Azaya 27:7 - Ika

⁷ Osolobuẹ e tighọdẹ nwan Izrẹlụ ihiẹn k'o dọn ti ndị hụn ti Izrẹlụ ihiẹn ra? Ra o gbughọ a ozun k'o dọn gbu ndị hụn gbun'ẹ?

Azaya 27:7 ပူးပေါင်းရင်းမြစ်များ

Azaya 10:12

Kanị Osolobuẹ sị, “M mẹgụ nwan Ugu-Zayọnụ lẹ Jerusalẹm ihiẹn m k'e mẹ wẹ, mmẹ wụ Osolobuẹ k'e ye eze Asiria afụnfụn mpache hụ rị imẹ ẹ lẹ nhọnrọn hụ ọ rị a họnrọn.

Azaya 10:17

Ukpẹ Izrẹlụ hụn wụ Osolobuẹ k'a wụrụ ọkụn; Onyẹ-nsọ wẹ hụn wụ Osolobuẹ k'a wụrụ ọkụn rị e nwunni; o k'e gi akpọhịn ohu dụnpụchanrịn kẹ ogun ẹ kẹ ọkịnkan a.

Azaya 17:14

Ẹnyasị, okẹn egun a tụma wẹ idẹnmizi; eki gini d'e fọn, arịkọzị w'a! Ịya e mẹ ndị a kwanarịn ẹnyi ihiẹn ẹnyi, ya wụ ihiẹn rịnị ndị e gbu ẹnyi e weri ihiẹn ẹnyi.

Azaya 17:3

Obodo uku wẹ tụnhunmẹ mgbọn arịkọzị Ifrem wụ Izrẹlụ Ẹbamịn-ugu; Damaskọsụ alị Aram enwọnkọzị eze. Ndị Aram k'a họdụnị k'a nọhụ kẹ ndị Izrẹlụ Ẹbamịn-ugu họdụnị ọghọ wẹ lagụ.” Ịya kẹ Osolobuẹ ihiẹn ile rị okpuru ẹ ku.

Azaya 30:31

Olu Osolobuẹ k'e tiwa Asiria; o k'e gi ọkpọ a kụtu wẹ.

Azaya 31:8

“Ogẹn hụ, ọpịa-agha k'e gbu ndị Asiria, kanị ẹlẹ ọpịa-agha ịhịan; ọpịa-agha Osolobuẹ k'e gbu wẹ, ẹlẹ nke ịhịan, a gbanị wẹ ọpịa-agha hụ ọsọ; wẹ k'a nwụndọn ikorọbịa wẹ, gi wẹ họnrin igbọn.

Azaya 31:9

Ọmụma Asiria k'e gi egun la, Ndị ọkị-agha a k'e gi egun gbapụ, hụn wẹ gihụ hụn ahịma-agha eṅẹnrẹn.” Ịya kẹ Osolobuẹ ku, Osolobuẹ hụn ọkụn a rị Zayọnụ; Onyẹ hụn ẹnya-ọkụn a rị Jerusalẹm.

Jerimaya 50:40

Okẹn ntikpọ hụn m tikpọ Sodọm lẹ Gomora lẹ alị ndị ahụn nọkunmẹni wẹ kẹ m k'e tikpọzịkwọ Babilọnụ. Onwọnni onyẹ k'e bi ebẹhụ; ịhịan a kwahakọzị ebẹhụ. Mmẹ wụ Osolobuẹ ku ẹ.

Jerimaya 51:24

“M jẹnkọ nwan d'a nọ idẹnya ụnụ mẹgwarị Babilọnụ lẹ ndị ile bi alị wẹ wụ Kal'di eje-ihiẹn ile wẹ mẹ imẹ Zayọnụ. Mmẹ wụ Osolobuẹ rị e ku.

Nahum 1:14

Osolobuẹ e kuọlẹ ihiẹn o sikọ d'e mẹ i, Ninivẹ: ọ sị, “Ndị k'a za ẹfan ị arịkọzị. M k'e gbuchanrịn ndị ile rị imẹ i; m k'e tikpọchanrịn mmọn ile rị ụlọ-mmọn ị, kẹ hụn wẹ kpụ kẹ hụn wẹ pịn. M k'e gun'i ili, makẹni ihiẹn-ẹti kẹ ị wụ!”

Nahum 3:19

Y'a rụgụọ eje ẹhụ nwọnlẹni ọgụn! Eje-ẹhụ e gbuni rọ! Onyẹ nụ ihiẹn mẹn'i, ọ ghọghọma, makẹni onwọnni onyẹ i ye la.