Azaya 28:2 - Ika

² Lee ẹ, Di-nwọnni-ẹnyi zila dikẹn hụn ze ọda-ọda, dikẹn hụn k'a maye obodo hụ — nọkẹ ẹkwan-igwere lẹ eje-ufere e tikpọ ihiẹn, lekẹ okẹn-mirin rị e zueni, e hu ikẹn-ikẹn; o zila dikẹn hụn k'e gi ikẹn ma obodo hụ ye alị.

Azaya 28:2 ပူးပေါင်းရင်းမြစ်များ

Jobu 22:16

Wẹ gi ufiri ẹ wepụ wẹ ebe ogẹn wẹ kelẹni ru, ide-mirin nọ huru iyetọ wẹ.

Azaya 25:4

Ịyụ wụ ebe ndị igbẹnnyẹ a gbaban, ebe onyẹ mkpa gi a gbaban ogẹn nsọngbu ẹ, y'e kpumẹ ịhịan ebe okẹn ẹbi rị a kpọ, ị wụzị igungun ogẹn anwụn rị ma. Makẹni ihiẹn ndị ẹfọ-njọ rị e mẹ ịhịan nọ kẹ okẹn ẹbi rị a kpọ ẹhụ-ụlọ,

Azaya 27:1

O ru ụhụọhịn ahụn, Osolobuẹ k'e gi okẹn ọpịa a hụn a tụ egun ye Lẹvịatanị afụnfụn, Lẹvịatanị, eje-agwọ ahụn a gba okẹn-ọsọ, Lẹvịatanị ahụn a fịkọsọnmẹni; Osolobuẹ k'e gbu eje-anụ ohimin hụ.

Azaya 29:6

Osolobuẹ ihiẹn ile rị okpuru ẹ k'e mẹ wẹ ihiẹn, zihẹni wẹ akpara, alị-ọmahihie lẹ okẹn ụzụn, zihẹni wẹ eje-ufere lẹ ẹbi lẹ ọkụn rị a dụnnị.

Azaya 30:28

Umẹrẹn ẹ nọ kẹ okẹn mirin rị e huni, hụn e ru ịhịan olu. O mẹhunmẹ alị ichẹn-ichẹn ebe ọ nọ a yọ wẹ, a ghọsị n'o nwọnni ihiẹn wẹ wụ; ọ kwa ndị alị ichẹn-ichẹn ngan kẹ anụ, e gi ẹ e duhuhu wẹ.

Azaya 30:30

Osolobuẹ jẹnkọ d'e mẹ ịhịan nụ okẹn olu ẹ, mẹ wẹ hụn ẹka a k'ọ gha elu lala d'e mẹ wẹ ihiẹn — eje-ọnụma lẹ ọkụn rị a dụnnị lẹ ẹbi lẹ akpara lẹ ẹkwan-igwere k'o k'e gi bịa.

Azaya 32:19

Ọsụọn'a nị ẹkwan-igwere lẹ ẹbi k'e nutu ẹgboko, ọsụọn'a nị wẹ k'e tikpọ obodo ukuni ile —

Azaya 40:10

Lee n'ẹ, Di-nwọnni-ẹnyi wụ Osolobuẹ gi ikẹn ẹ lala, ọ kpala ikẹn. Lee n'ẹ, o gi ihiẹn ọ rụnpụha lala, ihiẹn ọ rụn sọnla a.

Azaya 8:6

“Ebe omẹni ndịnị a jụgụọ m — mmẹ hụn wụ mirin Shilụa hụn e hu ẹkẹrẹ-ẹkẹrẹ, chanma nị Rẹzini ẹnya ya lẹ nwa Rẹmalịa,

Izikẹlụ 13:11

Gwa nwan ndị ahụn rị e te ẹ ihiẹn-ọchan n'o k'a dan. Okẹn mirin k'e zue, huru! Ẹkwan-igwere k'a danzịkwọ; okẹn ẹbi jẹnkọ d'e nutu ẹhụ-ụlọ hụ.

Izikẹlụ 38:9

O ru ogẹn ahụn, i jẹnkọ d'a bịa lekẹ okẹn ufere, rutọ kẹ orukpu d'e kpumẹ alị Izrẹlụ, yụ lẹ ndị agha ị ile lẹ ndị alị ọzọ bu ọda yụ lẹ wẹ wị.

Daniẹlụ 9:26

‘Ẹsa ụzọ ẹbụọ-kwasị-ọgụn-ẹtọ hụ’ ghafegụ, e gbu wẹ Onyẹ hụ Osolobuẹ tumẹ bụ onwọnni ihiẹn ọ latọ. Ndị-agha hụn wẹ lẹ onyẹ ọkịkị ohu k'a wị bịa k'e tikpọ obodo nsọ lẹ Ụlọ-nsọ hụ. Isi njẹndemẹ k'a bịa idẹnmizi kẹ okẹn mirin rị e huni: Agha k'a lụsọnmẹ d'e ru njẹndemẹ, Osolobuẹ e kugụọ a nị okẹn ntikpọ jẹnkọ d'a rị.

Nahum 1:8

O gi okẹn mirin rị e huni e bupụchanrịn ndị-iṅẹnrẹn ẹ; ọ chụ ndị-iṅẹnrẹn ẹ ye imẹ ishi.

Joshụa 10:11

Hụn ahụn wẹ gbakọnị ndị Izrẹlụ, e ru wẹ ụzọ gha Bẹt-Họrọnụ shikọ Azẹka, Osolobuẹ nọ gha elu-igwere mama wẹ ẹregede ẹkwan-igwere, masọnmẹ wẹ ya d'e ru Azẹka. Ndị ẹkwan-igwere hụ gbu ka ọda karị ndị hụn ndị Izrẹlụ gi ọpịa-agha gbu.

Rẹvẹleshọnụ 18:8

Afụnfụn ile furun'ẹ k'e gi akpọhịn ohu bịachanrịn — kẹ ọnwụn, kẹ ihiẹn-ẹkwan, kẹ ụnwụn. Wẹ k'a kpọ a ọkụn. Ẹghẹẹ, makẹni Chuku-nwọnni-ẹnyi hụn rị e ye afụnfụn wụ dikẹn.”

Rẹvẹleshọnụ 8:7

Mmọn-ozi nke ibuzọ e gbu opi ẹ, wẹ nọ ma ẹkwan-igwere lẹ ọkụn wẹ gwọgbama ya lẹ ẹdeke ye imẹ ụwa, ọ nọ dụnpụ ụzọ ohu, latọ ụzọ ẹbụọ; imẹ osisi ile, ọ dụnpụzị ụzọ ohu, ọ họdụ ụzọ ẹbụọ; ọ dụnpụchanrịn irurue ile rị e sue alị.