Azaya 30:18 - Ika

¹⁸ Ya haịn Osolobuẹ gi rị e che n'o mẹni ụnụ ọhụnma; o lihigụọ n'o mẹni ụnụ omikẹn. Osolobuẹ wụ Chuku e mẹ ihiẹn furuni. O k'a rịnị ndị ile e gi ẹ e dọn ẹnya mma.

Azaya 30:18 ပူးပေါင်းရင်းမြစ်များ

Jobu 35:14

Ọrịwụzị ịyụ hụn rị e kin nị y'a marịn ẹfọ a, nị ẹka a k'ọ rị nwan, nị ị hụ e che ẹ!

Ẹbụ-ọma 2:12

Gbuni ni nwa a osekpu, amamgbe iwe a bịa a, ụnụ a la ntikpọ ụzọ, makẹni o nwọnkwọ ikẹn bumẹ olulu idẹnmizi! Onyẹ hụn we enwẹn ẹ kwan'a kakwọ mma!

Ẹbụ-ọma 27:14

Gi Osolobuẹ dọn ẹnya. Turu, y'e kwọndọn obi i, y'e gi Osolobuẹ dọn ẹnya.

Ẹbụ-ọma 34:8

Danmịndẹle, n'ị hụn a nị Osolobuẹ a rịka mma; onyẹ hụn gbaburun'ẹ e nwọnkẹ ngọzi.

Ẹbụ-ọma 84:12

Osolobuẹ ihiẹn ile rị okpuru ẹ, ndị ile gi i dọn ẹnya e nwọnkẹ ngọzi!

Ẹbụ-ọma 99:4

Eze hụn wụ Dikẹn, onyẹ ezioku a sụọ ụsụọ, y'e yegụọ ezigbo eṅẹn ọnọdị a; y'e mẹgụọ ihiẹn furuni lẹ ihiẹn rị mma imẹ ebọn Jekọpụ.

Ọpụpụ 34:6

Ọ ghafe ihun Mozizi, a sị, “Mmẹ wụ Osolobuẹ; mmẹ wụ Osolobuẹ — Chuku omikẹn lẹ ẹfọma, hụn ghalẹni e bukẹnrin olulu; hụn e nwọn ihiẹn-ọsụsụọ ọda-ọda, e mẹsọnmẹ ihiẹn run'ẹ,

Itẹn 16:20

Onyẹ gi ezigbo ihiẹn wẹ kuzi ẹ dọn, ihiẹn a ghan'a, onyẹ gi Osolobuẹ dọn ẹnya, ngọzi a wụrụ nke ẹ.

Azaya 18:4

Ọnwan wụ ihiẹn Osolobuẹ gwa m: “M k'a gha ebe m rị e tu udọn e lee wẹ, nọkẹ uwowo ya lẹ anwụn a wị; nọkẹ igirigi a rị imẹ-elu ya lẹ uwowo a wị ogẹn anwụn w'a ghọ ihiẹn-ugbo.”

Azaya 2:11

Wẹ sikọ d'a kwa ndị nhọnrọn nku, welụa ndị mpache alị; Osolobuẹ sụọ kẹ wẹ k'e ye ọghọ ụhụọkịn ahụn.

Azaya 2:17

Wẹ sikọ d'a kwa ndị nhọnrọn nku, welụa ndị mpache alị; Osolobuẹ sụọ kẹ wẹ k'e ye ọghọ ụhụọkịn ahụn,

Azaya 25:9

Ogẹn ahụn, wẹ k'a gha a sị, “Ezioku-ezioku, ọnwan wụ Chuku ẹnyi; ịya kẹ ẹnyi gi dọn ẹnya, ọ nọ zụọpụha ẹnyi. Ọnwan wụ Osolobuẹ, ẹnyi gi ẹ dọn ẹnya; nị ẹnyi gi ọzụọpụha ọ zụọpụha ẹnyi ghọghọ, e nwọn anwịnrịn.”

Azaya 28:17

Ezigbo eṅẹn kẹ m k'a chọ ẹka ụnụ, ezi-omumẹ kẹ m k'a jụ ụnụ ukwere ẹ; ẹkwan-igwere k'e tikpọpụ ntụ hụ ụnụ gbaburu, mirin k'e huru ebahụn ụnụ warị.

Azaya 33:2

Osolobuẹ dodo, mẹ ni ẹnyi omikẹn — nị ịyụ kẹ ẹnyi rị e lee ẹnya. Wụrụ ikẹn ẹnyi ụtụntụn ọwụlẹ; wụrụ nị ẹnyi onyẹ nzụọpụha ogẹn nsọngbu.

