Azaya 27:1 - Ika

¹ O ru ụhụọhịn ahụn, Osolobuẹ k'e gi okẹn ọpịa a hụn a tụ egun ye Lẹvịatanị afụnfụn, Lẹvịatanị, eje-agwọ ahụn a gba okẹn-ọsọ, Lẹvịatanị ahụn a fịkọsọnmẹni; Osolobuẹ k'e gbu eje-anụ ohimin hụ.

Azaya 27:1 ပူးပေါင်းရင်းမြစ်များ

Jobu 26:13

Uzun ẹ kẹ igwere gi fọn; ẹka a zupu agwọ akan ahụn wụ Lẹvịatanị.

Jobu 3:8

Ndị a bụ ụhụọhịn ọnụ wẹ d'a bụ ụhụọhịn ahụn ọnụ, ndị a gwọkarị ibe wẹ ọgụn: ndị ma kpọntiẹn Lẹvịatanị — ẹregede agwọ akan hụ bi imẹ ohimin.

Jobu 40:19

Ya kẹ wẹ e buzọ a kpọ imẹ ihiẹn ndị Chuku ke. Onyẹ hụn sị nị ịya ke ẹ ya gi ọpịa nọkunm'ẹ.

Jobu 41:1

“N'ị s'ẹka gi ukpo nwụn eje-anụ mirin wụ Lẹvịatanị dọkpụnpụha? N'ị s'ẹka gi eriri kẹn ẹ ire?

Ẹbụ-ọma 104:26

Ebẹhụ kẹ ụgbọ-mirin uku a gba; ebẹhụ kẹ i ketọ Lẹvịatanị, anụ ahụn hi ogbe, n'ọ nọdị, e gu egu.

Ẹbụ-ọma 45:3

Kẹnmẹ ọpịa-agha ị ye ukun, odogun-agha hụn ikpẹn lẹ ọghọ jun ẹhụ!

Azaya 26:21

Lee n'ẹ, Osolobuẹ gha ebe-obibi ẹ pụla d'e ye ndị rị elu-ụwa afụnfụn njọ wẹ. Alị jẹnkọ d'a ghọsị ẹdeke ndị wẹ gbu elu ẹ — o kpumẹkọzị ndị wẹ gbu elu ẹ.

Azaya 51:9

Tẹnhin! Tẹnhin!! Ẹka Osolobuẹ gi a kpa ikẹn, tẹnhin! Jeri ikẹn i nọkẹ ẹkwa; tẹnhin kẹ y'e tẹnhin mbụ, kẹ y'e tẹnhin ogẹn ndị mbụ! Ẹlẹ ịyụ jakịka eje-anụ wụ Rehabụ? Ẹlẹ ịyụ zupu eje-anụ ohimin hụ ẹfọ?

Azaya 65:12

Okeri m k'e ye ụnụ wụnị wẹ k'e gi ọpịa gbu ụnụ, ụnụ ile k'e welụa isi, a mabepụ wẹ ụnụ olu — makẹni kẹ m kpọ ụnụ, ụnụ azanị; a gwa m ụnụ oku, ụnụ egini dọn. Ụnụ nọ mẹ ihiẹn rịlẹni mma ẹnya m, ụnụ a hanrịn ihiẹn ghalẹni a sụọ m.”

Azaya 65:25

Eje-anụ wụ wofu lẹ atụnrụn k'a kpagbama nni; ẹwọrọ k'a gha e ri ẹfịfịa nọkẹ efin; agwọ nkẹ k'a gha e ri ẹjan; arụkọ wẹ onyẹ ọwụlẹ ẹhụ mọbụ wiwi ihiẹn ebe ọwụlẹ elu Ugu nsọ m.” Ya kẹ Osolobuẹ ku.

Azaya 66:16

Makẹni Osolobuẹ sikọ d'e gi ọkụn lẹ ọpịa-agha a ye ụwa ile afụnfụn; Osolobuẹ k'e gbu ndị bu ọda.

Jerimaya 47:6

“ ‘Euu ọpịa-agha Osolobuẹ! ele mgbe y'e gbubehi? Kin azụụn imẹ ọbụọ ị; gbubehi, zu ikẹn!’

