Azaya 26:17 - Ika

¹⁷ Kẹ okpoho imẹ rị e mẹ dọn a kwan, a fịkọ, makẹni ọ rị a tụrụ a, ẹrịra kẹ ẹnyi te nọ ebe ị rị, Osolobuẹ.

Azaya 26:17 ပူးပေါင်းရင်းမြစ်များ

Jẹnẹsisi 3:16

Ọ nọ sị hụn okpoho, “M k'e mẹ ọmụmụ fụwaye i ọrụn — ẹfọ-imẹ k'a tụrụ ị ọda-ọda, bụ ị k'a rị a chọkwọ di i; di i k'a kị ị.”

Ẹbụ-ọma 48:6

Ẹhụ a mama wẹ nni, tụrụma wẹ, rịkẹ okpoho imẹ rị e mẹ.

Azaya 13:8

Okẹn egun k'e kwọndọn wẹ, ụfụ lẹ afụnfụn k'e kwọndọn wẹ; wẹ k'a marịrị nọkẹ okpoho imẹ rị e mẹ. Wẹ k'a rị e lee ibe wẹ egun-egun; ẹnya k'e turu wẹ.

Azaya 21:3

Ihiẹnni m hụn hụ a ta m ẹfọ, ọ tụrụ m kẹ ebe imẹ rị e mẹ okpoho; ihiẹn m nụ ọnụ Osolobuẹ rị a gụ m ndụn, ihiẹn ọ ghọsị m tụ m egun ọda-ọda.

Azaya 37:3

Wẹ nọ sị Azaya, “Eze wụ Hezikaya sị, ‘Ogẹn nsọngbu lẹ mkpari lẹ ụya a bịagụọnị ẹnyi nwan. Ọ nọ kẹ ebe nwa nọ kpuyechanrịn isi n'ọ pụha — kanị nnẹ ẹ ahụnnị ndụn kịnpụha a!

Jerimaya 30:6

D'a jụkwọ nị omẹni okẹnnyẹ a mụ nwa! Omẹni okẹnnyẹ ara mụ nwa, kị haịn nwan m gi a hụn ikẹnnyẹ ile ndụn rị kẹ wẹ gi ẹka kwọndọn ẹfọ lekẹ okpoho imẹ rị e mẹ? Kị haịn ihun onyẹ ọwụlẹ gi e nwun ṅanhịan kẹ ndị ẹdeke gụ ẹhụ?

Jerimaya 4:31

M rị a nụ olu rị a kwan lekẹ okpoho imẹ rị e mẹ, lekẹ okpoho rị a mụ nwa ibuzọ! M rị a nụ kẹ Nwagbọọ wụ Zayọnụ rị e kwọn elu-elu, a tịnpụ ẹka, e yi, “Heuu, m'e d'a nwụnhụn; e we wẹ ndụn m ye ndị-izighẹ!”

Jerimaya 6:24

Ẹnyi a nụgụọ ukwere wẹ, ndụn a gụ ẹnyi. Uhue e d'e gbu ẹnyi, ẹnyi hụ a fịkọ kẹ okpoho imẹ rị e mẹ.

Jọnụ 16:21

“Imẹ gha e mẹ okpoho, ọ tụrụ a atụrụ makẹni ọmụmụ e rugụọ a; kanị ọ mụgụ, ọ nyanhankọzị afụnfụn hụ makẹni ọ rị a ghọghọ n'ọ mụgụọ nwa.

Ndị Tẹsalonika Ibuzọ 5:3

Ogẹn ahụn wẹ k'e gi rị a sị, “Udọn a rịgụọ! Nsọngbu arịzị a!” ya kẹ ntikpọ k'e gi kunrun wẹ idẹnmizi, nọkẹ ebe imẹ nọ mẹmẹhụ okpoho! Awanahịnkọ wẹ!

Rẹvẹleshọnụ 12:2

Ọ rị imẹ; ọ hụ a kwan makẹ imẹ rị e mẹn'ẹ — imẹ ahụn hụ e mẹ e mẹshi ẹ ikẹn.