Azaya 27:4 - Ika

⁴ Iwe arịzị e we m. Kanị, omẹni o puni m ogun-lẹ-ọkịnkan, a lụsọn m'a agha, e bi m ọkụn ye ẹ.

Azaya 27:4 ပူးပေါင်းရင်းမြစ်များ

Samuẹlụ Nke Ẹbụọ 23:6

Kanị wẹ k'a tụ ndị ile e mẹ eje-ihiẹn ye ụsụọ rịkẹ ogun, hụn wẹ ghalẹni e gi ẹka e kpọnkikomẹ.

Samuẹlụ Nke Ẹbụọ 23:7

Onyẹ chọ n'o kpọn ogun sikọ d'e girịrị ihiẹn igwe mọbụ obo, ebe ogun rị kẹ wẹ nọ a dụn wẹ ọkụn.”

Ẹbụ-ọma 103:9

O kpebe, ọ gbagharị; ara we iwe jẹnrin ejẹn.

Ẹbụ-ọma 85:3

Ị nọ bubehini wẹ olulu, latọ okẹn ọnụma i te gi sọn wẹ.

Azaya 10:17

Ukpẹ Izrẹlụ hụn wụ Osolobuẹ k'a wụrụ ọkụn; Onyẹ-nsọ wẹ hụn wụ Osolobuẹ k'a wụrụ ọkụn rị e nwunni; o k'e gi akpọhịn ohu dụnpụchanrịn kẹ ogun ẹ kẹ ọkịnkan a.

Azaya 12:1

O ru ogẹn ahụn, ị k'a sị: “Euu Osolobuẹ, m k'a ja ị mma! Ezioku, i te rị e buni m olulu, kanị olulu i a rọgụọ nwan; y'a rọkọgụọ m obi.

Azaya 33:12

Ọkụn k'a dụn wẹ ile rị a lụsọn alị Izrẹlụ ọgụn, dụn wẹ dụnchanrịn, wẹ k'a dụn lekẹ ogun wẹ betọ.”

Azaya 9:18

Eziẹ, eje-obibi rị a dụn kẹ ọkụn; ọ dụnpụ ogun-lẹ-ọkịnkan; ọ mụdẹ ọkụn e ye ẹgboko kin ẹnya, hụn ẹnwụnrụn a gidẹ a lọshi elu.

Jerimaya 29:11

Makẹni, a marịnghọ m ihiẹn m bu obi banyeni ụnụ: ihiẹn rị mma rọ, ẹlẹ eje-ihiẹn, k'o dọn rịnị ụnụ mma ihun, kẹ ụnụ a dọn nwọn olilẹnya. Ya kẹ Osolobuẹ ku.

Izikẹlụ 16:63

M k'e mẹ ẹ, kẹni m gbarịgụ isi i imẹ eje-ihiẹn ile i mẹ, y'a nyanhan ihiẹn i mẹ, ifẹnrẹn e mẹ i, y'a shịapụkọzị ọnụ yeni ifẹnrẹn. Ya kẹ Osolobuẹ Nwọn Ihiẹn Ile ku.’ ”

Malakaị 4:3

Ụnụ a zọkpụkpọ ndị-njọ, makẹni wẹ k'a rị kẹ ntụn okpuru ụkụ ụnụ ụhụọhịn m k'e mẹ ihiẹn m k'e mẹ. Ya kẹ Osolobuẹ ihiẹn ile rị okpuru ẹ ku.

Matiu 3:12

Ihiẹn o gi a fụchan ọka rị a ẹka: o k'a fụchanchanrịn ọka ile rị ebe ọ nọ a kụkpọ ọka a, kpọnrin ọka a ile ye ebe o butọ ọka, kpọn ẹfịfịa ọka che imẹ ọkụn hụ ghalẹni e tinyụn.”

Hibru 6:8

Kanị, o pumẹ ogun-lẹ-ọkịnkan, ọ bannị erere ọwụlẹ, Osolobuẹ e d'a bụ a ọnụ; ọkụn kẹ wẹ k'a dụn a.

Pita Nke Ẹbụọ 2:9

wẹ ile ghọsị nị Di-nwọnni-ẹnyi ma gbapụha ndị e fen'ẹ imẹ ọnwụnwan, e bu ndị-njọ e che imẹ afụnfụn d'e ru Ụhụọhịn okinkin-ikpe,