Azaya 3:26 - Ika

²⁶ Obodo Zayọnụ k'a gha a kwan, a kwan ụya; o k'a gwọrị alị lekẹ okpoho di lẹ ụmụ nwụnnahịn.

Azaya 3:26 ပူးပေါင်းရင်းမြစ်များ

Jobu 2:13

Wẹ nọ sọn ẹ nọdị akpakalị ọrọgbọ akpọhịn ẹsa lẹ uhinhin ẹsa. Onwọnni onyẹ gwa a ihiẹn ọwụlẹ, makẹni a hụngụọ wẹ okẹn afụnfụn ọ rị imẹ ẹ.

Jobu 2:8

Ya Jobu nọ gwọrị imẹ ikpọn-ntụn nke onyẹ ihiẹn mẹ, gi mpekele ite a kọ ẹhụ a.

Azaya 14:31

Yụ wụ ọnụ-mgbọn, gomẹkwọ! Yụ wụ obodo, kwanmakwọ! Ụnụ ndị Filistia, tụmakwọ nị egun! Wẹ gha ibe ugu lala nọkẹ ẹnwụnrụn lọtọnị d'a lụsọn ụnụ agha, onwọnni onyẹ-agha a la azụụn imẹ wẹ!

Azaya 29:2

kanị m k'e mẹshikwọ obodo ụnụ wụ “Ariẹlụ” ikẹn; o k'a kwan, kwan ụya; m k'e mẹ ụnụ ihiẹn w'e mẹ elu Ariẹlụ wụ ukpo nchụn-ẹjan.

Azaya 32:14

Ẹghẹẹ, obi-eze jẹnkọ d'a gba okpokoro, obodoni ịhịan jun a gba okpokoro; kẹ isi-obodo kẹ ụlọ-nche uku rịn'a jẹnkọ d'a wụrụ ebe wẹ latọ — ebe jaki-ọfịa lẹ anụmanụ ndị ọzọ nọ a kpa nni, wụrụ a jẹnrin ejẹn.

Azaya 33:9

Ụya rị nwan e ri alịnị ile, ọ hụ a la iwi, ẹgboko Lẹbanọnụ e shinwụngụọ, ifẹnrẹn e mẹgbu ẹ! Alị Sharọnụ rị nwan kẹ alị ọkpọ-nkụn. Osisi ndị jun Bashanị lẹ Kamẹlụ a gbụchanrịngụọ ẹhụhụọ.

Azaya 47:1

Osolobuẹ sị, “Hidan n'ị nọdị akpakalị, Nwagbọọ wụ obodo Babilọnụ; nọdị akpakalị nị ukpo-eze arịzịa, ịyụ, nwagbọọ ndị Babilọnụ. Akpọkọzị wẹ i onyẹ-alụlụa mọbụ onyẹ w'a pụpọma.

Azaya 6:11

Ya m nọ sị, “Onyẹ-nwọnni-ẹnyi, d'e ru ele mgbe?” Ọ nọ sị m: “D'e ru ni obodo ichẹn-ichẹn e tikpọchanrịn, onwọnzini onyẹ bi imẹ wẹ; d'e ru mgbe wẹ lachanrịn ụlọ wẹ tọ okpokoro, ndị ọzọ e wiwi ugbo wẹ, ripụ ihiẹn wẹ kụn;

Jerimaya 14:2

“Juda ile rị nwan a kwan; obodo ndị rịn'a rị a la iwi; wẹ hụ e goo alị Juda; okẹn ẹkwan rị imẹ Jerusalẹm.

Jerimaya 15:8

M k'e mẹ ikpoho wẹ di nwụnnahịn barahị, a karị wẹ ẹjan rị mkpẹnrẹn ohimin ọda. M k'e gi efinaị wẹhẹ onyẹ e tikpọnị d'e wiwi ndị nnẹ mụ ikorọbịa wẹ ihiẹn; e hukpu m wẹ eje-ihiẹn idẹnmuzi — hụn k'a fụgbu wẹ, tụgbu wẹ egun.

Ẹkwan 1:1

Euu, obodo nwẹn a gba okpokoro! Obodo nwẹn ịhịan te jun! Ledẹ k'ọ nọ kẹ okpoho di nwụnnahịn — obodo hụn te wụ okẹn obodo imẹ alị ichẹn-ichẹn! Obodo hụn te wụ eze-okpoho imẹ ẹgbẹrẹ rị ichẹn-ichẹn, e họnnringụọ nwan igbọn!

Ẹkwan 1:4

Ụzọ ile wẹ gha e jẹn Zayọnụ rịdẹ a kwan, makẹni onwọnni onyẹ a ghazị wẹ a bịa mmẹmmẹ nsọ. Ọnụ-mgbọn ẹ ile a gba okpokoro, ndị nchụn-ẹjan rịn'a hụ a sụn udẹn, ịgbagba rịn'a hụ a kwan, okẹn ụya kẹ Zayọnụ rị e ri.

Ẹkwan 2:10

Ndị-ichẹn rị imẹ Nwagbọọ wụ obodo Zayọnụ gwọrị nwan alị, gbachanrịn nkịtịn; a bụọgụọ wẹ uzunzun ye isi, yirisọnmẹ ẹkwa-achọ nke ndị ihiẹn mẹ. Ịgbagba Jerusalẹm rị nwan e bu ihun a kọma alị.

Ẹkwan 2:8

Osolobuẹ e kughọ a n'o k'e tikpọrịrị mgbọn hụn ghahunmẹ Obodo Zayọnụ. Ọ ghọsịgụ n'ọ nọnị k'ọ chọ, o serini ẹka d'e ru n'o tikpọchanrịn a. Ọ la mgbọn ibuzọ lẹ nke ẹbụọ rịn'a tọnị wẹ tikpọ; wẹ ẹbụbụọ a dankpọpụ.

Izikẹlụ 12:20

Wẹ k'e tikpọchanrịn obodo ile rịn'a ịhịan bi, alị hụ ile a gba okpokoro. Ogẹn hụ kẹ ụnụ k'a marịn nị mmẹ wụ Osolobuẹ!’ ”

Izikẹlụ 26:16

Ogẹn ahụn, ndị-nze alị ile rị ohimin a gha ukpo wẹ hidan, gbụ ẹkwa-nze wẹ lẹ ẹwuru rị mma wẹ ye ụsụọ, egun a wụrụ ẹkwa wẹ, akpakalị e họnrin ukpo wẹ, a mama wẹ piripiri, ihiẹn hụn mẹn'i a gụ wẹ ndụn.

Maịka 1:9

Makẹni alị Sameria a rụgụọ eje ẹhụ nwọnlẹni ọgụn! Ihiẹn ohu ahụn e kunrungụọ Juda! O rugụọdẹ nwan ọnụ-mgbọn ndị nke m, o rugụọdẹ Jerusalẹm.

Matiu 11:17

‘Ẹnyi e gbuni ụnụ ẹkpịrị, ụnụ etẹnni egu; ẹnyi a bụye hụn wẹ gi a kwan ozun, ụnụ akwannị ẹkwan.’

Luku 19:44

Wẹ jẹnkọ d'e tikpọ ị ru alị, yụ lẹ ndị rị imẹ i: onwọnni ogbe ọmụma ohu wẹ gi tụn ị hụn wẹ jẹnkọ d'a latọ elu ibe ẹ, makẹni y'a marịnnị ogẹn Osolobuẹ gi bịa d'e mẹni i ọhụnma.”