Azaya 3:24 - Ika

²⁴ Hụn nkẹ w'e gi kun fuẹin, wẹ k'e shinja; ẹgbụn k'a nọkin ẹnya nfifie wẹ; isi-akpan k'a nọkin ẹnya ntutu wẹ te dọnmẹ ọhụnma; ẹkwa-achọ k'a nọkin ẹnya ẹwuru rị mma; ahịma w'e ye igbọn k'a nọkin ẹnya mma-ẹhụ wẹ.

Azaya 3:24 ပူးပေါင်းရင်းမြစ်များ

Ẹsta 2:12

Omẹgụ, ọ nọ ru ogẹn nwagbọọ ọwụlẹ imẹ wẹ jẹnkọ d'e gi jẹn d'e kunrun Eze wụ Ahazẹrusu. Wẹ chọzugụ wẹ mma ifọn mmẹbụọ kẹ wẹ gi e jẹn nke eze: wẹ tegụ udẹn maa ifọn isin, tegụ udẹn basam ifọn isin lẹ ihiẹn ndị ọzọ ikpoho gi a chọ mma.

Jobu 16:15

Ẹkwa-achọ wẹ gi a kwan ụya a nyanrịngụọ m ẹhụ; ọghọ m rị nwan alị.

Itẹn 31:24

Ọ kpa ẹwuru linẹni e re, a kpazị akpụkpọ-ukun e reye ndị a zụjẹn afịa alị ọzọ.

Itẹn 7:17

Egigụọdẹ m sẹnti ichẹn-ichẹn feye elu bẹdi m — kẹ maa kẹ alo kẹ sinamọnụ.

Azaya 15:2

Ndị bi Dibọnụ alị Mụabụ e shigụọ ụlọ-mmọn lẹ ebe wẹ nọsọnmẹ a chụn ẹjan d'a kwan ẹkwan; alị Mụabụ hụzị e goo alị wẹ wụ Nebo lẹ Mẹdẹba. A kọgụọ wẹ isi ile, kọpụ ẹtu ile.

Azaya 15:3

Wẹ yihụ ẹkwa-achọ a kwan imẹ ọgbara-ogbe wẹ yeni ihiẹn mẹni wẹ; kẹ ebe ịhịan a nọdị elu ụlọ kẹ ebe ile ịhịan e kokomẹ kẹ wẹ ile nọsọnmẹ e goo; e fiẹnrinhụ a kwan.

Azaya 22:12

Osolobuẹ, Onyẹ hụn nwọn ikẹn ile, a kpọghọ ọnụ oku ogẹn ahụn, sị ụnụ kwanma ẹkwan, gomẹ, sị ụnụ kọpụ ntutu rị ụnụ isi, yiri ẹkwa-achọ.

Azaya 3:23

lẹ ughegbe lẹ ẹwuru linẹ lẹ okpu-isi ma mma lẹ ẹkwa w'a tụye olu.

Azaya 4:4

Makẹni, ogẹn ahụn, Osolobuẹ k'a chanchanpụchanrịn ụrụ ikpoho Zayọnụ; o k'e ye wẹ afụnfụn, mẹ wẹ ihiẹn ọkụn e mẹ, gi ẹ finchanpụ Jerusalẹm ẹdeke rịn'a.

Azaya 57:9

Y'e we udẹn-olivu jẹnni mmọn wụ Molẹkị, e mẹmẹ sẹnti i ọda-ọda, e wejẹnn'ẹ. Ị hụ a hanjẹn ndị ụkọ ị ebe teni, e jẹndẹ alị-mmọn lẹ enwẹn ẹ d'a chọ eyemẹka!

Jerimaya 4:8

Yiri ni nwan ẹkwa-achọ kwanma ụya, a kwan nị, e goo ni, makẹni okẹn olulu Osolobuẹ gi e sọn ẹnyi eke rọ.

Jerimaya 48:37

Wẹ ile jẹnkọ d'a kpụnpụ ntutu, kọpụ ẹtu; wẹ ile k'e bekika enwẹn wẹ ẹka, jeri ẹkwa-achọ ndị rị a kwan ụya.

Jerimaya 49:3

Alị Hẹsh'bọnụ, gomẹ, nị e tikpọ wẹ alị Aị ndị Amọnụ! Ụmụ alị Raba, kwanma nị ụya! Yiri ni ẹkwa-achọ wẹ gi a kwan ụya; a gbahunmẹ ni, e yi kẹ ụnụ e mẹ imẹ obodo ụnụ. Makẹni wẹ jẹnkọ d'e weridẹ mmọn ụnụ wụ Molẹkị shi alị ọzọ, ya lẹ ndị a ghọn'a lẹ ndị ọzọ a rụnn'a ọrụn.

