Azaya 28:7 - Ika

⁷ Ndịnị hụzị a hanfie ụkụ yeni manya, wẹ hụzị a kpọgburusọnmẹ yeni manya: kẹ ndị nchụn-ẹjan kẹ ndị-amụma hụzị a hanfie ụkụ yeni manya; manya ara nịzị wẹ marịn ihiẹn wẹ rị e mẹ; wẹ hụ e ruehunmẹ — a hụnfie ọhụn, a hanfie eṅẹn.

Azaya 28:7 ပူးပေါင်းရင်းမြစ်များ

Ẹbụ-ọma 107:27

wẹ hụ e ruehunmẹ, a danhunmẹ, rịkẹ ndị manya rị a tụ, onwọnzini ihiẹn wẹ marịn wẹ k'e mẹ.

Itẹn 20:1

Manya e dọnmẹ ịhịan ẹwobi, manya zeni e mẹ ịhịan a lụ ọgụn; onyẹ manya dufie enwọn uche.

Itẹn 23:30

Ndị a ra manya, a racheni rọ — ndị e mẹ oku manya rọ.

Ẹkịliziastisi 10:17

Y'e nwọnkẹ ngọzi, alị hụn eze ẹ wụ nwa eze, hụn ndị-isi rịn'a e ri, a ra, ogẹn furuni — kẹni ndụn ban wẹ, ẹlẹ n'ọ tụ wẹ.

Azaya 19:14

Osolobuẹ e wegụọ mmọn huye imẹ wẹ, mmọn wẹ gizilẹni a marịn ihiẹn wẹ k'e mẹ; wẹ e mẹ Ijiptu a hanfiesọnmẹ ụkụ imẹ ihiẹn ile o mẹ, kẹ onyẹ-manya a danhunmẹ ebe ọ gbọtọ ẹgbọ.

Azaya 22:13

Kanị, ịghọghọ lẹ okẹn mmẹmmẹ kẹ w'a hụn, igburi efin lẹ igburi atụnrụn, iri-anụ lẹ ịra-manya! A sị, “Nị ẹnyi ri, ra — makẹni ekile kẹ ẹnyi jẹnkọ d'a nwụn!”

Azaya 24:2

ihiẹn ohu hụ jẹnkọ d'e kunrun ịhịan ile — kẹ ndị nchụn-ẹjan kẹ ndị mmaka, kẹ odibo-okẹnnyẹ kẹ onyẹ-nwọnni ẹ, kẹ odibo-okpoho kẹ okpoho ọ rị iwe ẹ, kẹ onyẹ e reni kẹ onyẹ e ṅọnni, kẹ onyẹ e zinrinni kẹ onyẹ e zinyeni, kẹ onyẹ gi ụgwọ kẹ onyẹ wẹ gi ụgwọ.

Azaya 24:20

Elu-ụwa rị e ruehunmẹ kẹ onyẹ-manya, a mahihie kẹ ụlọ-ubi ufere rị e zinzin; nnupụ-isi ẹ rị e gbu ẹ hụn o k'e gi danchanrịn, o lihikọzị.

Azaya 28:1

Nsọngbu rị e che obodo hụ wụ Sameria, ihiẹn-mma ahụn ndị manya rị a kị Ifrem gi a họnrọn — obobo hụ fapụkọnị, hụn wụ okẹn-mma alị Ifrem — isi-alị a ahụn rị isi ọdanmgbugbu hụn alị a rịgbu enwẹn ẹ mma; nsọngbu rị e che obodo ahụn — hụn wụ ọghọ ndịnị manya budangụ.

Azaya 29:11

Ẹnya ụnụ, ọhụnnị ile wụhụ oku wẹ deye imẹ ẹkụkwọ, fụma, nyankin. Wẹ we ẹ ye onyẹ ma gụn ẹhụhụọ, sị a, “Gụn ihiẹnni, dodo,” ọ sị, “Asakọ m ẹka gụn a, wẹ nyankin ẹ anyankin ma!”

Azaya 3:12

Ụmụ-ndu hụ a kị ndị nke m nkịgbu, ikpoho hụzịd'a kị wẹ. Euu, ndị nke m, ndị-ndu ụnụ rị e duhuhu ụnụ; e wepụ ụnụ ụzọ rị mma.

Azaya 43:27

Nẹdi ibuzọ ụnụ e mẹghọ njọ; ndị e kuni ụnụ a paghọ oku m.

Azaya 5:11

Nsọngbu rị e che ndị hụn a zọpụ ụz'ọtụntụn d'a ra manya ahụn w'a ra, a ra manya d'e ru imẹ abalị, d'e ru n'ọ tụma wẹ.

