Azaya 3:14 - Ika

¹⁴ Osolobuẹ a mama ndị-ichẹn lẹ ndị-ndu ndị nke ẹ ikpe: “Ụnụ haịn alị vaịnị m wụ Juda gi wiwi; ihiẹn ụnụ kwanarịn ndị-igbẹnnyẹ jun iwe ụnụ.

Azaya 3:14 ပူးပေါင်းရင်းမြစ်များ

Jobu 22:4

Nị y'a gbaye Chuku k'o gidẹ rị a jụgbọ ị ra? Ịya k'ọ rịdẹ nwan a manị ị ikpe ra?

Jobu 24:14

Eki gi, izighẹ e heli, gbumẹ ndị igbẹnnyẹ lẹ ndị elu rị a fụ — uhinhin k'o gi e gepụ nọkẹ onyẹ-ohin.

Jobu 24:9

Ịhịan hụ e weridẹ nwata nẹdi ẹ nwụnhụn wẹ kelẹni ha ẹran; wẹ hụ e gi ụmụ ndị igbẹnnyẹ e fieri ụgwọ.

Jobu 34:23

Ya wụ, ẹlẹ hụn Chuku k'e gi lelemẹzi ịhịan; ẹlẹ hụn w'e gi bịa ihun ẹ n'o kin wẹ ikpe.

Ẹbụ-ọma 10:9

Ọ warị kẹ ẹwọrọ warịnị; e che n'ọ nwụndọn onyẹ nwọnlẹni eyemẹka — o gi ọnyan a nwụn wẹ, ọ dọnkpụnrụn wẹ.

Ẹbụ-ọma 14:4

Ndị-njọnị aghọtakọdẹ? Ndịnị hụn e bu ndị nke m e ri kẹ brẹdi, ndịnị ghalẹni a kpọku Osolobuẹ.

Ẹbụ-ọma 143:2

Dodo, akpọlẹ mmẹ wụ odibo i kpe, makẹni onwọnni onyẹ rị ndụn hụn rị ọchan ẹnya ị,

Itẹn 30:14

O nwọnghọ ndị eze rị wẹ ọnụ nọ kẹ ọpịa-agha, ndị agban wẹ nọ kẹ ẹbeke — wẹ chọ nị wẹ ripụ ndị igbẹnnyẹ elu-ụwa, ripụ ndị nwọnlẹni ịhịan — wepụ wẹ imẹ ndị rị ndụn.

Azaya 10:1

Nsọngbu rị e che ndị hụn e ti iwu mmẹgbu, ndị e tumẹ iwu wẹ gi a bịangbu ibe wẹ,

Azaya 10:2

hụn wẹ gi a napụ ndị-igbẹnnyẹ ihiẹn runi wẹ, a napụ ndị nwọnlẹni ịhịan ihiẹn runi wẹ, e mẹgbu ikpoho di wẹ nwụn, a tụnarịn ndị nwọnlẹni nẹdi ihiẹn wẹ!

Azaya 11:4

O k'e kinni ndị rị e ri ụya ọnụ; o k'a hannị ndị igbẹnnyẹ ụwanị ezigbo eṅẹn, ye wẹ ihiẹn runi wẹ. Mkpịnsịn rị a ọnụ k'o k'e gi gbu ụwanị; umẹrẹn rị a ụgb'ọnụ k'o k'e gi gbupụ ndị eje-omumẹ.

Azaya 14:30

Ogbẹnnyẹ kachanrịn ogbẹnnyẹ e mẹ k'a hụn ihiẹn-oriri rijun ẹfọ, ndị elu rịdẹ a fụ k'e dinẹ, ihiẹn emẹkọ wẹ. Kanị ụnwụn k'e gbupụ mkpọgụn ị, gi ẹ gbupụ ụmụ ị họdụnị.

Azaya 26:6

Ịhịan a zọkpụkpọ a — ndị nwẹn wẹ te rị a bịangbu a zọkpụkpọ a, ndị igbẹnnyẹ a zọ a ụkụ.

Azaya 29:19

Ndị welụa enwẹn wẹ alị k'a ghọghọmazị makẹ Osolobuẹ; ndị ogbẹnnyẹ a ghọghọma ọda-ọda makẹ Onyẹ-nsọ Izrẹlụ.

Azaya 30:12

Ya kẹ Onyẹ-nsọ Izrẹlụ gi nwan sị, “Ebe o mẹni ụnụ a jụgụọ ozini, tụkwasị mmẹgbu obi, gi ndufie dọn ẹnya,

Azaya 5:7

Alị vaịnị Osolobuẹ, Onyẹ ihiẹn ile rị okpuru ẹ, wụ ikpụlọ Izrẹlụ; ndị alị Juda rịn'a wụ ugbo-nta a hụn rị a obi. Ọ tụ ẹnya ezigbo-eṅẹn, kanị igbu-ọchụn k'ọ hụn; ọ tụ ẹnya ezi-omumẹ, kanị ẹkwan ndị wẹ rị a bịangbu k'ọ nụ.