Jerimaya 6:26

“Heuu, ndị nke m, yiri ni ẹkwa-achọ, ụnụ e kperemẹ imẹ ntụn; kwan nị ụya kẹ onyẹ akpụ nwa-okẹnnyẹ ohu nwụnnahịn, makẹni onyẹ e tikpọnị lala idẹnmizi d'e tikpọ ẹnyi!”

Ẹkwan 2:10

Ndị-ichẹn rị imẹ Nwagbọọ wụ obodo Zayọnụ gwọrị nwan alị, gbachanrịn nkịtịn; a bụọgụọ wẹ uzunzun ye isi, yirisọnmẹ ẹkwa-achọ nke ndị ihiẹn mẹ. Ịgbagba Jerusalẹm rị nwan e bu ihun a kọma alị.

Izikẹlụ 27:31

Wẹ k'a kọn'ị isi, jeri ẹkwa ndị ihiẹn mẹ. Wẹ k'a kwann'ị ụya, kwan a ọda-ọda.

Izikẹlụ 7:18

Wẹ k'e yiri ẹkwa-achọ, a ma piripiri; ifẹnrẹn k'e mẹgbu onyẹ ọwụlẹ; wẹ k'a kpụnpụ wẹ ntutu.

Juwẹlụ 1:8

Kwanma nị lekẹ ogbori yi achọ hụn rị a kwan di-ụtụntụn a.

Lẹvitikọsụ 26:16

lee ni ihiẹn m k'e mẹ ụnụ: m k'e zihẹni ụnụ ihiẹn-egun idẹnmizi, eje-emu hụn k'e sekpọ ụnụ lẹ ẹhụ-ọkụn hụn k'e mẹ ụnụ eleghazịlẹ ụzọ, gi ẹkẹrẹ-ẹkẹrẹ weri ndụn ụnụ. Ụnụ k'a kụn mkpụrụ la iwi, makẹni ndị iṅẹnrẹn ụnụ nwọn ri ẹ.

Emọsụ 8:10

M k'a napụ ụnụ oriri ụnụ, ye ụnụ ẹkwan, napụ m ụnụ ẹbụ, ye ụnụ ịkwan-ụya. M k'e mẹ ụnụ ile yirisọnmẹ ẹkwa-achọ, mẹ ụnụ ile kpụnpụ ntutu. M k'e mẹ ẹ n'ọ rịkẹ ebe wẹ rị a kwan akpụ nwa-okẹnnyẹ ohu; eje-ogẹn e lu ilu k'o k'a wụ!”

Maịka 1:16

Kọ nị nwan ntutu, kwanma makẹ ụmụ ụnụ hụn ụnụ e mẹni nwa; kpụnchanpụ nị ntutu nọkẹ udele makẹni wẹ lala d'a dọkpụnrụn ụmụ ụnụ we wẹ shi alị ọzọ!

Ditrọnọmi 28:22

Osolobuẹ k'a tụ ụnụ eje-emu e rikpọnị, ẹhụ-ọkụn, emu ịhịan gi e nwun anwụn-anwụn; o k'a tụ ihiẹn-akụnkụn ụnụ okẹn uwowo lẹ ụkọ-mirin lẹ ndundu e gbu ihiẹn-ugbo lẹ ịkpọ-nkụn; o k'e gi ihiẹn ndịnị sọn ụnụ d'e ru nị ụnụ a lachanrịn iwi.

Ditrọnọmi 32:24

M k'e zihẹni wẹ eje-ụnwụn hụn e wiwi ihiẹn, emu e rikpọ ịhịan ẹhụ lẹ eje-emu e gbuni. M k'e zijẹnni wẹ eje-anụ eze tụ nkọ, agwọ nwọnsọnmẹ eje-ẹdide.

Pita Ibuzọ 3:3

Anịlẹ ni mma ụnụ wụrụ nke ẹhụ, mma ịchọ ntutu mma lẹ iyi goru lẹ iyi ẹkwa ma mma.

Rẹvẹleshọnụ 11:3

“M k'e ye ndị ọshẹri m ẹbụọ ikẹn ku oku-Chuku, ọrọgbọ akpọhịn ọgụn-ẹtọ kwasị nnụ-ẹtọ, (1,260), wẹ k'e yisọnmẹ achọ (ahịọ) wẹ gi a kwan ịhịan.”

Rẹvẹleshọnụ 16:9

Ọ ma wẹ ọda-ọda, wẹ nọ kpọma Osolobuẹ hụn rị e zihẹ afụnfụn ndịnị wẹ iyi. Egini w'ẹ rogharị, ye ẹ ọghọ.

Rẹvẹleshọnụ 18:9

Ndị-nze rị ụwa hụn mẹ mgba a, sọn ẹ bi obibi mmẹ-nwọn-enwẹn-m, k'a kwann'a ẹkwan, goo n'ẹ — ogẹn w'e gi hụn ẹnwụnrụn ọkụn wẹ kpọ a.