Azaya 5:22

Nsọngbu rị e che ndị wụ dikẹn manya lẹ ndị ma hugbama manya e nwunye ẹnya a ra;

Azaya 5:23

hụn a narịn ọgị-azụụn a hatu onyẹ ikpe ma, a hangbu onyẹ ẹka a rị ọchan eṅẹn.

Jerimaya 14:14

Osolobuẹ nọ sị m, “Amụma-ntụ kẹ ndị-amụma ahụn rị e gi ẹfan m e bu. Ẹlẹ mmẹ zi wẹ; ẹlẹ mmẹ tumẹ wẹ; onwọnni ihiẹn m sị wẹ ku. Wẹ rị a hụnnị ụnụ ọhụn wụlẹni ezioku, a gba ẹfa nwọnlẹni isi, e ku ihiẹn uche wẹ gwa wẹ.

Jerimaya 23:13

“O nwọn ihiẹn jọgbu enwẹn ẹ m hụn ẹka ndị amụma alị Sameria: wẹ gi ẹfan Baalụ bu amụma, gi ẹ dufie ndị nke m ndị Izrẹlụ.

Jerimaya 23:16

Osolobuẹ ihiẹn ile rị okpuru ẹ sị, “Egikwọlẹ ni ihiẹn ndị-amụma hụ rị a gwa ụnụ dọn. Wẹ rị e dufie ụnụ! Ihiẹn wẹ rị e ro kẹ wẹ rị e ku, ẹlẹ ihiẹn wẹ nụ ọnụ Osolobuẹ.

Ẹkwan 2:4

O kwọngụọ ụta a nọkẹ eṅẹnrẹn, ẹka-nni ẹ a dọgụọ ụta a. O mẹgụọ kẹ onyẹ-iwe gbuchanrịn ndị ile rị mma ẹnya, o hugụọ ọnụma a kẹ ọkụn kpu Nwagbọọ wụ obodo Zayọnụ.

Izikẹlụ 13:7

Ẹlẹ ọhụn ntụ kẹ ụnụ rị a hụn? Ẹlẹ ẹfa ntụ kẹ ụnụ rị a gba — hụnnị ụnụ rị a sị, ‘Osolobuẹ sị’ bụ onwọnni ihiẹn m sị ụnụ?”

Izikẹlụ 44:21

Onyẹ nchụn ẹjan arakọ manya banye ezi-ọgwa rị imẹ.

Hosia 7:5

Ụhụọhịn ahụn eze mẹ mmẹmmẹ ẹ, e ye wẹ ịhaịmẹ eze manya ra tụ; eze nkẹ nọ sọn ndị rị a mụ a ẹmụ ri, ra.

Maịka 2:11

nọkẹ sị onyẹ-amụma ntụ te pụha a sị ndịnị, ‘Manya lala — kẹ hụn a tụnị,’ onyẹ-amụma nọ ẹrịra ya nwọn a sụọ ndịnị!

Habakọkụ 2:15

O k'a jọ ị njọ, ịyụ hụn e ye ibe i ụya a ra kẹ manya, onyẹ hụn e gichanrịn ọnụma e sọn ibe ẹ d'e ru n'a dangbumẹ wẹ kẹ ndị manya, y'a hụn ọtọ wẹ ahụn ị chọkọ.

Habakọkụ 2:16

Ụya k'i k'a hụn hụnjun ẹfọ, ẹlẹ ọghọ; razị nwan ụya nke i tụ nị wẹ hụn ọtọ ị! Mkpu afụnfụn hụn rị ẹka Osolobuẹ k'e ru yụ nwẹn ẹka, e gi wẹ ifẹnrẹn nọkin ẹnya ọghọ ị ahụn.

Matiu 24:29

“Hụn nsọngbu ogẹn hụ gihụ ghafegụ, ẹnyanwụn jẹnkọ d'a gba ishi, ifọn etikọzị; kokisẹ rị igwere k'a dantusọnmẹ, ikẹn ndị rị igwere k'e mẹhunmẹ.

Luku 21:34

“Kpachanpụ nị nwan ẹnya, amamgbe iri-ụwa lẹ ịra-manya lẹ oku-elu e mẹ ụhụọhịn hụ kunrun ụnụ idẹnmizi nọkẹ ọnyan.

Ndị Ẹfẹsọsụ 5:28

Ẹrịrazịkwọ, di furu n'o nwọn ihiẹn-ọsụsụọ nwunyẹ ẹ k'o dọn nwọn ihiẹn-ọsụsụọ ẹhụ a. Onyẹ nwọn ihiẹn-ọsụsụọ nwunyẹ ẹ nwọn ihiẹn-ọsụsụọ enwẹn ẹ,