Azaya 27:8 - Ika

⁸ Y'e gigụọ agha lẹ ọchụpụ ị chụpụ a ye ẹ afụnfụn; y'a fụgụọ wẹ okẹn ufere i fụpụ wẹ, kẹ ufere ẹbamịn ọwụwa-ẹnyanwụn e mẹ.

Azaya 27:8 ပူးပေါင်းရင်းမြစ်များ

Jobu 23:6

Nị Chuku gi ikẹn ẹ hi-ogbe sọn m? Mba, o k'e gọn m ntịn.

Ẹbụ-ọma 103:14

Makẹni ọ marịnghọ nị ẹnyi ezeni; ọ nyanhanghọ nị ẹnyi wụhụ ẹjan.

Ẹbụ-ọma 103:9

O kpebe, ọ gbagharị; ara we iwe jẹnrin ejẹn.

Ẹbụ-ọma 38:1

Euu Osolobuẹ, egizilẹ olulu i jụgbọ m; egizilẹ ọnụma ị ye m afụnfụn,

Ẹbụ-ọma 6:1

Euu Osolobuẹ, egikwọlẹ olulu i jụgbọ m mọbụ gi ọnụma ị fịan m mkpịnsịn!

Ẹbụ-ọma 76:10

Ịhịan bugụ olulu ẹ, y'e gi olulu ẹ nwọnrin ọjịja-mma — ndị iwe họdụnị e mẹ jụụ!

Ẹbụ-ọma 78:38

Kanị, makẹni ọ wụ onyẹ-omikẹn, ọ gbagharịsọnmẹ wẹ njọ; o tikpọchanrịnnị ebọn wẹ; ọ tọ e kwọndọn enwẹn ẹ, o gichanrịnnị olulu rị a obi sọn wẹ.

Azaya 1:5

Kị wẹ k'e gbumẹzini ụnụ ili? Kị ụnụ tọnị e nupụ isi? A rụgụọ wẹ ụnụ ẹhụ isi ile, onwọnzini akpụ obi ohu ndụn rị.

Azaya 10:12

Kanị Osolobuẹ sị, “M mẹgụ nwan Ugu-Zayọnụ lẹ Jerusalẹm ihiẹn m k'e mẹ wẹ, mmẹ wụ Osolobuẹ k'e ye eze Asiria afụnfụn mpache hụ rị imẹ ẹ lẹ nhọnrọn hụ ọ rị a họnrọn.

Azaya 50:1

Osolobuẹ sị ndị Izrẹlụ, “Elee ẹkụkwọ-mkpechan kẹ m ye nnẹ ụnụ wụ alị Izrẹlụ, omẹni mkpechan kẹ m kpechan a? Onyẹ kẹ m re ụnụ ye gi kụ ụgwọ — omẹni orire kẹ m re ụnụ? Njọ ụnụ haịn wẹ gi re ụnụ; eje-obibi ụnụ haịn wẹ gi chụpụ nnẹ ụnụ.

Azaya 54:7

M jụ ị hụ ẹkẹrẹ ogẹn, kanị m jẹnkọ d'e gi okẹn omikẹn wekinhẹn i.

Azaya 57:16

Esọnkọ m ịhịan kpe jẹnrin ejẹn, atọkọ m olulu e bu, makẹni o ru ndụn m a gụchanrịn ịhịan — umẹ-ndụn ịhịan hụn m ke.

Azaya 64:5

Y'a nọkunmẹ ndị e gi obi ụsụọ e mẹ ihiẹn furuni, ndị a nyanhan ihiẹn i ku e gi ẹ e bi. Kanị, ogẹn ẹnyi gi tọ a pa oku i iwe nọ we i. Nanị ẹnyi e dọn nwan wanahịn?

Jerimaya 10:24

Jụgbọ m nwan, Osolobuẹ, ka gi ẹka alụlụa mẹ ẹ; dodo egilẹ olulu mẹ ẹ, amamgbe nke m a gụ.