Azaya 33:5

Osolobuẹ e nwọnkẹ ọghọ; elu-igwee k'o bi; o k'e gi ezioku lẹ ịrị-ọchan mẹjun Zayọnụ wụ Jerusalẹm.

Azaya 40:31

kanị nke ndị gi Osolobuẹ e dọn ẹnya, ndụn k'a banzị wẹ. Wẹ k'e fe imẹ-elu kẹ ugọn; wẹ k'a gba ọsọ, ndụn agụkọ wẹ; wẹ k'e jẹn ijẹn, asọhịkọ wẹ.

Azaya 42:14

O k'a sị, “Agbabiegụọ m nkịtịn, e kpumẹgụọ m ọnụ ọda-ọda, kwọndọnchanrịn enwẹn m. M jẹnkọ nwan d'e yi oro kẹ okpoho rị a mụ nwa, m yi, a lụ m, a sụn m udẹn.

Azaya 42:16

M k'e du ndị ẹnya-ishi — dughadẹ wẹ ụzọ wẹ marịnlẹni, m k'e we wẹ gha ozue wẹ marịnlẹni. M k'e mẹ ishi họnrin ukpẹ ebe wẹ ghakọ, mẹ ebe mẹ mkpọke-mkpọke riẹnni wẹ. M k'e mẹ ihiẹn ndịnị; agbakịtọkọ m ndị nke m azụụn.

Azaya 48:9

Ẹfan m haịn m gi e bie d'e gi olulu mẹ i ihiẹn; achọnị m nị m wiwi ẹfan m haịn m gi e kwọndọn ọnụma m, amamgbe m'e gbupụ ị.

Azaya 5:16

Kanị Osolobuẹ, Onyẹ nwọn ikẹn ile k'e gi ezigbo-eṅẹn ẹ nwọnrin ọghọ, Chuku hụn rị nsọ k'e gi ezi-omumẹ ẹ ghọsị n'ọ rị nsọ.

Azaya 55:8

Osolobuẹ sị, “Ẹlẹ ihiẹn ụnụ e ro kẹ m'e ro, m'ara mẹ ihiẹn kẹ ụnụ e mẹ.”

Azaya 57:16

Esọnkọ m ịhịan kpe jẹnrin ejẹn, atọkọ m olulu e bu, makẹni o ru ndụn m a gụchanrịn ịhịan — umẹ-ndụn ịhịan hụn m ke.

Azaya 61:8

Makẹni ezioku a sụọ mmẹ wụ Osolobuẹ ụsụọ; ohin lẹ mmẹgbu e ze m ize. M sikọ d'e mẹ hụn runi m kụ wẹ ụgwọ-ọrụn, e tumẹ m nkwerigbama k'e kwọngbama mmẹ lẹ wẹ jẹnrin-ejẹn.

Azaya 64:4

Gha alị lala, anụtuni wẹ n'o nwọn Chuku ọzọ nọ kẹ yụ, onwọntudẹni onyẹ o feban ntịn; ahụntuni wẹ Chuku ọzọ nọ kẹ yụ, hụn e mẹni ndị e chen'ẹ ihiẹn y'e mẹ.

Azaya 8:17

M jẹnkọ d'e cheri Osolobuẹ, hụn rị e zuemẹni ikpụnọ Jekọpụ ihun ẹ. M jẹnkọ d'e gi ẹ e dọn ẹnya.

Jerimaya 17:7

Kanị, ngọzi wụ nke onyẹ hụn gi Osolobuẹ dọn ẹnya — onyẹ hụn danbemẹn'ẹ.

Jerimaya 42:7

Hụn mẹ akpọhịn iri, Osolobuẹ nọ gwa Jerimaya oku.

Daniẹlụ 12:12

Ngọzi wụ nke onyẹ hụn k'e cheri d'e ru nị akpọhịn mmisẹn kwasị ọgụn-isin kwasị nnụ-ẹtọ (1,335) e zugụ.

Hosia 1:7

Kanị, m k'e mẹni ndị hụn rị Juda omikẹn; m k'e gi ikẹn ahụn m gi wụ Osolobuẹ, Chuku wẹ, zụọpụha wẹ. Egikọ m ụta mọbụ ọpịa-agha mẹ ẹ, egikọ m agha mọbụ ẹshin mọbụ ndị gi ẹshin-agha a lụ mẹ ẹ.”

Hosia 2:14

“M k'a rẹrẹrị a, we ẹ shi imẹ atụ ịhịan rịlẹni, gi ọnụ-ọma gwa a oku.

Hosia 5:15

A la m wẹ tọ, jẹnmẹ d'e ru mgbe wẹ kweri n'e mẹgụọ wẹ eje-ihiẹn, chọma ihun m. Eziẹ-eziẹ, wẹ tabe afụnfụn, e gi wẹ obi wẹ ile chọma m.”

