Azaya 30:1 - Ika

¹ “Nsọngbu rị e che ụmụ rị e bu isi-ikẹn.” Ịya kẹ Osolobuẹ ku — “ụmụ rị e mẹ ihiẹn ẹka m rịlẹni; wẹ lẹ ndị ọzọ a kịgbamagụọ bụ ẹlẹ Mmọn m zi wẹ. Wẹ rị e gi ẹ e kpọn njọ a kwasị njọ.

Azaya 30:1 ပူးပေါင်းရင်းမြစ်များ

Ndị-nze Nke Ẹbụọ 18:21

Lekwọ ẹnya: ikẹnkwọ ị rị e gi Ijiptu e dọn ẹnya — ọkpọ achara-iyi hụ wẹ wagụnị, hụn e zupu onyẹ danbemẹn'ẹ ẹka o gi kwọndọn ẹ. Ẹrịra kẹ Fẹro eze Ijiptu e mẹkwọ ndị ile gi ẹ dọn ẹnya.

Ndị-nze Nke Ẹbụọ 18:24

Nanị k'ị y'a dọn s'ẹka chedẹ ọkị-agha nta ohu imẹ ndị ọkị-agha di-nwọnni m, omẹni Ijiptu kẹ i gi e dọn ẹnya n'ị k'a gha ebahụn nwọnhẹn ụgbọ-ẹshin lẹ ndị-agha gi ẹshin a lụ agha?

Ẹbụ-ọma 61:4

Dodo, nị m biri iwe i jẹnrin ejẹn, kẹni i gi nku i kpumẹ m. Sẹla

Azaya 1:2

Igwere nụ a! Elu-ụwa, gọn ntịn! Makẹni Osolobuẹ sị: “Mmẹ zụn ụmụ, zụnpụha wẹ, kanị wẹ rị nwan a pa oku m.

Azaya 1:23

Ndị-ọkịkị ị wụ ndị nnupụ-isi, uwẹ lẹ ndị ohin gba a wị; egho-azụụn a sụọ wẹ ile a sụọ; w'a chọsọnmẹ onyẹ k'e ye wẹ ihiẹn. W'a ra kuni ndị nwọnlẹni nẹdi ọnụ wẹ; w'a ra buchedẹ ẹnya oku ikpoho di wẹ nwụn.

Azaya 1:4

Eje-alịnị! Ndịnị njọ jun ihun lẹ azụụn! Ụmụ hụn e mẹ eje-ihiẹn eje-ihiẹn; ụmụ rụnị! A gbakitọgụọ wẹ Osolobuẹ azụụn; a jụgụọ wẹ Onyẹ-nsọ Izrẹlụ, ya lẹ wẹ arịzị kaka!

Azaya 1:5

Kị wẹ k'e gbumẹzini ụnụ ili? Kị ụnụ tọnị e nupụ isi? A rụgụọ wẹ ụnụ ẹhụ isi ile, onwọnzini akpụ obi ohu ndụn rị.

Azaya 28:15

Ụnụ hụn a nyan isi, a sị, “Ẹnyi lẹ ọnwụn e kwerigbamagụọ n'o gbukọ ẹnyi, ẹnyi lẹ alị-mmọn e kwerigbamagụọ n'o nwọnni ihiẹn o k'e mẹ ẹnyi. Ogẹn okẹn nsọngbu hụ k'e gi bịa, o rukọ ẹnyi ẹhụ, makẹni ẹnyi a gbaburugụọ ntụ, makẹni ẹnyi a warịgụọ imẹ ihiẹn wụlẹni ezigbo ẹ.”

Azaya 28:20

Elu-ukpo ụnụ dinẹ erukọ ụnụ tịnpụ ẹhụ; ẹkwa ezukọ ụnụ fụrụ oyi.

Azaya 29:15

Nsọngbu rị e che ndị a lịlịma wẹ nị wẹ zuemẹni Osolobuẹ ẹfọ, ndị hụn a nọ imẹ ishi e mẹ ihiẹn wẹ rị e mẹ, a sị, “Onyẹ k'a hụn ẹnyi? Onyẹ nwọn marịn?”

Azaya 30:9

Makẹni, ndị nnupụ-isi kẹ ndịnị wụ — ụmụ hụn a tụ ntụ, ụmụ chọlẹni nị wẹ nụ ihiẹn Osolobuẹ rị a gwa wẹ.

Azaya 31:1

Nsọngbu rị e che ndị rị e jẹn Ijiptu d'a chọ eyemẹka, e gi ẹshin-agha wẹ e dọn ẹnya; wẹ rị e gi ụgbọ-ẹshin Ijiptu bugbu enwẹn ẹ ọda e dọn ẹnya, e gi ndị-agha wẹ e nyin ẹshin e dọn ẹnya makẹni wẹ bu ọda, hụn nkẹ wẹ e gi tụkwasị Onyẹ-nsọ Izrẹlụ obi, hụn nkẹ w'e gi jụ Osolobuẹ ihiẹn wẹ k'e mẹ.

