Azaya 30:16 - Ika

¹⁶ Ebe ụnụ sị, ‘Ẹshin kẹ ẹnyi k'e gi gba ọsọ, wanahịn!’ Ọsọ hụ kẹ ụnụ jẹnkọ nwan d'a gba! Ebe ụnụ sị, ‘Ẹshin ma gba ọsọ kẹ ẹnyi k'e gi gbapụ.’ Ndị chụkọnị ụnụ k'a gbakarị ụnụ!

Azaya 30:16 ပူးပေါင်းရင်းမြစ်များ

Ndị-nze Nke Ẹbụọ 25:5

Kanị ndị-agha Kal'di Babilọnụ nọ chụrụ eze, kunrun ẹ ebe alị nọsọnmẹ riẹn ẹhụ Jẹriko. Ndị-agha a ile nọ gba a tọ, gbayịya;

Jobu 39:11

N'i gi ẹ dọn ẹnya makẹni ndụn a rịka a? N'ị la ọrụn ị tọn'a rụn?

Ẹbụ-ọma 147:10

Ihiẹn a sụọ Osolobuẹ ẹlẹ ẹshin-agha nwọn ndụn mọbụ onyẹ nwọn akwanran.

Ẹbụ-ọma 33:17

ẹlẹni ịhịan gi ẹshin-agha k'o gi e mẹri agha — kẹ ẹshin-agha e nwọnlẹ akwanran, ọ sakọ ẹka ye i mmẹri.

Azaya 2:7

Goru lẹ siliva e jun alị wẹ; akụ-lẹ-ụba wẹ enwọn okẹn. Ẹshin e jungụọ alị wẹ; asa wẹ ẹka gụnmarịn ụgbọ-ẹshin wẹ.

Azaya 31:1

Nsọngbu rị e che ndị rị e jẹn Ijiptu d'a chọ eyemẹka, e gi ẹshin-agha wẹ e dọn ẹnya; wẹ rị e gi ụgbọ-ẹshin Ijiptu bugbu enwẹn ẹ ọda e dọn ẹnya, e gi ndị-agha wẹ e nyin ẹshin e dọn ẹnya makẹni wẹ bu ọda, hụn nkẹ wẹ e gi tụkwasị Onyẹ-nsọ Izrẹlụ obi, hụn nkẹ w'e gi jụ Osolobuẹ ihiẹn wẹ k'e mẹ.

Azaya 31:3

Ịhịan mmaka kẹ ndị Ijiptu ụnụ gi dọn ẹnya wụ, ẹlẹ wẹ Chuku; ẹhụ mmaka kẹ ẹshin wẹ ndị ahụn nwọn, ẹlẹ wẹ mmọn! Osolobuẹ tịnpụhụ ẹka mẹ wẹ ihiẹn, onyẹ bịa d'e ye ẹka a kpọgburu, onyẹ wẹ rị e yeni ẹka a dan, wẹ ẹbụbụọ a dangungwọn, nwụnhụn.

Jerimaya 39:4

Mgbe eze Juda wụ Zẹdikaya lẹ ndị-agha Juda ile gi hụn wẹ, Zẹdikaya wẹ nọ gba ọsọ; gi imẹ uhinhin gha imẹ obodo hụ pụ. Ugbo-ezumikẹn eze kẹ wẹ gha pụ, ghashi ọnụ-mgbọn hụ rị ẹgbata ọgbara-ẹjan ẹbụọ. Ya wẹ nọ dọn ihun Ọdanmgbugbu Iyi Jọdanị.

Jerimaya 4:13

Ledẹ k'ọ lala kẹ orukpu igwere, ụgbọ-anyịnyan a ile zụnla kẹ okẹn ufere. Ẹshin ẹ ile benahịn ugọn nkanran. Ijẹn e gbuẹ ẹnyi! Ẹnyi a laọlẹ iwi!

Jerimaya 46:6

“Kanị onyẹ-ọsọ as'ẹka gbanahịn ọnwan; odogun-agha as'ẹka wanahịn ọnwan! Imẹ alị rị ẹbamịn-ugu, mkpẹnrẹn Iyi Yufretisi kẹ wẹ k'a nọ a kpọgburu a dan, a dangungwọn. Ya kẹ Osolobuẹ ku.

Jerimaya 52:7

Ya wẹ nọ tipu mgbọn obodo ahụn azụụn ohu, ndị-agha Izrẹlụ ile nọ gi imẹ abalị gha ọnụ-mgbọn hụ rị ẹgbata mgbọn ẹbụọ gbapụ, ọnụ-mgbọn hụn rị ẹhụ ugbo-obobo hụ eze a nọdị e zu ikẹn. Wẹ nọ dọn ihun ibẹka Araba, Ọdanmgbugbu Iyi-Jọdanị. Ndị-agha Babilọnụ kehunmẹchanrịn obodo ahụn.

Ẹkwan 4:19

Ọ kẹrẹ ndị chụkọnị ẹnyi karị ugọn e fe elu; a chụ wẹ ẹnyi ru elu-ugu, a warị wẹ alị ọkpọ-nkụn, e che ẹnyi.

Emọsụ 9:1

M hụn Osolobuẹ ebe o wuzo ẹhụ ukpo nchụn-ẹjan. Ọ nọ sị, “Gi ihiẹn fịansọnmẹ isi-adansụn ndị rị ihun Ụlọ-nsọ, d'e ru ni ọnụmụzọ e mẹhunmẹ. Mẹ wẹ dankpọsọnmẹ isi ndị alịnị ile; e gi m ọpịa-agha gbu ndị họdụnị; onwọnni onyẹ m k'a nị gbapụ, onwọnni onyẹ m k'a nị wanahịn.

Maịka 1:13

Ndị bi Lakishi, kwademẹ nị nwan ụgbọ-ẹshin agha ụnụ. Makẹni, Lakishi kẹ Zayọnụ mụnarịn eje-ihiẹn, imẹ ẹ kẹ njọ ndị hụ gha Izrẹlụ bịa bu ụzọ rị.

Habakọkụ 1:8

Ẹshin-agha wẹ a gbanahịndẹ liopadị ọsọ, e rọn egun karị eje-anụ wụ wofu ẹgụn rị a gụn, a zụnbanhan ọgbọ-agha ẹrịra. W'a ghadẹ ebe tegbu enwẹn ẹ e wẹhẹ ndị e nyinni wẹ ẹshin-agha; w'e be nkanran ọda-ọda nọkẹ anwụnkwọ chụkọ ihiẹn o ri.

Ditrọnọmi 28:25

Osolobuẹ k'a nị ndị iṅẹnrẹn ụnụ mẹri ụnụ. Ụnụ k'a ghaha azụụn ohu bịa d'a maye wẹ, kanị ụnụ k'a gbayịya azụụn ẹsa ebe ụnụ gbakọnị wẹ, ndị alị-eze ile rị elu-ụwa nụ ihiẹn mẹni ụnụ e be wẹ ọrịọ.

Ditrọnọmi 28:49

Osolobuẹ k'e wẹhẹni ụnụ ndị alị ohu tegbu enwẹn ẹ, alị rị isi-njẹndemẹ ụwa, hụn k'a zụnbanhan d'a jụrụ ụnụ kẹ ugọn a jụrụ ihiẹn, alị ụnụ jẹnkọlẹni d'a ghọta asụsụ wẹ,