Azaya 26:4 - Ika

⁴ Gi ni Osolobuẹ dọn ẹnya jẹnrin ejẹn, makẹni o mẹ nke Osolobuẹ, Osolobuẹ wụ Ọmụma Itẹbitẹ.

Azaya 26:4 ပူးပေါင်းရင်းမြစ်များ

Ihiẹn Mẹni Nke Ẹbụọ 20:20

O ru ụz'ụtụntụn biribiri, ndị-agha Juda nọ buli, shi Alị Ọkpọ-nkụn Tẹkụa. Hụn wẹ gi buli, Jehoshẹfatị nọ jẹnpụha, sị wẹ, “Gọn ni m ntịn, ụnụ ndị Juda lẹ Jerusalẹm: Gi ni Osolobuẹ wụ Chuku ụnụ dọn ẹnya, o k'e mẹ ụnụ turu ọhụnma; gi ni ihiẹn ndị-amụma a ku dọn, ihiẹn k'a ghanị ụnụ.”

Ihiẹn Mẹni Nke Ẹbụọ 32:8

Ikẹn ịhịan mmaka sụọ k'o gi lala, kanị ẹnyi lẹ Osolobuẹ wụ Chuku ẹnyi hụn jẹnkọ d'e yeni ẹnyi ẹka, lụnị ẹnyi ọgụn, wị.” Ndị hụ nọ gi oku Hezikaya gwa wẹ kasị enwẹn wẹ obi.

Jobu 9:19

O mẹni ihiẹn wẹ gi akwanran e mẹ rọ, dikẹn kẹ Chuku wụ! O mẹ nke ikin-ikpe, onyẹ k'a kpọ a ikpe?

Ẹbụ-ọma 125:1

Ndị gi Osolobuẹ dọn ẹnya nọ kẹ ugu-Zayọnụ, hụn wẹ ghalẹni asẹka e mẹhunmẹ, hụn k'a rị jẹnrin ejẹn.

Ẹbụ-ọma 18:2

Osolobuẹ wụ Okẹn-ọmụma e che m nche, ebe m'a gbaban lẹ onyẹ hụn a zụọpụhanị m! Chuku m wụ Okẹn-ọmụma m hụn m'a gbaban, akpaịn m lẹ mpịn a zụọpụhanị m. Ịya wụ ebe m nọ e nwọn nchedọn.

Ẹbụ-ọma 46:1

Osolobuẹ wụ ikẹn ẹnyi lẹ onyẹ ẹnyi e gbọnni; eyemẹka a rịchanrịn ẹhụ-nsue ogẹn nsọngbu k'ọ wụ.

Ẹbụ-ọma 55:22

Bu nsọngbu i ye Osolobuẹ, o k'e dọnmẹ i; onwọnni ogẹn o k'a nị wẹ mẹhunmẹ ndị ezi-omumẹ

Ẹbụ-ọma 62:11

Chuku e kuọl'a mgbe ohu, mmẹ nwẹn a nụgụọ a nwan mgbe ẹbụọ, nị ikẹn wụ nke Chuku

Ẹbụ-ọma 62:8

Ndị nke ẹnyi, e gi ni Chuku e dọn ẹnya ogẹn ile, a gwaghọsịchanrịn n'a k'ọ rị ụnụ, makẹni ịya kẹ ẹnyi gbọnni. Sẹla

Ẹbụ-ọma 62:9

Ịhịan mmaka wụhụ ube uzun ohu, kẹ onyẹ-uku kẹ onyẹ-nta; wẹ ile wụhụ ufori. Ị magbamadẹ wẹ ile, anyịnhannị wẹ kẹ ufere!

Ẹbụ-ọma 66:7

Makẹ ikẹn hụn o nwọn, ọ kị jẹnrin e jẹn, ẹnya a hụ e lee alị ile: ndị nnupụ-isi wẹ ebushikwọlẹ enwẹn wẹ elu! Sẹla

Ẹbụ-ọma 93:1

Osolobuẹ wụ eze. Ọghọ jun ẹ ẹhụ! Osolobuẹ yi ọghọ rịkẹ ẹwuru-nze; ọ kpọ ikẹn ọkịkị nọ kẹ akpụkpọ-ukun zeni. Ụwa rị ebe o tumẹ ẹ, o mẹhunmẹkọ.

Azaya 12:2

Eziẹ, Chuku wụ onyẹ a zụọpụhanị m. M k'e gi i dọn ẹnya, egun atụkọ m. Osolobuẹ — Osolobuẹ, wụ ikẹn m lẹ ẹbụ m, ọ zụọpụhagụọ m.”

Azaya 17:10

Kị haịn? Makẹni y'a zọgụọ Chuku ahụn a zụọpụhanị ị; y'a nyanhannị Ọmụma hụ y'a gbaban imẹ ẹ. Ọ sụọkwọ ị nwan kụn ihiẹn-akụnkụn rịgbu enwẹn ẹ mma, kụndẹ vaịnị pụ ichẹn wẹ gha alị ọzọ wẹhẹ;

Azaya 30:29

Ụnụ k'a bụ ẹbụ kẹ ụnụ dọn a bụ imẹ uhinhin mmẹmmẹ nsọ ụnụ; ẹfọ k'a sụọ ụnụ ụsụọ rịkẹ ogẹn ụnụ gi e gbu ẹkpịrị nyinkọ ugu Osolobuẹ — d'e kunrun Osolobuẹ, onyẹ hụn wụ Ọmụma Izrẹlụ.