Azaya 32:2

Onyẹ-onyẹ imẹ wẹ sikọ d'a wụrụ ebe ịhịan a warị ogẹn okẹn ufere lẹ ebe w'a gbaban ẹbi gha a kpọ; wẹ k'a nọ kẹ mirin iyi imẹ alị ọkpọ-nkụn, lekẹ igungun okẹn-ọmụma imẹ alị anwụn nọ a mụ ọda-ọda.

Azaya 4:5

Ogẹn ahụn, Osolobuẹ k'a rị e gi orukpu lọtọ kẹ ẹnwụnrụn e kpumẹ Ugu Zayọnụ ebe eki rị elu, ya lẹ ndị ile zu ebahụn, e gi ọkụn rị e nwunni e kpumẹ wẹ imẹ uhinhin. Ọghọ wẹ ile sikọ d'e nwọn okpukpu.

Azaya 5:18

Nsọngbu rị e che ndị gi ntụ wẹ rị a tụ a dọkpụn njọ nọkẹ eriri, ndị dọkpụnkọ eje-omumẹ wẹ nọkẹ ibu wẹ gi eriri dọkpụnkọ,

Azaya 63:10

Kanị wẹ nọ femẹ isi, mẹ ize zemẹ Mmọn-nsọ Osolobuẹ. Ya Osolobuẹ nọ hutọ, họnrin eṅẹnrẹn wẹ — gidẹ ẹka a bunụmanị wẹ.

Azaya 65:2

A shịapụgụọ m ẹka m ẹbụbụọ kẹ ụhụọhịn han, e che ndị isi-ikẹn, hụn a ghasọnmẹ eje-ụzọ — e mẹ ihiẹn sụọnị wẹ,

Azaya 8:11

Osolobuẹ gi ẹka zeni kwọndọn m, gwa m oku, sị m esọnkwọlẹ ụzọ ndịnị sọnkọ. Ọ sị m:

Azaya 8:12

“Ẹlẹkwọ ihiẹn ile mẹni k'i k'a sị ‘ezugụọ wẹ umẹ ẹ’ kẹ ndịnị dọn e ku; atụkwọlẹ egun ihiẹn wẹ rị a tụ egun ẹ; amalẹ piripiri.

Azaya 8:19

Wẹ sị ụnụ d'e kunrun ndị a gba ẹfa lẹ ndị a ma ozun lẹ ndị wẹ lẹ ndị-mmọn gba e mẹkọ, ndị a ka nwịnrịn-nwịnrịn, o furuni nị ndị alị jẹn d'a jụ Chuku wẹ ọnụ? Kị wẹ rị a jụnị ndị nwụnnị oku ndị rị ndụn?

Jerimaya 17:5

Osolobuẹ sị, “Ịbụ-ọnụ ya rịnị onyẹ k'e gi ịhịan dọn ẹnya, onyẹ hụn ịhịan mmaka wụ ikẹn ẹ, onyẹ hụn obi ẹ rịzịlẹni ebe Osolobuẹ rị.

Jerimaya 2:18

“Kị ụnụ rị e jẹnni nwan Ijiptu d'a ra mirin Shihọ hụn wụ agala iyi Naịlị wẹ? Kị ụnụ rị e jẹnni Asiria d'a ra mirin Iyi-Yufretisi?

Jerimaya 37:7

“Osolobuẹ, Chuku Izrẹlụ, sị ‘Lee ihiẹn ụnụ sikọ d'e zi eze alị Juda hụn zihẹ ụnụ d'a jụ m ọnụ m: Ndị-agha Fẹro hụn te lala d'e yeni ụnụ ẹka erukọ ebeni, wẹ k'e kin azụụn lakin alị wẹ wụ Ijiptu.

Jerimaya 4:17

E fihunmẹ w'ẹ kẹ ndị e che ugbo nche, makẹni o nupụgụọ isi okpuru m.’ ” Ya kẹ Osolobuẹ ku.

Jerimaya 42:19

“Ndị Juda họdụnị, Osolobuẹ a gwagụọkwọ ụnụ, sị ụnụ, ‘Ejẹnlẹ ni alị Ijiptu.’ Nyanhankwọ nị n'a gbagụọ m ụnụ mkpịnsịn-ẹka ẹnya tannị,

Jerimaya 5:23

Kanị, ndịnị wụ ndị isi-ikẹn, obi wẹ zegbu enwẹn ẹ; a kpahugụọ wẹ, jẹnmẹ nke wẹ.

Izikẹlụ 11:2

Osolobuẹ nọ sị m, “Nwa ịhịan, ndịnị wụ ndị rị a mama eje-ihiẹn, e ye eje-ndụnmọdụn imẹ obodoni.

Izikẹlụ 2:3

Ọ sị m, “Nwa-ịhịan, m zikọ ị d'e kunrun ndị Izrẹlụ, alị nnupụ-isi hụ, hụn rị e feni m isi; wẹ hụ a pa oku m d'e ru tannị kẹ ndị nẹdi wẹ dọn mẹ.

