Azaya 30:2 - Ika

² Wẹ rị e jẹn Ijiptu bụ ajụnị wẹ m uche m; a chọjẹn Fẹro wụ eze Ijiptu n'o chemẹ wẹ, e jẹn d'a rịọ alị Ijiptu n'o kpumẹ wẹ igungun.

Azaya 30:2 ပူးပေါင်းရင်းမြစ်များ

Ndị-nze Nke Ibuzọ 22:7

Kanị Jehoshẹfatị nọ sị a, “O nwọnni onyẹ-amụma Osolobuẹ rịzịn'a, nị ẹnyi jụ a?”

Ndị-nze Nke Ẹbụọ 17:4

O mẹgụ, eze Asiria nọ chọpụha nị Hoshia rị e nupụ isi okpuru ẹ, makẹni Hoshia a hangụọ ndị ụkọ jẹnni Fẹro wụ So, eze Ijiptu, d'a rịọ a eyemẹka. Ọ tụhazịnịnị eze Asiria ụtụ o te a tụha ahụa-ahụa. Ya Shal'manẹsẹ nọ nwụnrụn a, kpọkin ẹ ye imẹ ụlọ-ngan.

Ndị-nze Nke Ẹbụọ 18:21

Lekwọ ẹnya: ikẹnkwọ ị rị e gi Ijiptu e dọn ẹnya — ọkpọ achara-iyi hụ wẹ wagụnị, hụn e zupu onyẹ danbemẹn'ẹ ẹka o gi kwọndọn ẹ. Ẹrịra kẹ Fẹro eze Ijiptu e mẹkwọ ndị ile gi ẹ dọn ẹnya.

Azaya 16:3

“Dodo, bucheni ni ẹnyi ọnụ; kuyeni ni ẹnyi! Wụrụnị nị ẹnyi igungun ogẹnni anwụn rị a ma ẹnyi ọda-ọda. Zuemẹ ndị nkẹ ẹnyi gbakọ ọsọ agha, erekwọlẹ ni ẹnyi ye ndị rị a chụnị ẹnyi.

Azaya 18:1

Nsọngbu k'a rịnị ị, alị ahụn wẹ gi nku rị e feni a zụn ụzụn marịn, hụn rị isi Iyi Naịlị imẹ alị Ẹtiopịa,

Azaya 36:6

“Lee ẹnya, ị rị e lee ẹnya nị Ijiptu jẹnkọ d'a zụọ ụnụ; Ijiptu wụhụ ọkpọ kpagini hụn a dụnpu onyẹ ọwụlẹ danbemẹn'ẹ ẹka. Ẹrịra kẹ eze ndị Ijiptu wụ Fẹro e mẹ ndị ile gi ẹ dọn ẹnya.

Azaya 36:9

Nanị ụnụ a dọn nwan s'ẹka chedẹ itu-agha di-nwọnni-m ohu ọgụn — ọsụọkwọn'a hụn kachanrịn ntịn rọ, ọsụọkwọn'a Ijiptu ụnụ gi e dọn ẹnya yedẹ ụnụ ụgbọ-ẹshin agha lẹ ndị k'e nyinni wẹ?

Azaya 8:19

Wẹ sị ụnụ d'e kunrun ndị a gba ẹfa lẹ ndị a ma ozun lẹ ndị wẹ lẹ ndị-mmọn gba e mẹkọ, ndị a ka nwịnrịn-nwịnrịn, o furuni nị ndị alị jẹn d'a jụ Chuku wẹ ọnụ? Kị wẹ rị a jụnị ndị nwụnnị oku ndị rị ndụn?

Jerimaya 2:18

“Kị ụnụ rị e jẹnni nwan Ijiptu d'a ra mirin Shihọ hụn wụ agala iyi Naịlị wẹ? Kị ụnụ rị e jẹnni Asiria d'a ra mirin Iyi-Yufretisi?

Jerimaya 21:2

“Dodo rịọnị ẹnyi Osolobuẹ n'o d'e yeni ẹnyi ẹka. Makẹni Nebukadreza wụ eze alị Babilọnụ rị nwan a lụsọn ẹnyi agha. Ikẹnkwọ nị Osolobuẹ rụnzịnị ẹnyi ọrụn atụmẹnya k'o dọn a rụn mbụ-mbụ, kẹni Nebukadineza yeni ẹnyi efe.”

Jerimaya 37:5

Ndị-agha Fẹro eze Ijiptu a bangụọ ụzọ wẹ gi lala, ndị-agha Babilọnụ hụn te kehunmẹ Jerusalẹm a nụ a, wẹ nọ gi ufiri wẹ la Jerusalẹm tọ.

