Azaya 26:8 - Ika

⁸ Ẹghẹẹ, Osolobuẹ, eṅẹn i kẹ ẹnyi marịn; ẹnyi rị e che i; ẹfan ị lẹ ọghọ ị kẹ ẹnyi chọkọ.

Azaya 26:8 ပူးပေါင်းရင်းမြစ်များ

Samuẹlụ Nke Ẹbụọ 23:5

Ẹgbata Chuku lẹ ikpụlọ m arịgụọnị mma? O kwegụọnị m nkwa itẹbitẹ, hụn o dọnkwamagụ; hụn ihiẹn ọwụlẹ jẹnkọlẹni d'e mẹ? Ọ zụọpụhachanrịnkọ m, mẹzuchanrịnnị m ihiẹn rị a gụnnị m?

Ẹbụ-ọma 106:3

Ngọzi wụ nke ndị ghalẹni e mẹgbu ịhịan, ndị e mẹsọnmẹ ihiẹn furuni.

Ẹbụ-ọma 130:5

M rị e che Osolobuẹ e gi obi m ile e che; m rị e gi ihiẹn o ku e dọn ẹnya.

Ẹbụ-ọma 18:23

M hụ e bi obibi nwọnlẹni nkọrịanị ẹnya a, e dọnmẹ enwẹn m amamgbe m'e mẹ njọ.

Ẹbụ-ọma 42:2

Ẹgụn Chuku rị a gụn m kẹ mirin, ẹgụn Chuku hụn rị ndụn rị a gụn m! Elee mgbe m'e gi jẹn ihun ẹ d'e fe ẹ?

Ẹbụ-ọma 65:6

Ịyụ gi ikẹn i hi ogbe e dọnmẹ ugu ile ọnọdị wẹ; y'e nwọnkẹ ikẹn!

Ẹbụ-ọma 73:25

Onyẹ kẹ m nwọnzi nwan elu-igwee wezụka ị? Onwọnzikwọnị ihiẹn a sụọ m elu-ụwa wezụka ịyụ!

Ẹbụ-ọma 84:2

Ọ hụ a da m, a da m ọda-ọda, nị m banye ezi-ọgwa Osolobuẹ! Kẹ obi m kẹ ẹhụ m rị a bụnị Chuku rị ndụn ẹbụ ịghọghọ!

Ọpụpụ 3:15

Chuku nọzị sị a, “Gwa ndị Izrẹlụ, ‘Osolobuẹ hụn wụ Chuku ndị nẹdi ụnụ, Chuku Ebraham, Chuku Aziki, Chuku Jekọpụ zihẹ m d'e kunrun ụnụ.’ Ọnwan wụ ẹfan m jẹnrin ejẹn, ẹfan agbọ ile jẹnkọ d'e gi a nyanhan m.

Ẹbụ Solomọnụ 5:8

Ịgbagba Jerusalẹm, m rị a gwa ọnụ, a gwashi ụnụ ikẹn — ụnụ hụn Nke-m, kị ụnụ sikọ d'a gwa a? Gwa n'a nị ihiẹn-ọsụsụọ e d'a gụngbu m.

Azaya 12:4

O ru ogẹn ahụn, ụnụ k'a sị: “Kpanmịn nị Osolobuẹ, kpọku ni ẹfan a; mẹ ni alị ichẹn-ichẹn marịn ihiẹn o mẹ, ụnụ e ku kẹ ẹfan a nwọnhan ọghọ.

Azaya 24:15

Ndị rị ẹbamịn ọwụwa-ẹnyanwụn yemẹ ni nwan Osolobuẹ ọghọ; ja nị ẹfan Osolobuẹ wụ Chuku Izrẹlụ mma imẹ alị ndị hụ tegbu enwẹn ẹ rị mkpẹnrẹn ohimin.

Azaya 25:1

Euu Osolobuẹ, ịyụ wụ Chuku m; m k'e ye i ọghọ, ja ẹfan ị mma, makẹni y'e mẹgụọ kẹ onyẹ wẹ gi e dọn ẹnya, mẹ okẹn-ihiẹn ichẹn-ichẹn a tụ ẹnya, ihiẹn ndị hụn ị rotọ mbụ-mbụ.