Jerimaya 51:13

Ịyụ wụ Babilọnụ, hụn rị ebe iyi bu ọda rị; hụn nwọn akụ-lẹ-ụba ọda-ọda, ogẹn i a gụgụọ; ogẹn w'e gi tikpọ ị e rugụọ.

Jerimaya 51:34

“Ndị Jerusalẹm sị, ‘Eze Babilọnụ e bugụọ ẹnyi ri; o bugụọ isusu tọnị ẹnyi, bu ẹnyi tọ nọkẹ okpokoro mkpu; o luepụgụọ ẹnyi lekẹ eje-anụ ohimin, o rigụọ ihiẹn ile wẹ a chọ rị ẹnyi ẹhụ rijun ẹfọ; ọ jụpụgụọ ẹnyi.’

Izikẹlụ 29:3

Sị: Osolobuẹ Nwọn Ihiẹn Ile sị: ‘Mmẹ lẹ yụ rọ, Fẹro eze Ijiptu, ẹregede eje-anụ hụn dinẹ ebẹhụ Iyi Naịlị rị, hụn sị, “Iyi Naịlị wụ nke m; ẹka m mẹni m'ẹ.”

Emọsụ 9:3

Ọsụọn'a elu Ugu Kamẹlụ, m k'a chọ wẹ ru ebẹhụ kpụnrụn wẹ; wẹ hụarị akpakalị ohimin amamgbe m'a hụn we, m k'a sị agwọ ta wẹ.

Rẹvẹleshọnụ 12:3

Ihiẹn ọzọ pụ ichẹn nọzị pụha imẹ elu-igwee: eje-anụ hi-ogbe wụ dragọnụ; o nwun ufie-ufie. Isi ẹsa lẹ mpịn iri k'o nwọn. Okpu-eze ohu-ohu rịsọnmẹ ẹ isi ẹsa hụ.

Rẹvẹleshọnụ 13:11

Ya m nọ hụn eje-anụ ọzọ k'ọ gha imẹ alị pụla. Mpịn ẹbụọ k'o nwọn rịkẹ nwa-ebulu kanị o ku kẹ eje-anụ uku wụ Dragọnụ.

Rẹvẹleshọnụ 13:4

Wẹ ile nọ femẹ Dragọnụ hụ makẹni ịya ye eje-anụ hụ ikẹn. Wẹ hụzị e fe eje-anụ hụ, a sị, “Onyẹ nọ kẹ eje-anụ hụ?! Onyẹ k'a saẹka lụsọn ẹ ọgụn?!”

Rẹvẹleshọnụ 16:13

M nọ hụn eje-mmọn ẹtọ rịsọnmẹ kẹ ẹwọ kẹ wẹ ghasọnmẹ ọnụ Dragọnụ lẹ ọnụ eje-anụ hụ lẹ ọnụ onyẹ amụma-ntụ hụ pụla.

Rẹvẹleshọnụ 17:1

Mmọn-ozi ohu imẹ wẹ ẹsa hụ gi afẹrẹ nọ bịa d'e kunrun m, sị m, “Bịa, nị m ghọsị ị afụnfụn wẹ sikọ d'e ye okẹn ịgbaraja hụ nọdị alị elu iyi bu ọda,

Rẹvẹleshọnụ 17:15

Mmọn-ozi hụ nọzị sị m, “Mirin ndị ahụn ị hụn ịgbaraja ahụn nọdị alị elu wẹ wụ ndị rị ichẹn-ichẹn, igunrun ichẹn-ichẹn, alị ichẹn-ichẹn lẹ asụsụ ichẹn-ichẹn.

Rẹvẹleshọnụ 19:21

gi ọpịa-agha rị ọnụ onyẹ ahụn rị e nyin ẹshin ọchan gbupụ ndị họdụnị. Ya nnụnụ ile nọ gi anụ wẹ rikarị ẹfọ.

Rẹvẹleshọnụ 2:16

“Bihutọ nị nwan ẹka. Ụnụ jụ, m k'a bịa ozigbo, gi ọpịa-agha rị m ọnụ lụsọn ndị ahụn agha.

Rẹvẹleshọnụ 20:2

Ọ nọ nwụndọn dragọnụ hụ, agwọ mbụ-mbụ hụ wụ Ekwensụ, hụn wụzịkwọ Setanị, kẹn ẹ ẹgbụn jẹnkọ d'a nọru ahụa nnụ-uku;