Azaya 27:11 - Ika

¹¹ Osisi ndị ahụn kpọpụ nkụn, kpagiri, ikpoho e gi wẹ fiye ọkụn. Makẹni ndịnị enwọn nghọta — ya haịn Onyẹ keni wẹ gilẹni e mẹni wẹ omikẹn, Onyẹ keni wẹ ara mẹni wẹ ọhụnma.

Azaya 27:11 ပူးပေါင်းရင်းမြစ်များ

Ẹbụ-ọma 106:40

Ya kẹ Osolobuẹ nọ gi olulu sọn ndị nke ẹ, ize ndị nke ẹ nọ zemẹ ẹ;

Azaya 1:3

Efin a marịnghọ onyẹ-nwọnn'ẹ; jaki nkẹ a marịnzịghọ ihiẹn di-nwọnn'ẹ gi e butọn'a ihiẹn-oriri, kanị Izrẹlụ amarịn, ndị nke m aghọtanị!”

Azaya 18:5

Makẹni, wẹ gini d'a ghọma ihiẹn-ugbo, hụn mkpụkpụma gi danpụgụ, obobo e họnringụọ ogbe-vaịnị, chanma, o k'e gi ẹbeke obechan bepụchanrịn vaịnị ndị suekọnị, bepụchanrịn agalaba-vaịnị ile rị a kụnị, kpọnzụka.

Azaya 43:1

Ka lee nwan ihiẹn Osolobuẹ ku — Osolobuẹ hụn ke ịyụ wụ Jekọpụ, Osolobuẹ hụn kpụ ịyụ wụ Izrẹlụ: “Atụlẹ egun, a gbarịgụọ m'ị; a kpọgụọ m'ị ẹfan, họrị ị; nke m kẹ ị wụ.

Azaya 43:7

ndị ile wẹ gi ẹfan m marịn, ndị ile hụn m ke nị m gi nwọnrin ọghọ, ndị ile m mẹmẹ.”

Azaya 44:2

Lee ihiẹn Osolobuẹ ku — Osolobuẹ hụn ken'i, hụn mẹmẹ i imẹ ẹfọ nnẹ i, hụn jẹnkọ d'e yen'i ẹka — ọ sị, “Odibo m Jekọpụ, atụlẹ egun. Jẹshurunu hụn m họrị, atụlẹ egun.

Azaya 44:24

Lee ihiẹn Osolobuẹ ku — ihiẹn Onyẹ hụn gbapụhan'ị ku, Onyẹ hụn mẹmẹ i imẹ ẹfọ-nnẹ i: ọ sị: “Mmẹ wụ Osolobuẹ hụn ke ihiẹn ile; mmẹ sụọ setịnpụ igwere; gi ẹka m gbama ụwa kẹ ẹkwa.

Azaya 5:13

Ufiri ẹ, wẹ k'a kpụn ndị nke m shi alị ọzọ makẹni ndị nke m enwọn nghọta; ẹgụn-ọnụ k'e gbu ndị-isi wẹ, ẹgụn-mirin e gbu ndị-mmaka.

Azaya 9:17

Ufiri ẹ, Osolobuẹ eleni ikorọbịa wẹ ẹnya ihun, o mẹdẹni omikẹn ụmụ-ẹka nwọnlẹni nẹdi lẹ nnẹ lẹ ikpoho di wẹ nwụn, makẹni ndịnị ile wụ ndị eje-omumẹ ghalẹni a tụ egun Osolobuẹ; ọnụ ile rị e ku eje-ihiẹn! Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Jerimaya 11:16

Mmẹ wụ Osolobuẹ te kpọ ị osisi-olivu duni, hụn mkpụrụ a a la ẹnya. Kanị okẹn ẹbi sikọ nwan d'a kpọ ị, bi ọkụn ye i, agalaba ị a dụnpụ ọkụn.

Jerimaya 13:14

M k'e se isi lẹ isi gbetarị, isi ndị nẹdi lẹ ụmụ wẹ, anịkọ m omikẹn mọbụ ebere wẹ mẹ m etikpọlẹ wẹ.’ ” Ya kẹ Osolobuẹ ku. Jerimaya sị,

Jerimaya 16:5

“Mmẹ wụ Osolobuẹ rị nwan a sị ị: Ejẹnkwọlẹ izu wẹ, ejẹnkwọlẹ d'a kwan wẹ mọbụ hụhụ onyẹ ihiẹn mẹ, makẹni arịzị m a chọ ọrịrịmma ndịnị, ihiẹn wẹ asụọzịnị m, omikẹn wẹ emẹkọzị m.

Jerimaya 25:37

Osolobuẹ k'e tikpọdẹ alị ile te mẹ jụụ — makẹ olulu Osolobuẹ hụn rị a dụn kẹ ọkụn.

Jerimaya 4:22

“Ndị nke m e zuzu ezuzu; amarịn wẹ m. Ụmụ nwọnlẹni uche kẹ wẹ wụ; enwọn wẹ nghọta. Eje-ihiẹn kẹ wẹ marịn ẹnya a; ama wẹ mẹ ihiẹn rị mma.”

Jerimaya 8:7

Nnụnụ wụ stọkụ a marịnghọ ogẹn wẹ gi e buli ahụa-ahụa; ayoro lẹ nnụnụ ndị ọzọ e jẹn mbịan a marịnghọ ogẹn wẹ gi e jẹn. Kanị ndị nke m amarịn Iwu mmẹ wụ Osolobuẹ.

