Azaya 3:1 - Ika

¹ Lee n'ẹ nwan! Di-nwọnni-ẹnyi, hụn wụ Osolobuẹ ihiẹn ile rị okpuru ẹ, e d'a napụ obodo Jerusalẹm lẹ alị Juda ile ihiẹn ile wẹ gi e dọn ẹnya: kẹ ihiẹn-oriri kẹ mirin,

Azaya 3:1 ပူးပေါင်းရင်းမြစ်များ

Ndị-nze Nke Ẹbụọ 25:3

Nke akpọhịn itenẹi imẹ ọnwan nke ẹnọ ahụa hụ, ihiẹn-oriri rị a kọ imẹ obodo hụ a karịgụọ ẹka, ndị obodo hụ enwọnzi ihiẹn wẹ k'e ri.

Ẹbụ-ọma 105:16

Ogẹn o gi sị ụnwụn mụma alị hụ ile, mẹ wẹ ahụnzịlẹ ihiẹn-oriri wẹ te gi dọn ẹnya,

Azaya 1:24

Ufiri ẹ, Onyẹ hụn nwọn ihiẹn ile, Osolobuẹ ihiẹn ile rị okpuru ẹ, Dikẹn Izrẹlụ, sị nwan, “Hmm! Ndị-iṅẹnrẹn m k'a kụrịrị ụgwọ ihiẹn wẹ mẹ; m k'e mẹgwarị ndị-iṅẹnrẹn m!

Azaya 2:22

Gibehi ni ịhịan e dọn ẹnya, ịhịan hụn wụhụ akpụ uzun ohu rị imi. Kịnị kẹ ịhịan wụdẹ?

Azaya 3:16

Osolobuẹ sị, “Ikpoho Zayọnụ rị a họnrọn, e setịn olu a ghahunmẹ, e gbuhunmẹ ikpu-ẹnya, e jẹn ịnyanga-ịnyanga, ihiẹn wẹ yi olu-ụkụ hụ a hụ.

Azaya 36:12

Kanị, onyẹ-isi agha eze Asiria hụ nọ shịarị wẹ, sị, “Ụnụ te rị e ro ni di-nwọnni ụnụ lẹ ụnụ ndị-isi sụọ kẹ di-nwọnni-m zi m d'a gwa ihiẹn ndịnị; nị ọ gbashịarịnị ndịnị rị elu mgbọn hụn jẹnkọ d'e ri nsịn wẹ, ra mamịn wẹ kẹ ụnụ k'a dọn mẹ?”

Azaya 5:13

Ufiri ẹ, wẹ k'a kpụn ndị nke m shi alị ọzọ makẹni ndị nke m enwọn nghọta; ẹgụn-ọnụ k'e gbu ndị-isi wẹ, ẹgụn-mirin e gbu ndị-mmaka.

Azaya 51:22

Di-nwọnni-ẹnyi wụ Osolobuẹ, Chuku i, hụn a lụnị ndị nke ẹ ọgụn, sị, “Lee ẹ, a napụgụọ m'ị mkpu ahụn e te mẹ i a hanfie ụkụ; y'a rakọzị ihiẹn rị imẹ mkpu hu, mkpu hụ m buche ọnụma m.

Azaya 9:20

E bu wẹ ihiẹn rị ibe ẹka-nni ri — ẹgụn hụkwọ a gụn wẹ; e ri wẹ hụn rị ibe ẹka-ekpẹn — ẹfọ ejunkwọnị wẹ. Onyẹ-onyẹ e ri anụ nwẹnẹ ẹ:

Jerimaya 37:21

Ya kẹ eze wụ Zẹdikaya nọ sị wẹ bu Jerimaya che ezi-ọgwa ndị-nche, sị wẹ a gha ọdụ ndị brẹdi e wẹhẹn'ẹ ogbe brẹdi ohu ụhụọhịn-ụhụọhịn, d'e ru mgbe brẹdi gụchanrịn imẹ Jerusalẹm. Ezi-ọgwa ndị-nche hụ kẹ Jerimaya nọdịsọnmẹ.

Jerimaya 38:9

“Eze nwọnni m! Ẹfọ a jọka ikẹnnyẹ ndịnị mẹ Jerimaya onyẹ-amụma ihiẹnni ile wẹ mẹ ẹ. A tụgụọ w'a ye imẹ ọmị. Ẹgụn k'e gbu ẹ tọ ebẹhụ, makẹni ihiẹn-oriri arịzị obodoni.”

Jerimaya 52:3

Ya haịn Osolobuẹ gi gi olulu mẹ obodo Jerusalẹm lẹ alị Juda ile ihiẹnni ile d'e ru ebe Osolobuẹ nọ wepụ wẹ ihun ẹ. Zẹdikaya feni Nebukadineza eze Babilọnụ wẹ rị okpuru ẹ isi.

Jerimaya 52:6

Ogẹn o gi ru nke akpọhịn itenẹi imẹ ifọn nke ẹnọ imẹ ahụa hụ, ụkọ ihiẹn-oriri rị obodo ahụn a karịgụọ ẹka, nke wụnị ndị rị imẹ ẹ ahụnzịnị ihiẹn w'e ri.

Ẹkwan 5:4

Ẹnyi rị nwan e ṅọn mirin ẹnyi a ra e ṅọn; ẹnyi e ṅọnzidẹ nkụn e ṅọn.

Izikẹlụ 14:13

“Nwa-ịhịan, alị mẹ m njọ ghahanị itikpọ nkwa wẹ gi Ẹfan m kwe, n'e bu m nụmanị alị hụ, mẹ wẹ ahụnzịlẹ ihiẹn w'e ri, zihẹni wẹ ụnwụn, gbu ịhịan lẹ anụmanụ rịn'a,

Lẹvitikọsụ 26:26

Ogẹn m'e gi gbukin ụzọ ụnụ gha e nwọnhẹn ihiẹn-oriri, ikpoho iri sikọ d'e gi ite ohu sụọ shi ihiẹn-oriri ụnụ ile k'e ri. Wẹ k'a ghadẹ e keye ịhịan ya ẹkẹrẹ-ẹkẹrẹ; ụnụ k'e ri, ẹfọ ejunkọ ụnụ.

Emọsụ 4:6

“Mmẹ haịn ụnụ gilẹni a hụn e ri imẹ obodo ụnụ ile, lẹ ebe ile rị alị ụnụ, kanị ụnụ e gin'ẹ rogharị d'e kunrun m.” Ya kẹ Osolobuẹ ku.

Maịka 4:9

K'ị rị e yini nwan, a kwan ụya? Eze i arịzịa? Onyẹ hụn a dụn ị ọdụn a nwụnhụngụọ ra, o gi a fụ ị ẹnịna, nọkẹ onyẹ imẹ rị e mẹ?