Izikẹlụ 24:3

“Ta nị ebọn isi-ikẹnni ilu, sị wẹ: Lee ihiẹn Osolobuẹ Nwọn Ihiẹn Ile ku: ọ sị, ‘Dọ ite ye ọkụn; dọ a ye; hu mirin ye imẹ ẹ.

Izikẹlụ 29:16

Ijiptu awụkọzị ihiẹn ndị Izrẹlụ gi e dọn ẹnya, ihiẹn wẹ gi a nyanhanzịnị m njọ wẹ mẹ, ọgbasọn ahụn wẹ gbasọn wẹ ogẹn mbụ d'a chọ eyemẹka. Ogẹn ahụn kẹ w'e gi marịn nị m wụ Osolobuẹ Nwọn Ihiẹn Ile.’ ”

Izikẹlụ 3:9

E mẹgụọ m'ị ze kẹ ọmụma zenahịn ibe ẹ, mẹ i zenahịndẹ ọmụma flịntị. Atụlẹ nwan egun wẹ mọbụ lee wẹ ẹnya ihun tụma egun, kẹ w'e mẹhanlẹ ndị nnupụ-isi.”

Hosia 11:6

Agha k'a bịa obodo wẹ rị ichẹn-ichẹn, tikpọsọnmẹ ọnụ-mgbọn obodo ndị ahụn. Agha k'e bu wẹ ri makẹ eje-iroro wẹ rị a tụ.

Hosia 13:2

Njọ-njọ kẹ wẹ rị nwan e mẹ e mẹwaye: e gi siliva a kpụrụ mmọn rịgbu enwẹn ẹ mma, ẹka-ọrụn ndị a kpụ ụzụn. Wẹ hụ a sị wẹ, “Chụnye ni ni mmọn ndịnị ẹjan! Susu ni ụmụ-efin ndịnị wẹ kpụ a kpụ ọnụ!”

Hosia 7:13

“Nsọngbu rị e che wẹ makẹni a kpapụgụọ wẹ ebe m rị! Wẹ tikpọ wẹ! Makẹni e nupụgụọ wẹ isi okpuru m! M te chọ nị m gbapụha we kanị e buokingụọ wẹ m ọnụ.

Zẹkaraya 4:6

Ọ nọ sị m, “Lee ozi Osolobuẹ sị wẹ zi Zerubabẹlụ: Ẹlẹ akwanran mọbụ ikẹn kẹ w'e gi mẹ ẹ, kanị Mmọn m. Ya kẹ Osolobuẹ ihiẹn ile rị okpuru ẹ ku.

Ọgụngụn 32:14

“Lee nwan ụnụ, agbọ ndị-njọ! Ụnụ a nọkingụọ ẹnya ndị nẹdi ụnụ, e mẹ ihiẹn ize Izrẹlụ e gi zekarịdẹ Osolobuẹ k'o zehan a mbụ!

Ndị Rom 2:5

Kanị, ebe ị nọ a kpọkin obi i, a jụ nị y'e rogharịkọ, ị rị e kpọn afụnfụn e cheni afụnfụn hụn wẹ jẹnkọ d'e ye i Ụhụọhịn iwe-lẹ-ọnụma, ụhụọhịn ahụn Osolobuẹ k'e gi han eṅẹn ahụn zinrinni.

Ditrọnọmi 29:19

Onyẹ nọ ẹrịra nụ ihiẹn ndịnị wẹ rị e kun ẹfan Osolobuẹ e ku, ọ tụma enwẹn ẹ ntụ, sị, “Onwọnni ihiẹn k'e mẹni m, ọsụọn'a nị m gbasọnmẹ isi-akwanran.” Ọnwan k'e buhẹni alị Izrẹlụ ile ntikpọ, kẹ ndị rị mma kẹ ndị rịlẹni mma.

Ditrọnọmi 9:24

Isi-isi kẹ ụnụ e nupụnị Osolobuẹ kete m'a marịnlẹ ụnụ.

Ditrọnọmi 9:7

Nyanhan nị, azọkwọlẹ ni, kẹ ụnụ dọn kpasu Osolobuẹ wụ Chuku ụnụ iwe imẹ atụ. Gha ụhụọhịn ụnụ gha Ijiptu pụha d'e ru hụnnị ụnụ ru ebeni, isi-isi kẹ ụnụ rị e nupụnị Osolobuẹ.

Timoti Nke Ẹbụọ 3:13

Kanị ndị eje-ịhịan lẹ ndị ndufie jẹnkọ d'a gha a jọwaye njọ; e dufie ndị ọzọ, ndị ọzọ hụ e dufie wẹ.

Joshụa 9:14

Ya ndị Izrẹlụ nọ lele ihiẹn-oriri wẹ, kanị ajụnị wẹ Osolobuẹ kị wẹ k'e mẹ.