Jerimaya 30:11

M k'a nọyen'i, zụọpụha ị. Ọsụọn'a m tikpọchanrịn alị ndị ahụn ile m fe i ye, e tikpọchanrịnkọ m'ị. M k'e ye i afụnfụn nkesi, kanị hụn furuni; anịkọ m'ị lachanrịn ọfẹ. Ya kẹ Osolobuẹ ku.”

Jerimaya 4:11

O ru ogẹn ahụn, wẹ k'a sị ndịnị lẹ Jerusalẹm: “Ufere rị a nụ ọkụn k'a ghasọnmẹ ebe jẹn elu imẹ atụ fehẹ ebe ndị nke m rị, kanị ẹlẹkwọ hụn k'a fụchannị wẹ ọka mọbụ mẹ wẹ nwunchan,

Jerimaya 4:27

Osolobuẹ sị, “Alịnị ile jẹnkọ d'a gba okpokoro, kanị etikpọchanrịnkọ m'a.

Jerimaya 46:28

“Mmẹ wụ Osolobuẹ rị a sị yụ wụ odibo m Jekọpụ atụlẹ egun. Ọsụọn'a m tikpọchanrịn ndị alị ichẹn-ichẹn m feyịya ụnụ ye, etikpọchanrịnkọ m ụnụ. M k'e ye i hụ afụnfụn nị ụnụ marịn ihiẹn, kanị afụnfụn furuni sụọ; agbachanrịnkọ m ụnụ nkịtịn.”

Ẹkwan 3:31

Makẹni Osolobuẹ ara jụ ịhịan, jụ a jẹnrin ejẹn.

Ẹkwan 3:32

Ọsụọn'a n'o wẹhẹ ihiẹn-ẹkwan, o sikọ d'e mẹzi omikẹn — makẹni ihiẹn-ọsụsụọ a e hikẹ ogbe.

Izikẹlụ 19:12

Kanị, m nọ gi ọnụma huepụ a, tụ a ye alị. Ufere ọwụwa-ẹnyanwụn nọ sekpọ a, butuchanrịn mkpụrụ ọ mị. Ọkụn nọ ripụ agala a, agala a ndị nwẹn wụ ikẹn ẹ.

Hosia 13:15

Ọsụọn'a n'ọ masịgụọnị Izrẹlụ karị umunẹ ẹ, ufere ẹbamịn ọwụwa ẹnyanwụn lala alala, ufere Osolobuẹ k'e zihẹ, o k'a gha alị-ọkpọnkụn fehẹ, isi-mirin ẹ ile a tahị, mirin ẹ ile a la; o k'a zarị ihiẹn ile o butọ, ihiẹn ile rị mkpa.

Hosia 4:1

Gọn ni ntịn, ndị Izrẹlụ, gọn ni ntịn oku Osolobuẹ; nị Osolobuẹ rị e du ndị alịnị e kpe: ọ sị: ezioku arịzị alịnị onwọnzini onyẹ w'e gi dọn ẹnya; w'a ra gizi nke Osolobuẹ dọn alịnị.

Ndị Kọrẹntị Ibuzọ 10:13

Onwọnni ọnwụnwan ka ịhịan hụn bịatuni ụnụ. Osolobuẹ furu wẹ e gi dọn ẹnya, ọ nịkọ hụn ka ụnụ ẹka kunrun ụnụ. Kama, n'ọ nọghọdẹ ọnwụnwan ile k'e kunrun ụnụ ghọsị ụnụ kẹ ụnụ a dọn dingbu ẹ.

Pita Ibuzọ 1:6

Ọ hụ nwan a sụọ ụnụ, ọsụọn'a nị ụnụ rị nwan a hụnjun ẹnya yeni nlele ichẹn-ichẹn jẹnkọlẹni d'e bie hụn wẹ rị e lele ụnụ makẹni ọ rịka mkpa nị wẹ lele ụnụ;