Azaya 32:2

Onyẹ-onyẹ imẹ wẹ sikọ d'a wụrụ ebe ịhịan a warị ogẹn okẹn ufere lẹ ebe w'a gbaban ẹbi gha a kpọ; wẹ k'a nọ kẹ mirin iyi imẹ alị ọkpọ-nkụn, lekẹ igungun okẹn-ọmụma imẹ alị anwụn nọ a mụ ọda-ọda.

Azaya 44:8

Amalẹ ni piripiri, ndị nke m; atụlẹ ni egun. Agwatọgụọnị m ụnụ kete-kete nị ihiẹn ndịnị jẹnkọ d'e mẹ? Ụnụ wụ ọshẹri m! Gwa nị m nwan kẹ o nwọn Chuku rịnị wezụka m! Mba! Ọmụma ọzọ arịa — amarịn m ọzọ!”

Azaya 45:17

Kanị Osolobuẹ k'a zụọpụha ndị Izrẹlụ, nzụọpụha hụn k'a rị jẹnrin ejẹn; d'e ru ọgụgụ ogẹn ụnụ afakọ, o kpuyekọ ụnụ!

Azaya 45:24

Wẹ k'a gha a sị, ‘Osolobuẹ sụọ e mẹ ihiẹn furuni, ikẹn wụzịkwọ nke ẹ.’ Wẹ ile hụn bun'ẹ olulu k'a bịa d'a rịọ a, ifẹnrẹn e mẹgbu wẹ.

Azaya 50:10

Onyẹ imẹ ụnụ ile a tụ egun Osolobuẹ, e mẹ ihiẹn odibo Osolobuẹ sị a mẹ? Onyẹ hụn rị a gha imẹ ishi, onyẹ hụn nwọnlẹni ukpẹ, hụnyẹ ya gi ẹfan Osolobuẹ dọn ẹnya, ya tụkwasị Chuku ẹ obi.

Azaya 51:5

M lala d'e mẹni ụnụ ihiẹn furuni, nzụọpụha m lala alala, ẹka m k'a kị alị ile. Alị ndị teni rị ohimin k'a rịzịdẹ e lee ẹnya m; wẹ k'a rị e che m nị m d'a tụnị wẹ ụya.

Azaya 63:1

Onyẹ wụ onyẹni gha Bozra rị alị Ẹdọm pụla? Onyẹ pụla ihiẹnni ẹwuru ẹ rị e nwun kẹ ihiẹn ẹdeke huye? Onyẹ wụ onyẹni kẹn ekikẹn ndị-nze, jẹnla ndụn-ndụn?! “Mmẹ Osolobuẹ rọ! M gi ẹ e ku nị a tụgụọnị m ụnụ ụya; mmẹ hụn a zụọpụhanị!”

Daniẹlụ 3:17

Omẹni, Chuku ẹnyi rị e fe a chọghọ n'ọ zụọpụha ẹnyi imẹ ọkụnnị lẹ ẹka ị, o k'a gbapụha ẹnyi ẹka ị, Agụ.

Daniẹlụ 3:28

Ya Nebukadineza nọ yi, “Ịja mma y'a rịnị Chuku Shẹdrakị, Mishakị lẹ Abẹdnego, hụn zi mmọn-ozi ẹ d'a gbapụha idibo ẹ, idibo ẹ hụn gi ẹ dọn ẹnya, pa oku eze, kweri ọnwụn, hụn nkẹ w'e gi fe mọbụ gbaye mmọn ọwụlẹ wezụka Chuku wẹ.

Matiu 28:18

Jizọsị nọ jẹnzụnhan, sị wẹ, “E yeọlẹ wẹ m ikẹn ile rị elu-igwee lẹ elu-ụwa.

Matiu 6:13

Edulẹ ẹnyi ye imẹ ọnwụnwan, ka gbapụha ẹnyi imẹ eje-ihiẹn.’

Ditrọnọmi 32:15

Kanị Jẹshurunu ẹ hụn wụ Izrẹlụ hụn o mẹ kụrụ ọtọ, e tutu, nupụma isi; o rijun ẹfọ, a nyịn, e dẹn. Ọ la Chuku mẹmẹn'ẹ tọ, jụ Ọmụma hụn a zụọpụhan'a tọ.

Ditrọnọmi 32:4

Ịya wụ Ọmụma; ọrụn a zuchanrịn oke, ụzọ a ile zin ezin. Chuku furu wẹ gi e dọn ẹnya k'ọ wụ, hụn ghalẹni e mẹfie; Onyẹ rị mma lẹ Onyẹ kụrụ ọtọ k'ọ wụ.

Ditrọnọmi 33:27

Chuku rị ẹdẹi wụ igungun, ẹka itẹbitẹ ẹ hụ okpuru. O k'a chụpụnị ụnụ ndị iṅẹnrẹn ụnụ, a sị, ‘Tikpọ a!’

Ndị Filipi 4:13

M'a saẹka e mẹ ihiẹn ile ghahanị Onyẹ hụn e ye m ikẹn.

Samuẹlụ Nke Ibuzọ 2:2

Onwọnni onyẹ rị nsọ nọkẹ Osolobuẹ! Onwọnni onyẹ ọzọ rịnị mmanị yụ; onwọnni ọmụma nọ kẹ Chuku ẹnyi.