Azaya 58:4

Ibu-ọnụ ụnụ wụ ibu-ọnụ oku lẹ ikpe, lẹ imẹ ibe ụnụ eje-ihiẹn. Ụnụ ebukọkwọ ụdị ọnụnị a tụ ẹnya nị wẹ k'a nụ olu ụnụ elu-igwee.

Jerimaya 12:10

Ndị-nze alị ichẹn-ichẹn kịla ndị-agha wẹ nọkẹ atụnrụn d'a zọgbu ugbo-vaịnị m wụ Izrẹlụ; wẹ sikọ d'a zọkpụkpọ ihiẹn-ugbo m; wẹ k'e mẹ ugbo m hụn ma mma họnrin alị la iwi ihiẹn anaị rịlẹni.

Jerimaya 5:27

Kẹ nnụnụ wẹ nwụn dọn e jun ọga-nnụnụ, ẹrịra kẹ ihiẹn wẹ tụnarịn ịhịan dọn jun iwe wẹ; ya kẹ wẹ gi hi ọdanfịn, wụrụ okẹn-ịhịan,

Izikẹlụ 18:12

omẹni ọ bịangbu ndị igbẹnnyẹ lẹ ndị elu rị a fụ; omẹni o zun ohin; omẹni ara wekinni ịhịan ihiẹn wẹ gi gbama ibe ẹka a; omẹni o fe mmọn, e mẹ arụ;

Izikẹlụ 20:35

e wẹhẹ m ụnụ imẹ atụ alị ndị ọzọ rị ichẹn-ichẹn, nọ ebahụn ma ụnụ ikpe elee-m elee-i.

Izikẹlụ 20:36

Kẹ m dọn ma ndị nẹdi ụnụ ikpe imẹ atụ Ijiptu kẹ m k'a dọn ma ụnụ nwẹn, mmẹ wụ Osolobuẹ Nwọn Ihiẹn Ile ku ẹ.

Lẹvitikọsụ 25:14

“Ụnụ gha e reye mọbụ e ṅọnnarịn onyẹ alị ụnụ alị, egikwọlẹ n'a mẹgbu ibe ụnụ:

Lẹvitikọsụ 25:17

Emẹgbulẹ ni ibe ụnụ, ka tụ nị egun Chuku ụnụ. Mmẹ wụ Osolobuẹ, Chuku ụnụ.

Emọsụ 2:7

Wẹ hụ a zọ ndị igbẹnnyẹ ụkụ isi, a zọdẹ wẹ e ye imẹ uzunzun; e nu ndị rị e ri ụya e ye ụsụọ; nẹdi lẹ nwa hụ e mẹ mgba okpoho ohu, e gi ẹ e wiwi ẹfan-nsọ m.

Emọsụ 4:1

Gọn ni ntịn, nị onyẹnnyẹ efin Bashanị kẹ ụnụ wụ, ụnụ, ikpoho bi ugu Sameria. Ụnụ ndị a bịangbu igbẹnnyẹ, e gwekpọ ndị ẹka wẹ rulẹni. Ụnụ ndị a sị ndị di ụnụ, “Wẹhẹ manya nị ẹnyi ra!”

Maịka 2:1

Ọ rịkọnị ụnụ mma, ụnụ ndị e chu ụran elu-ukpo, e rotọ eje-ihiẹn, eki fọn, e mẹ w'ẹ makẹni ọ rị wẹ ẹka.

Maịka 2:2

Wẹ chọ alị mọbụ ugbo ịhịan, a narịn w'a ya; omẹni ụlọ rọ, e weri w'ẹ; wẹ hụ a bịangbu ịhịan, e weri ụlọ a; a bịangbu ịhịan, e weri ukuu ẹ.

Maịka 3:3

e ri uru-ẹhụ wẹ, e he wẹ akpụkpọ, a kpagichanrịn ọkpụkpụ wẹ, a jakịka wẹ kẹ anụ wẹ k'e ghe imẹ ugbẹgbẹ, e shi wẹ kẹ wẹ e shi anụ rị ite.

Maịka 6:10

Echẹn kẹ ihiẹn ndị-njọ gi njọ kpajun iwe wẹ rịkwọ a, ịya lẹ eje mkpu ụnụ gi a zụ afịa?

Matiu 21:33

“Nụ nị ilu ọzọ: O nwọn onyẹ ohu nwọn alị, ọ nọ kụn a vaịnị, tụnhunmẹ ẹ mgbọn, guye ebe wẹ nọ a pịnpụha manya-vaịnị imẹ ugbo hụ, tụnzịkwọ ụlọ-nche ye ẹ, bu ẹ che ẹka ndị sikọ d'a gha a rụn a e-gbu-e-ke. Ọ nọ shi alị ọzọ.

Jemisi 2:6

Bụ ụnụ hụ e legberi ndị-igbẹnnyẹ! Ẹlẹ ndị-ịdanfịn a bịangbu ụnụ? Ẹlẹ wẹ a dọjẹn ụnụ ọgwa?