Malakaị 2:17

Ụnụ e kusọnmẹ ihiẹn ndụn ụnụ gi a gụ Osolobuẹ. Kanị ụnụ sị, “Nanị kẹ ẹnyi dọn ku ndụn-ọgụgụ ye ẹ obi?” Ụnụ a sị, “Ndị ile e mẹ eje-ihiẹn wụ ezigbo ịhịan ẹnya Osolobuẹ; ihiẹn wẹ a sụọd'a a sụọ,” mọbụ “Elebe kẹ Osolobuẹ hụn a han ezigbo eṅẹn rị?”

Luku 15:20

“Ya ọ nọ buli, buru nẹdi ẹ. Kanị, ebe ọ rị ebe teni, nẹdi ẹ nọ lechen'ẹ; omikẹn nwa a nọ mẹ nẹdi ẹ ọda-ọda, ọ nọ gbaburu nwa a, dide ẹ, susu ẹ ọnụ.

Luku 2:25

Ogẹn hụ, o nwọn okẹnnyẹ ohu w'a kpọ Simiọnụ hụn bi Jerusalẹm. Onyẹ ezi-omumẹ k'ọ wụ; ara gi ofufe Osolobuẹ gu egu, e che ni Osolobuẹ zụọpụha ndị Izrẹlụ. Mmọn-nsọ nọyen'ẹ anọyeni.

Ọrụn Ndị-ozi 5:31

Osolobuẹ e weshigụọ a nwan elu, bu ẹ che ẹka-nni ẹ, ebẹhụ ọghọ rị, mẹmẹ ẹ Onyẹ-ndu lẹ Onyẹ-nzụọpụha, kẹni ndị Izrẹlụ gha ẹka a rogharị nwọnhẹn mgbagharị njọ wẹ.

Ndị Rom 5:20

Iwu Mozizi banhanhụ d'e mẹ ịhịan danwaye iwu. Kanị ebe njọ nọ barahị kẹ ẹfọma Osolobuẹ nọ a karịdẹ ẹka —

Ndị Rom 9:22

Kị rị a omẹni Osolobuẹ kpachanpụ ẹnya gi okẹn ndidin sọn ndị ọ sị o k'e tikpọ, kẹni o gi ihiẹn o k'e mẹ wẹ ghọsị iwe-lẹ-ọnụma a, mẹ ịhịan marịn ikẹn ẹ?

Ndị Ẹfẹsọsụ 1:6

Osolobuẹ mẹ ẹ kẹni wẹ ja Osolobuẹ mma o gi mẹni ẹnyi okẹn ẹfọmanị ghahanị ezi Nwa a!

Ndị Ẹfẹsọsụ 1:8

Osolobuẹ gi amamihiẹn lẹ nghọta ile mẹni ẹnyi okẹn ẹfọmanị.

Ditrọnọmi 32:4

Ịya wụ Ọmụma; ọrụn a zuchanrịn oke, ụzọ a ile zin ezin. Chuku furu wẹ gi e dọn ẹnya k'ọ wụ, hụn ghalẹni e mẹfie; Onyẹ rị mma lẹ Onyẹ kụrụ ọtọ k'ọ wụ.

Jemisi 5:11

Eziẹ, ẹnyi a ja ndị din ndidin mma. Ụnụ a nụghọ kẹ Jobu dọn din ndidin; ụnụ a hụnzịghọ ihiẹn Di-nwọnni-ẹnyi mẹ ikpanzụụn, nị Di-nwọnni-ẹnyi e mẹkẹ ẹfọma lẹ omikẹn.

Pita Nke Ẹbụọ 3:15

Weri n'ẹ nị ndidin Di-nwọnni-ẹnyi wụ oghere ịhịan e gi nwọnrin nzụọpụha — kẹ ezi nwẹnẹ ẹnyi wụ Pọlụ dọnzi dejẹnni ụnụ ghahanị amamihiẹn Osolobuẹ ye ẹ.

Pita Nke Ẹbụọ 3:9

Ẹlẹni Di-nwọnni-ẹnyi rị e bie mbie imẹzu nkwa a kẹ ndị hụ dọn a ghọha ibie-mbie; mba, o gi ndidin e sọn ụnụ. Onwọnni onyẹ ọ chọ n'ọ la iwi, kama, ọ chọkọ nị ịhịan ile rogharị.

Samuẹlụ Nke Ibuzọ 2:3

Nyanbehi isi hụ; ekukarịzịlẹ enwẹn i! Osolobuẹ wụ Chuku hụn marịn ihiẹn ile; ịya e lele ihiẹn ịhịan rị e mẹ.