Jerimaya 42:14

a sị, ‘Mba, alị Ijiptu kẹ ẹnyi shikọ d'e biri. Agha akpọkọ ẹnyi ihun ebẹhụ, ẹnyi anụkọ opi-agha ndị-iṅẹnrẹn, ẹgụn egbukọ ẹnyi.’

Jerimaya 42:2

Wẹ nọ sị Jerimaya, “Dodo kẹ ẹnyi rị a rịọ ị, mẹ ekpere rịọnị ẹnyi Osolobuẹ wụ Chuku i; yeni ẹnyi ndị họdụnị ẹka — yụ lẹ enwẹn i a hụngụọ nị ẹnyi ebuzini ọda kẹ ẹnyi buhan mbụ.

Jerimaya 42:20

nị ụnụ e mẹfieọlẹ ọda-ọda. Makẹni ụnụ gi ẹka ụnụ zi m d'e kunrun Osolobuẹ wụ Chuku ụnụ, sị m rịọnị ụnụ Osolobuẹ wụ Chuku ụnụ; ụnụ gi ọnụ ụnụ sị, ‘Gwahụ ẹnyi ihiẹn Osolobuẹ wụ Chuku ẹnyi ku, ẹnyi k'e mẹ ẹ.’

Jerimaya 43:7

Ya wẹ nọ shi alị Ijiptu. Emẹni wẹ ihiẹn Osolobuẹ gwa wẹ. Wẹ nọ rukwọrị Tapanhẹsị imẹ alị Ijiptu.

Ẹkwan 4:20

Onyẹ hụn Osolobuẹ tumẹ — eze ẹnyi, hụn wụdẹ uzun ẹnyi e kun nọ dan ọnyan we — bụ ẹnyi te ro ni ẹnyi k'a nọ ẹka a, hụn isi imẹ alị ndị ọzọ!

Hosia 7:13

“Nsọngbu rị e che wẹ makẹni a kpapụgụọ wẹ ebe m rị! Wẹ tikpọ wẹ! Makẹni e nupụgụọ wẹ isi okpuru m! M te chọ nị m gbapụha we kanị e buokingụọ wẹ m ọnụ.

Hosia 8:10

K'o rehanlẹ enwẹn ẹ ebe ọ rị a rịọ alị ndị ọzọ ọrụn, m sikọ nwan d'e kpọngbama wẹ ile, mẹ wẹ ihiẹn. O biekọ eze lẹ ndị-isi a sụnma udẹn yeni okẹn ụtụ wẹ k'a na wẹ.

Hosia 8:9

A kpashigụọ wẹ alị Asiria d'a chọ eyemẹka nọkẹ jaki-ọfịa ya sụọ kpakọ; Ifrem wụ Izrẹlụ e regụọ enwẹn ẹ nị ya lẹ wẹ sụọ.

Ọgụngụn 27:21

O sikọ d'a nọ okpuru Ẹliẹza onyẹ nchụn-ẹjan a rụn. Ẹliẹza nwọn e gi Utẹn-Osolobuẹ a jụn'a Osolobuẹ ihiẹn o jẹnkọ d'e mẹ; ọ sị ‘jẹnmẹ’, e jẹnmẹ wẹ; ọ sị ‘lụaha’, a lụaha wẹ.”

Ditrọnọmi 28:68

Ogẹn ahụn, Osolobuẹ k'e gi ụgbọ-mirin zikin ụnụ alị Ijiptu, ụnụ a banzị ụzọ-ijẹn hụn m te sị onwọnzini mgbe ụnụ e gi jẹn ẹ, ụnụ a nọ ebẹhụ e we enwẹn ụnụ e ye ndị iṅẹnrẹn ụnụ ṅọnrin gi ụnụ họnrin igbọn, kanị onwọnni onyẹ k'e kwe ṅọnrin ụnụ.

Joshụa 9:14

Ya ndị Izrẹlụ nọ lele ihiẹn-oriri wẹ, kanị ajụnị wẹ Osolobuẹ kị wẹ k'e mẹ.

Ndị Han Eṅẹn 9:15

“Ogun nọ sị wẹ, ‘Omẹni ezioku-ezioku nị ụnụ chọ nị m wụrụ eze ụnụ, bịa nị nwan d'a nọdị igungun m; kanị, omẹni ẹlẹ ẹrịra, ọkụn ya gha mmẹ wụ ogun pụha d'e ripụ osisi sida alị Lẹbanọnụ!’