Azaya 27:10 - Ika

¹⁰ E mẹrigụọ wẹ obodo nwẹn wẹ te tụnhunmẹ mgbọn, mẹ ẹ gba okpokoro; o họnringụọ ebe wẹ gbatọ, ebe wẹ latọ nọkẹ atụ; mmụ-efin k'a rị ebẹhụ, a kpa nni, e dinẹsọnmẹ ebẹhụ, e ripụ ẹhụhụọ rịsọnmẹ agalaba osisi ebẹhụ.

Azaya 27:10 ပူးပေါင်းရင်းမြစ်များ

Azaya 17:2

Ịhịan arịkọzị obodo ndị rị imẹ Arụa; anụ sụọ k'a họdụ imẹ wẹ — anụ ndị ahụn k'e ri, makpuru, onwọnni onyẹ k'e rọn wẹ egun.

Azaya 17:9

Ogẹn ahụn, obodo uku wẹ wẹ gi dọn ẹnya sikọ d'e mẹ ọfịa-ọfịa lẹ ogun-ogun rịkẹ ndị hụn ndị Kenanị gbatọsọnmẹ kẹ wẹ gbakọnị ndị Izrẹlụ ogẹn mbụ. Wẹ ile k'a gba okpokoro.

Azaya 24:10

Obodo hụ wẹ tikpọ a gba okpokoro; a kpọkinchanrịngụọ wẹ ụlọ ile makẹ ịhịan gha a banye ẹ.

Azaya 25:2

Y'e mẹgụọ obodo họnrin mkpọkọ-mkpọkọ, mẹ obodo wẹ tụnhunmẹ mgbọn zeni wụrụ ihiẹn wẹ tikpọ la iwi; okẹn obodo nwẹn ndị alị ọzọ gi e dọn ẹnya arịzị a; atụndọnzikọ w'a.

Azaya 32:19

Ọsụọn'a nị ẹkwan-igwere lẹ ẹbi k'e nutu ẹgboko, ọsụọn'a nị wẹ k'e tikpọ obodo ukuni ile —

Azaya 35:1

Kẹ atụ kẹ alị ọkpọ-nkụn jẹnkọ d'a ghọghọ ogẹn hụ! Ẹghẹẹ, alị ọkpọ-nkụn jẹnkọ d'a ghọghọ, ihiẹn e pujun ẹ nọkẹ kẹ ẹfịfịa wụ krokusu dọn e pujun udu-mirin!

Azaya 49:21

Ogẹn ahụn, ị k'a sị enwẹn i, ‘Onyẹ mụnị m ụmụ ndịnị wẹ?! Wẹ te gbunarịn ụmụ m ile, m nọ gbarị ẹka; wẹ te kpụnshi m alị ọzọ, jụ m. Onyẹ zụn nwan ndịnị wẹ? Mmẹ sụọ te họdụ. Elebe kẹ ndịnị wẹ gha nwan bịa?’ ”

Azaya 64:10

Obodo i ile rị nsọ e họnringụọ nwan atụ. Zayọnụ wụdẹ nwan atụ; Jerusalẹm a gbagụọ okpokoro.

Azaya 7:21

Ogẹn ahụn, ịhịan k'a lịlịma n'o dọnmẹdẹ agbanaị-efin lẹ ewu ẹbụọ ndụn,

Azaya 7:25

O mẹ nke elu-òke ile wẹ te gidẹ omumọ a rụn ugbo, egun ogun-lẹ-ọkịnkan anịkọ ụnụ rudẹ wẹ; wẹ k'a wụrụ ebe efin nọ a kpahunmẹ lẹ ebe atụnrụn nọ a gbahunmẹ.

Jerimaya 25:37

Osolobuẹ k'e tikpọdẹ alị ile te mẹ jụụ — makẹ olulu Osolobuẹ hụn rị a dụn kẹ ọkụn.

Jerimaya 26:18

“Kẹ Hezikaya wụ eze alị Juda, Maịka onyẹ obodo Morẹshẹti e bughọ amụma. Ọ sị ndị Juda ile, ‘Osolobuẹ ihiẹn ile rị okpuru ẹ sị: “Obodo Zayọnụ jẹnkọ d'e họnrin ọfịa, a rụndẹ w'a ugbo; Jerusalẹm jẹnkọ d'a wụrụ ikpọn ọmụma lẹ osisi wẹ te gi tụn ụlọ, uguni ụlọ-nsọ rị jẹnkọ d'e họnrin ọfịa ọfịa kin ẹnya.” ’

Jerimaya 26:6

m jẹnkọ d'e mẹ ụlọ-nsọnị ihiẹn m mẹ obodo Shilo, mẹ obodoni wụrụ ihiẹn ndị alị ile rị elu-ụwa gi a bụ ọnụ.’ ”

Jerimaya 52:27

Eze Babilọnụ nọ gbu wẹ ebẹhụ, imẹ Ribla rị alị Hamatị. Ẹrịra kẹ wẹ dọn wepụ ndị azụụn Juda alị wẹ, kpụn wẹ shi alị ọzọ.

Ẹkwan 1:4

Ụzọ ile wẹ gha e jẹn Zayọnụ rịdẹ a kwan, makẹni onwọnni onyẹ a ghazị wẹ a bịa mmẹmmẹ nsọ. Ọnụ-mgbọn ẹ ile a gba okpokoro, ndị nchụn-ẹjan rịn'a hụ a sụn udẹn, ịgbagba rịn'a hụ a kwan, okẹn ụya kẹ Zayọnụ rị e ri.

Ẹkwan 5:18

a kwan nị Ugu-Zayọnụ gbagụ nwan okpokoro, hụn nkitẹ-ọfịa wụ jakalụ rị nwan imẹ ẹ a kpahunmẹ.

Izikẹlụ 36:4

ugu ndị rị Izrẹlụ, gọn ni nwan ntịn ihiẹn Osolobuẹ Nwọn Ihiẹn Ile ku: Ọ rị a gwa ugu lẹ òke lẹ mgbugbu lẹ ọdanmgbugbu Izrẹlụ oku, ọ rị a gwazị obodo ndị gba nwan okpokoro imẹ ẹ lẹ ndị hụn ịhịan gba tọ. Alị ndị ọzọ fihunmẹ Izrẹlụ rị nwan e mẹ k'ọ sụọ wẹ, a mụ wẹ ẹmụ:

Maịka 3:12

Ufiri ẹ, obodo Zayọnụ jẹnkọ d'a nọ kẹ ọfịa wẹ sụn dụkpọ, Jerusalẹm jẹnkọ d'e mẹ mkpọkọ-mkpọkọ; uguni ụlọ-nsọ rị elu ẹ jẹnkọ d'e họnrin ẹgboko rị elu ugu.