Izikẹlụ 19:12

Kanị, m nọ gi ọnụma huepụ a, tụ a ye alị. Ufere ọwụwa-ẹnyanwụn nọ sekpọ a, butuchanrịn mkpụrụ ọ mị. Ọkụn nọ ripụ agala a, agala a ndị nwẹn wụ ikẹn ẹ.

Izikẹlụ 20:47

Sị ẹgboko rị Nẹgẹvụ, ‘Gọn ntịn ihiẹn Osolobuẹ ku! Osolobuẹ Nwọn Ihiẹn Ile sị, M'e d'e bi ọkụn ye i, o k'a dụnpụchanrịn osisi ile rị imẹ i, kẹ ndị rị ndụn kẹ ndị kpọ nkụn. Okẹn ọkụn ahụn anịkọ wẹ tinyụn. O k'a mara ihun ndị ile rị gha ẹbamịn ndịdan ebẹhụ d'e rukwọrị ẹbamịn-ugu.

Izikẹlụ 9:10

Mmẹ nwẹn emẹkọ nwan omikẹn wẹ; elekọ m wẹ ẹnya ihun. M k'e mẹ wẹ gi isi wẹ buru eje-ihiẹn wẹ mẹ.”

Hosia 4:14

Eyekọ m ụmụ ụnụ ikpoho afụnfụn nị wẹ rị a gba ịgbaraja; eyekọ m inyẹnmẹ ụmụ ụnụ afụnfụn nị wẹ zọ ụkụ ye ọfịa, makẹni ụnụ ndị ikẹnnyẹ hụ e bu ịgbaraja ụlọ-mmọn, e sọn ịgbaraja a ghọ ihiẹn ahụn wẹ rị a ghọ. “Ebọn nwọnlẹni uche iwi kẹ w'a la.

Hosia 4:6

Amarịn rị e gbu ndị nke m. Ebe ụnụ sị ụnụ amarịnkọ ihiẹn wẹ sị ụnụ marịn, mmẹ nwẹn a chụgụọzị ụnụ ndị nchụn-ẹjan m! Ebe ụnụ gbakitọ Iwu Chuku ụnụ azụụn, mmẹ nwẹn k'a gbakitọ ụmụ ụnụ azụụn!

Matiu 13:15

makẹni ndịnị ara ghọha, ntịn wẹ a kpọkingụọ, a nyụnmagụọ wẹ ẹnya, amamgbe w'e gi ẹnya wẹ legha ụzọ, gi ntịn wẹ nụ ihiẹn, gi obi wẹ ghọha, e rogharị wẹ d'e kunrun m, a zụọ m wẹ. Ya kẹ Osolobuẹ ku.’

Matiu 13:19

Onyẹ nụ ozi Alị-eze bụ ọ ghọhan'a, Eje-onyẹ hụ a bịa d'a jụnarịn a ihiẹn hụ wẹ kụnye ẹ obi. Ọhụn wụ mkpụrụ ndị hụn wẹ ghaye ọkpụzọ.

Matiu 3:10

Anyụn rị nwan ukun osisi, e che: osisi ọwụlẹ mịlẹni ezigbo mkpụrụ, e gbutu w'ẹ tụye ọkụn.

Jọnụ 15:6

Onyẹ nọdịlẹni imẹ m, e tuhu w'ẹ, nọkẹ ebe wẹ nọ bepụ agalaba, ọ kpọpụ nkụn; w'e kpọngbama agalaba ndị nọ ẹrịra, e kpọnye ọkụn, a dụnpụ.

Ndị Rom 1:28

Makẹni ekwerini wẹ mẹ nọkẹ sị a marịnghọ wẹ Osolobuẹ, Osolobuẹ nọ la wẹ tọnị uche wẹ ahụn la iwi kẹni wẹ mẹsọnmẹ ihiẹn furulẹni,

Ndị Rom 1:31

W'a ra saẹka ghọta, w'ara s'ẹka gi wẹ dọn ẹnya, ẹfọ a jọka wẹ, w'ara mẹ omikẹn.

Ditrọnọmi 4:6

Hụn n'a nị ụnụ e mẹ wẹ, makẹni ọhụn k'a ghọsị ndị alị ọzọ rị ichẹn-ichẹn nị ụnụ marịn ihiẹn, nwọn uche. Wẹ nụ iwu ndịnị wẹ, e yi wẹ, “Eziẹ ndị okẹn alịnị marịnkwọ ihiẹn-o; wẹ nwọnkwọ uche-o!”

Ndị Tẹsalonika Ibuzọ 2:16

e gbọndọn ẹnyi ezilẹ ndị alị ọzọ ozi wẹ k'e gi nwọn nzụọpụha! Ẹrịra kẹ w'e mẹ ogẹn ile hụn wẹ gi e mẹjun mkpu njọ wẹ ile. Kanị, iwe-lẹ-ọnụma Osolobuẹ e kunrungụọ wẹ nwan ikpanzụụnnị.

Jemisi 2:13

onyẹ ghalẹni e mẹ omikẹn, emẹkọnị w'a omikẹn wẹ gha e kin ẹ ikpe. Omikẹn e mẹri ikpe-ọmụma.