Azaya 26:21 - Ika

²¹ Lee n'ẹ, Osolobuẹ gha ebe-obibi ẹ pụla d'e ye ndị rị elu-ụwa afụnfụn njọ wẹ. Alị jẹnkọ d'a ghọsị ẹdeke ndị wẹ gbu elu ẹ — o kpumẹkọzị ndị wẹ gbu elu ẹ.

Azaya 26:21 ပူးပေါင်းရင်းမြစ်များ

Jobu 16:18

Alị-ee! Ekpumẹkwọlẹ ẹdeke m; anịkwọlẹ wẹ zuemẹ ẹkwan m!

Jobu 20:27

Igwere k'a ghọsị n'o mẹ eje-ihiẹn; alị k'a shịagbu ẹ ẹri.

Azaya 10:3

Kị ụnụ k'e mẹ nwan ụhụọhịn o k'a jụ ụnụ ajụjụ — ogẹn nsọngbu k'a gha ebe teni bịa? Onyẹ kẹ ụnụ k'a gbaburu n'o yeni ụnụ ẹka? Elebe kẹ ụnụ k'e butọ akụ-lẹ-ụba ụnụ?

Azaya 13:11

Osolobuẹ sị, “M k'e ye ụwa afụnfụn eje-ihiẹn o mẹ, ye ndị eje-omumẹ afụnfụn njọ wẹ. M k'a napụ ndị rị e mẹkarị enwẹn wẹ nhọnrọn wẹ, e welụa m ndị ẹfọ-njọ rị e mẹkarị enwẹn wẹ alị.

Azaya 18:4

Ọnwan wụ ihiẹn Osolobuẹ gwa m: “M k'a gha ebe m rị e tu udọn e lee wẹ, nọkẹ uwowo ya lẹ anwụn a wị; nọkẹ igirigi a rị imẹ-elu ya lẹ uwowo a wị ogẹn anwụn w'a ghọ ihiẹn-ugbo.”

Azaya 22:14

Di-nwọnni-ẹnyi Osolobuẹ ihiẹn ile rị okpuru ẹ, e kugụọ a ye m ntịn, sị, “D'e ru ụhụọhịn ọnwụn ụnụ, onwọnni ẹjan w'e gi gbagharị ụnụ njọnị!” Ya kẹ Di-nwọnni-ẹnyi Osolobuẹ ihiẹn ile rị okpuru ẹ ku.

Azaya 29:6

Osolobuẹ ihiẹn ile rị okpuru ẹ k'e mẹ wẹ ihiẹn, zihẹni wẹ akpara, alị-ọmahihie lẹ okẹn ụzụn, zihẹni wẹ eje-ufere lẹ ẹbi lẹ ọkụn rị a dụnnị.

Azaya 65:6

Lee ẹ, e detọgụọ m'a ihun m: Agbakọ m nkịtịn! M k'a kụzu wẹ ụgwọ njọ wẹ; kụ a ye wẹ ngadan.

Azaya 65:7

Njọ ụnụ lẹ njọ ndị nẹdi ụnụ haịn m k'e gi mẹ ẹ.” Ya kẹ Osolobuẹ ku. “Makẹni ndị nẹdi ụnụ nkẹ a mụzịghọ nsẹnsi elu ugu, e fezighọ nị wẹ m isi elu òke; m k'a kụzu wẹ ụgwọ ihiẹn wẹ mẹ mbụ, kụ a ye wẹ ngadan.”

Azaya 66:6

Gọn ntịn ụzụn rị a zụn imẹ obodo; gọn ntịn ụzụn rị a pụ imẹ Ụlọ-nsọ! Osolobuẹ rọ: ọ rị e mẹgwarị ndị-iṅẹnrẹn ẹ.

Izikẹlụ 8:6

Osolobuẹ nọ sị m, “Nwa-ịhịan, Ị hụ a hụn ihiẹn wẹ rị e mẹ? Ị hụ a hụn eje arụ ndị Izrẹlụ rị e mẹ ebeni, hụn wẹ gi a chụpụ m imẹ Ụlọ-nsọ m? I jẹnkọ d'a hụnzị arụ kadẹ ndịnị njọ.”

Luku 11:40

Ndị-nzuzu! Ẹlẹ onyẹ mẹmẹ azụụn a mẹmẹzikwọ imẹ ẹ?

Luku 11:50

Ẹghẹẹ, kẹni wẹ jụ agbọnị ukwere ẹdeke ndị-amụma ile wẹ gbu kete wẹ kelẹ ụwa —

Rẹvẹleshọnụ 16:6

Makẹni ẹdeke ndị-nsọ lẹ ndị-amụma rị wẹ ẹka, y'e yegụọ wẹ ẹdeke ra! Ihiẹn wẹ chọ kẹ wẹ rị nwan a hụn!”

Rẹvẹleshọnụ 18:24

A hụnzịghọ wẹ ẹdeke ndị-amụma lẹ ndị-nsọ lẹ ndị ile wẹ gbu imẹ ụwa imẹ ẹ.”