Azaya 30:10 - Ika

¹⁰ Wẹ sị ndị a hụn ụzọ, “Hụnbehi ni ọhụn ndị ahụn!” Wẹ sị ndị-amụma, “Gwabehi ni ẹnyi ezioku! Gwama nị ẹnyi ihiẹn ẹnyi chọ nị ẹnyi nụ — bumẹdẹ ni amụma-ntụ.

Azaya 30:10 ပူးပေါင်းရင်းမြစ်များ

Ndị-nze Nke Ibuzọ 21:20

Ya Ẹlaịja nọ jẹn d'e kunrun Ehabụ. Ehabụ a hụn Ẹlaịja, ọ nọ sị a, “Onyẹ-iwe m, y'a hụnzịkwọ m!” Ẹlaịja nọ sị a, “A hụngụọ m'ị, makẹni y'e buchanrịngụọ enwẹn i che imẹ ihiẹn rịlẹni mma ẹnya Osolobuẹ.

Ndị-nze Nke Ibuzọ 22:27

Sị nị wẹ, ‘Lee ihiẹn eze ku: ọ sị, “Bu ni onyẹni che ụlọ-ngan; eyelẹ n'ẹ ihiẹn-oriri ọzọ karị brẹdi lẹ mirin d'e runi a lụaha m udọn-lẹ-ndọnkwa.” ’ ”

Ihiẹn Mẹni Nke Ẹbụọ 16:10

Asa nọ gi olulu sọn onyẹ hụ a hụn ọhụn makẹ ihiẹnni o ku, bud'ẹ che ụlọ-ngan. O nwọnzighọ ndị Juda Asa gi ẹka-ikẹn mẹ ihiẹn ogẹn ahụn.

Ihiẹn Mẹni Nke Ẹbụọ 25:16

Kanị eze e gbu oku ye ẹ ọnụ, sị, “Onyẹ tumẹ i onyẹ-ndụnmọdụn eze? Gba nkịtịn! Ra ị chọ nị wẹ gbu i?” Ya onyẹ-amụma nọ kubehi, kanị ọ sị, “Makẹ ihiẹnni i mẹ lẹ ndụnmọdụn m ị jụ, a marịnọlẹ m nị Osolobuẹ chọ n'o gbu i.”

Jobu 41:3

N'ọ rịọma ị dodo, a rịọ ị a rịọdọnzi kẹni i mẹn'ẹ omikẹn? N'o gi ọnụ alụlụa gwa ị oku?

Azaya 28:15

Ụnụ hụn a nyan isi, a sị, “Ẹnyi lẹ ọnwụn e kwerigbamagụọ n'o gbukọ ẹnyi, ẹnyi lẹ alị-mmọn e kwerigbamagụọ n'o nwọnni ihiẹn o k'e mẹ ẹnyi. Ogẹn okẹn nsọngbu hụ k'e gi bịa, o rukọ ẹnyi ẹhụ, makẹni ẹnyi a gbaburugụọ ntụ, makẹni ẹnyi a warịgụọ imẹ ihiẹn wụlẹni ezigbo ẹ.”

Azaya 29:10

Osolobuẹ a tụgụọ ụnụ okẹn-ụran; o kpumẹgụọ ụnụ ẹnya — ụnụ ndị-amụma, kpumẹ ụnụ isi — ụnụ ndị a hụn ụzọ.

Azaya 5:20

Nsọngbu rị e che ndị hụn a kpọ eje-ihiẹn ihiẹn rị mma; a kpọ ihiẹn rị mma eje-ihiẹn. Hụn a sị ishi wụ ukpẹ, a sị ukpẹ wụ ishi; hụn e sị ihiẹn rị e lu ilu rị a nẹnẹ, a sị nị ihiẹn rị a nẹnẹni rị e lu ilu.

Jerimaya 11:21

Lee nwan ihiẹn mmẹ wụ Osolobuẹ ku banyeni ndị obodo Anatọtụ rị a chọ ị ogbugbu, a sị ị, “Kubehi oku-Osolobuẹ ị rị e ku, amamgbe ẹnyi e gi ẹka gbu i.”

Jerimaya 23:17

A tọ wẹ a sị ndị rị e lelịa Osolobuẹ, ‘Osolobuẹ sị o k'a rịnị ụnụ mma.’ A sị ndị isi-ikẹn rị e mẹ ihiẹn obi wẹ gwa wẹ, ‘Ihiẹn emẹkọ ụnụ.’

Jerimaya 26:11

Ya ndị nchụn-ẹjan hụ lẹ ndị-amụma hụ nọ sị ịhaịmẹ eze lẹ ndị ile rị ebẹhụ, “Okẹnnyẹni furu hụn w'a ma ikpe ọnwụn, makẹni o buọlẹ amụma nị eje-ihiẹn jẹnkọ d'e mẹ obodoni. Ụnụ nwẹn e gigụọ ntịn ụnụ nụ a.”

