Azaya 3:25 - Ika

²⁵ Ọpịa-agha k'e gbu ikẹnnyẹ ụnụ; odogun-agha ụnụ k'a nwụn imẹ agha.

Azaya 3:25 ပူးပေါင်းရင်းမြစ်များ

Ihiẹn Mẹni Nke Ẹbụọ 28:6

ebe eze Izrẹlụ Ẹbamịn ugu wụ Pẹka nwa Rẹmalịa nọ, gi akp'ọkịn ohu gbu ndị Juda nnụ-uku ọgụn-isin (120,000) — wẹ ile wụ ndị odogun-agha. Ihiẹnni mẹ makẹni ndị Juda latọ Osolobuẹ, Chuku ndị nẹdi wẹ.

Ihiẹn Mẹni Nke Ẹbụọ 29:9

Ya haịn agha gi gbu ndị nẹdi ẹnyi, a kpụnrụn wẹ ụmụ ẹnyi ikẹnnyẹ lẹ ikpoho lẹ inyẹnmẹ ẹnyi.

Azaya 1:20

kanị ụnụ jụ, nupụ isi, ọpịa-agha jẹnkọ d'e bu ụnụ ri.” Osolobuẹ e gigụọ ọnụ a ku ẹ.

Azaya 65:12

Okeri m k'e ye ụnụ wụnị wẹ k'e gi ọpịa gbu ụnụ, ụnụ ile k'e welụa isi, a mabepụ wẹ ụnụ olu — makẹni kẹ m kpọ ụnụ, ụnụ azanị; a gwa m ụnụ oku, ụnụ egini dọn. Ụnụ nọ mẹ ihiẹn rịlẹni mma ẹnya m, ụnụ a hanrịn ihiẹn ghalẹni a sụọ m.”

Jerimaya 11:22

Ya Osolobuẹ ihiẹn ile rị okpuru ẹ nọ nwan sị, “M jẹnkọ d'e ye wẹ afụnfụn. Ọpịa-agha k'e gbu ikorọbịa wẹ la iwi; ẹgụn e gbu ụmụ wẹ ikẹnnyẹ lẹ ikpoho.

Jerimaya 14:18

M shi ugbo, a hụnsọnmẹ m ozun ndị wẹ gi ọpịa-agha gbu! M banye imẹ obodo, a hụn m ndị ẹgụn rị e gbu, kẹ ndị-amụma kẹ ndị nchụn-ẹjan hụ a ghahunmẹ alịnị ile bụ amarịn wẹ ihiẹn.”

Jerimaya 15:8

M k'e mẹ ikpoho wẹ di nwụnnahịn barahị, a karị wẹ ẹjan rị mkpẹnrẹn ohimin ọda. M k'e gi efinaị wẹhẹ onyẹ e tikpọnị d'e wiwi ndị nnẹ mụ ikorọbịa wẹ ihiẹn; e hukpu m wẹ eje-ihiẹn idẹnmuzi — hụn k'a fụgbu wẹ, tụgbu wẹ egun.

Jerimaya 18:21

Ẹgụn ya gbu nwan ụmụ wẹ. Wẹ gi ọpịa-agha gbu wẹ. Di lẹ ụmụ, wẹ nwụnnahịn ikpoho wẹ; emu ya gbu ikẹnnyẹ wẹ, ọpịa-agha ya gbu ikorọbịa wẹ tọ imẹ agha.

Jerimaya 19:7

“M jẹnkọ d'a nọ ebeni kpayịya ihiẹn ile ndị Juda lẹ ndị bi imẹ Jerusalẹm romẹ. M k'e mẹ ndị-iṅẹnrẹn wẹ gi ọpịa-agha gbu wẹ, m k'e mẹ wẹ danyesọnmẹ ẹka ndị rị a chọ isi wẹ; m k'e we ozun wẹ ye nnụnụ lẹ anụmanụ ri.

Jerimaya 21:9

Onyẹ ọwụlẹ hụn nọdị imẹ obodoni, ọpịa-agha mọbụ ẹgụn mọbụ eje-emu k'e gbu ẹ. Kanị, onyẹ ọwụlẹ hụn jẹn d'e we enwẹn ẹ ye ndị Babilọnụ hụn kehunmẹni ụnụ k'a rị ndụn; o k'a hụn isi wanahịn.

Ẹkwan 2:21

Kẹ ụmụ-ẹka kẹ ndị ẹgẹdi e fiẹnrinsọnmẹ imẹ uzunzun rị ụzọ; kẹ ikorọbịa m kẹ ịgbagba m, e gigụọ wẹ ọpịa-agha gbu wẹ. Y'e gbugụọ wẹ ụhụọhịn ahụn ị ghọsị olulu i; y'a jagbu wẹ — y'e mẹni omikẹn.

Emọsụ 9:10

Wẹ k'e gi ọpịa-agha gbuchanrịn ndị nke m ile e mẹ njọ, ndị hụn a sị, ‘Eje-ihiẹn erukọ ẹnyi ẹhụ, o kunrunkọ ẹnyi.’