a jẹnkọlẹni d'e nwọn isi — alị Ijiptu hụn m'a kpọ, “Rehabụ, Okẹn-anụ ghalẹni a s'ẹka e mẹ ihiẹn ọwụlẹ.”

Azaya 30:7 ပူးပေါင်းရင်းမြစ်များ

Jobu 9:13

Chuku ara bu olulu buhọdụ; wẹ ile hụn kwadọn Rehabụ mbụ-mbụ, okẹn Eje-anụ Ohimin ahụn, e fiẹnringhọdẹ alị ụkụ a.

Ẹbụ-ọma 87:4

Ọ sị, “M k'a kpọ ẹfan ndị ‘Rehabụ’ lẹ ndị Babilọnụ imẹ ndị e feni m; nke ndị Filistia lẹ ndị Taya lẹ ndị Ẹtiopịa, m k'a sị, ‘Ọnwan wụ onyẹ Zayọnụ.’ ”

Ẹbụ-ọma 89:10

Ịyụ tikpụkpọ Rehabụ, Onyẹ mpache, gbu ẹ; ịyụ gi ikẹn i hi-ogbe chụzịza ndị-iṅẹnrẹn i.

Ọpụpụ 14:13

Mozizi nọ za wẹ, sị, “Atụlẹ ni egun! Turu ni; ụnụ jẹnkọ d'a hụn nzụọpụha Osolobuẹ jẹnkọ d'a zụọpụha ụnụ tannị. Nke ndị Ijiptuni ụnụ rị a hụn tannị, ụnụ ahụnkọzị wẹ.

Itẹn 25:19

Igi onyẹ furulẹni w'e gi dọn ẹnya dọn ẹnya ogẹn nsọngbu nọhụ kẹ eze mọbụ ụkụ rị a tụrụ ịhịan.

Azaya 10:3

Kị ụnụ k'e mẹ nwan ụhụọhịn o k'a jụ ụnụ ajụjụ — ogẹn nsọngbu k'a gha ebe teni bịa? Onyẹ kẹ ụnụ k'a gbaburu n'o yeni ụnụ ẹka? Elebe kẹ ụnụ k'e butọ akụ-lẹ-ụba ụnụ?

Azaya 2:22

Gibehi ni ịhịan e dọn ẹnya, ịhịan hụn wụhụ akpụ uzun ohu rị imi. Kịnị kẹ ịhịan wụdẹ?

Azaya 20:6

Ogẹn ahụn, ndị alị ndịnị rịsọnmẹ mkpẹnrẹn Ohimin Mẹditerenia k'a rị a sị, ‘Ledẹ ni ihiẹn mẹ ndị nwẹn ẹnyi te gi dọn ẹnya, ndị nwẹn ẹnyi gbaburu nị wẹ yeni ẹnyi ẹka, nị wẹ gbapụha ẹnyi ẹka eze Asiria! Nanị ẹnyi e dọnzi nwan wanahịn?’ ”

Azaya 28:12

ndị nwẹn o te kuyeni, sị, “Ebeni wụ ebe izu-ikẹn, ndị ndụn gụ wẹ zu ikẹn”, “Ebeni kẹ ndụn a nọ ban ụnụ” — kanị egọnni wẹ ntịn.

Azaya 30:15

Di-nwọnni-ẹnyi, hụn wụ Osolobuẹ, Onyẹ-nsọ Izrẹlụ, sị: “Ibihutọ ẹka lẹ igi ndidin cheri m kẹ ụnụ k'e gi wanahịn, ịgba-nkịtịn lẹ igi m dọn ẹnya a wụrụ ikẹn ụnụ, kanị ụnụ ekwerini.

Azaya 30:5

ifẹnrẹn jẹnkọ d'e mẹchanrịn onyẹ ọwụlẹ, hụn wẹ gi danbemẹ alị nwọnlẹni erere o k'a bannị wẹ, alị nwọnlẹni ẹka o k'e yeni wẹ mọbụ ihiẹn rị mma o k'e mẹni wẹ, alị k'e buhẹni wẹ ifẹnrẹn lẹ ịfa sụọ.”

Azaya 36:9

Nanị ụnụ a dọn nwan s'ẹka chedẹ itu-agha di-nwọnni-m ohu ọgụn — ọsụọkwọn'a hụn kachanrịn ntịn rọ, ọsụọkwọn'a Ijiptu ụnụ gi e dọn ẹnya yedẹ ụnụ ụgbọ-ẹshin agha lẹ ndị k'e nyinni wẹ?

Azaya 51:9

Tẹnhin! Tẹnhin!! Ẹka Osolobuẹ gi a kpa ikẹn, tẹnhin! Jeri ikẹn i nọkẹ ẹkwa; tẹnhin kẹ y'e tẹnhin mbụ, kẹ y'e tẹnhin ogẹn ndị mbụ! Ẹlẹ ịyụ jakịka eje-anụ wụ Rehabụ? Ẹlẹ ịyụ zupu eje-anụ ohimin hụ ẹfọ?

Azaya 7:4

Sị a, ‘Hụn a n'i kwọndọn enwẹn i; atụlẹ egun; obi anahịnlẹ i makẹ mkpikpi nkụn ẹbụọ ndịnị rị e tinyụnnị hụn bịa d'a maye ụnụ; obi anahịnlẹ i nị Rẹzini lẹ alị a wụ Aram lẹ nwa Rẹmalịa rị e buni ụnụ olulu.

Jerimaya 37:7

“Osolobuẹ, Chuku Izrẹlụ, sị ‘Lee ihiẹn ụnụ sikọ d'e zi eze alị Juda hụn zihẹ ụnụ d'a jụ m ọnụ m: Ndị-agha Fẹro hụn te lala d'e yeni ụnụ ẹka erukọ ebeni, wẹ k'e kin azụụn lakin alị wẹ wụ Ijiptu.

Ẹkwan 3:26

ọ rịka mma nị ịhịan gi ndidin cheri nị Osolobuẹ zụọpụha a.

Hosia 5:13

Ndị Ifrem a hụn emu rị a kụ alị wẹ. Ndị Juda a hụngụọzị nị alị wẹ a rụgụọ ẹhụ. Ndị Ifrem e buru alị Asiria d'a rịọ eze-uku Asiria n'o d'e yeni wẹ ẹka! Kanị, ọ sakọ ẹka gwọ ụnụ ọrịa; ọ sakọ ẹka changbu ebe ụnụ rụ ẹhụ.