Jerimaya 29:27

Kị haịn nwan i gilẹni ke jụgbọ Jerimaya onyẹ obodo Anatọtụ hụn rị imẹ igunrun ụnụ ebẹhụ e bu amụma hụ ọ rị e bu?

Jerimaya 36:29

Sị Jehoyakim wụ eze Juda, nị Osolobuẹ sị, ‘Y'a dụngụọ ẹkụkwọ hụ ọkụn, sị Jerimaya, “Kị haịn i gi de nị eze ndị Babilọnụ k'a bịarịrị d'e tikpọ alịnị, gbuchanrịn kẹ ịhịan kẹ anụmanụ rịn'a?”

Jerimaya 38:4

Ya ndị-isi hụ nọ sị eze, “Okẹnnyẹni furu w'e gbu. Ọ rị e gi ihiẹn ndị ahụn ọ rị e ku e mẹ ndụn a gụ ndị-agha ẹnyi họdụ imẹ obodoni lẹ ndị mmaka họdụnị. Ẹlẹkwọ ọrịrịmma ndịnị kẹ okẹnnyẹni rị a chọ, eje-ihiẹn k'ọ rị e mẹkwọ wẹ.”

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Emọsụ 2:12

“Kanị, ụnụ e mẹ ndị-nazịraịtị m ra manya m sị wẹ sọ, ụnụ a jụgbọ ndị-amụma, sị wẹ, ‘Ebukwọlẹ ni amụma!’

Emọsụ 7:13

Ebuzilẹ amụma imẹ Bẹtẹlụ ebeni, kaka! Makẹni, ebeni kẹ eze nọ e fe ofufe, ebeni kẹ ụlọ ofufe alị-ezeni rịzị.”

Maịka 2:11

nọkẹ sị onyẹ-amụma ntụ te pụha a sị ndịnị, ‘Manya lala — kẹ hụn a tụnị,’ onyẹ-amụma nọ ẹrịra ya nwọn a sụọ ndịnị!

Maịka 2:6

Kanị, ụnụ hụ a sị, “Ekuzilẹ! Ebuzilẹ amụma nọ ẹrịra! Ụya erikọ ẹnyi.

Jọnụ 7:7

Ize ụnụ ezekọ ụwa, kanị ize m rị e ze wẹ, makẹlẹ m rị e ku ẹ nị wẹ rị e mẹ eje-ihiẹn.

Jọnụ 8:45

M rị e ku ezioku haịn ụnụ gilẹni nwan kweri ihiẹn m rị e ku.

Ọrụn Ndị-ozi 4:17

Kanị, amamgbe okuni a kpọkarị ẹnịna, nị ẹnyi dọ wẹ ẹka-ntịn, sị wẹ ezizilẹ ozini wẹ rị e gi ẹfannị e zi.”

Ọrụn Ndị-ozi 5:28

sị, “Ẹnyi a gbagụọnị ụnụ mkpịnsịn-ẹka ẹnya, sị ụnụ egizilẹ ẹfan onyẹni a kuzi? Lee n'ẹ nwan, ụnụ a kuzigbarịgụọ Jerusalẹm ile ihiẹnni, a chọ nị ụnụ bu ẹdeke okẹnnyẹni che ẹnyi isi.”

Ndị Rom 16:18

Makẹni ndị nọ ẹrịra arị e fe Di-nwọnni-ẹnyi wụ Kraịstị, kanị ẹfọ wẹ lẹ ihiẹn a gụnnị wẹ kẹ wẹ rị e fe. W'e gi ọnụ-ọma lẹ oku ọnụnụ-ire e dufie ndị marịnlẹni ihiẹn.

Ndị Galeshịa 4:16

Kị m họnrinni nwan eṅẹnrẹn ụnụ, makẹni m gwa ụnụ ezioku?

Timoti Nke Ẹbụọ 4:3

Makẹni ogẹn lala hụn ịhịan jẹnkọlẹni d'e kweri ezigbo nkuzi. Kama, ebe ntịn wẹ rị a chọsọnmẹ n'ọ nụ ihiẹn a sụọnị wẹ, wẹ k'a chọrị ndị k'a kuzi wẹ ihiẹn wẹ chọ nị wẹ nụ.

Timoti Nke Ẹbụọ 4:4

Wẹ k'a gbakitọ ezioku azụụn, sọnmẹ ilu.

Rẹvẹleshọnụ 11:7

Wẹ shịagụ ẹri wẹ, eje-anụ hụ hụn k'a gha mgbugbu hụ migbu enwẹn ẹ pụha k'a lụsọn wẹ agha, mẹri wẹ, gbu wẹ.

Samuẹlụ Nke Ibuzọ 9:9

(Ogẹn mbụ imẹ Izrẹlụ, onyẹ chọ n'o jẹn d'a chọpụha uche Osolobuẹ, o ru ọ sị, “Nị ẹnyi d'e kunrun ‘Onyẹ a hụn ọhụn’ makẹni ihiẹn w'a kpọ ‘Onyẹ-amụma’ ogẹn mbụ wụ Onyẹ a hụn ọhụn.)”