Azaya 25:9

Ogẹn ahụn, wẹ k'a gha a sị, “Ezioku-ezioku, ọnwan wụ Chuku ẹnyi; ịya kẹ ẹnyi gi dọn ẹnya, ọ nọ zụọpụha ẹnyi. Ọnwan wụ Osolobuẹ, ẹnyi gi ẹ dọn ẹnya; nị ẹnyi gi ọzụọpụha ọ zụọpụha ẹnyi ghọghọ, e nwọn anwịnrịn.”

Azaya 26:13

Euu Osolobuẹ wụ Chuku ẹnyi, ndị ọzọ a kịzịghọ ẹnyi, kanị ẹfan ịyụ sụọ kẹ ẹnyi e ye ọghọ.

Azaya 30:18

Ya haịn Osolobuẹ gi rị e che n'o mẹni ụnụ ọhụnma; o lihigụọ n'o mẹni ụnụ omikẹn. Osolobuẹ wụ Chuku e mẹ ihiẹn furuni. O k'a rịnị ndị ile e gi ẹ e dọn ẹnya mma.

Azaya 33:2

Osolobuẹ dodo, mẹ ni ẹnyi omikẹn — nị ịyụ kẹ ẹnyi rị e lee ẹnya. Wụrụ ikẹn ẹnyi ụtụntụn ọwụlẹ; wụrụ nị ẹnyi onyẹ nzụọpụha ogẹn nsọngbu.

Azaya 49:23

Ndị-nze k'a mụrụn ị kẹ nwa; inyẹnmẹ ndị-nze e mẹn'i kẹ nnẹ. Wẹ k'a kụn'ị isi alị, wẹ k'a rachan uzunzun rị ị ụkụ. Ogẹn hụ kẹ y'e gi marịn nị mmẹ wụ Osolobuẹ; nị ifẹnrẹn emẹkọ ndị gi m dọn ẹnya.”

Azaya 51:4

Ndị nke m, gọn ni m ntịn; ndị alị m, gọn ni m ntịn. M k'e mẹ Iwu m ghagbarị, ezigbo-eṅẹn m jẹnkọ d'a wụrụnị alị ile ukpẹ.

Azaya 56:1

Osolobuẹ sị, “A kwadọn ni ezioku, e mẹ ni ihiẹn furuni, makẹni m'e d'a bịa d'a zụọpụha ụnụ, m'e d'a bịa d'a tụnị ụnụ ụya pụha ifọn.

Maịka 4:5

Ndị alị ọzọ ile nwọn ikẹn gi ẹfan mmọn wẹ e bi, ẹnyi nwẹn k'e gi ẹfan Osolobuẹ wụ Chuku ẹnyi bi jẹnrin ejẹn.

Maịka 7:7

Kanị, mmẹ nwẹn, Osolobuẹ kẹ m'e lee; m k'e cheri Chuku hụn a zụọpụhanị m; Chuku m jẹnkọ d'a za m.

Malakaị 4:4

“Nyanhankwọ nị Iwu odibo m wụ Mozizi, iwu lẹ ọdịnalị ile m ye ẹ elu Ugu Saịnaị wụ Horẹbụ n'o tumẹni Izrẹlụ ile.

Ọgụngụn 36:13

Ọhụn wụ iwu lẹ ọdịnalị Osolobuẹ yesọnmẹ Mozizi ye ndị Izrẹlụ kẹ wẹ ziẹntọ alị-aradan Mụabụ, mkpẹnrẹn Iyi Jọdanị, ihun Jẹriko.

Luku 1:6

Wẹ ẹbụbụọ wụ ndị ezi-omumẹ ẹnya Osolobuẹ; w'e dọnmẹchanrịn iwu lẹ ọdịnalị Di-nwọnni-ẹnyi, onwọnni hụn w'e gi kọrịanị wẹ —

Ọrụn Ndị-ozi 1:4

Ụhụọhịn ohu, ebe ya lẹ wẹ rị e ri ihiẹn-oriri, ọ nọ sị wẹ, “Aghakwọlẹ ni Jerusalẹm pụ; ka cheri ni onyẹ ahụn Nẹdi m kwe nkwa n'o k'e zihẹ, hụn m gwa ụnụ oku ẹ.

Ndị Rom 8:25

Kanị, omẹni ẹnyi e ke hụn ihiẹn ẹnyi rị e lee ẹnya a, ẹnyi e din ndidin cheri ẹ.

Ndị Tẹsalonika Nke Ẹbụọ 3:5

Di-nwọnni-ẹnyi ya dodo du obi ụnụ ile ye ihiẹn-ọsụsụọ Osolobuẹ lẹ okẹn-ndidin Kraịstị.