Azaya 26:15 - Ika

¹⁵ Euu Osolobuẹ, y'e mẹgụọ alị Juda ba ụba — y'e weshịagụọ alịnị. Y'e gigụọ a nwọnrin ọghọ — y'e wezụkagụọ okẹn ẹ ile.

Azaya 26:15 ပူးပေါင်းရင်းမြစ်များ

Azaya 9:3

I k'e mẹ alị Izrẹlụ ba ụba, mẹ ịghọghọ wẹ waye; wẹ k'a rị a ghọghọ ihun i kẹ ịhịan a ghọghọ wẹ gha e we ihiẹn-ugbo, kẹ w'a ghọghọ wẹ gha e keri ihiẹn wẹ gbukwarị imẹ agha.

Jọnụ 17:1

Ogẹn Jizọsị gi kugụ ihiẹn ndịnị, ọ nọ bu ẹnya zinmẹ elu-igwee, sị, “Baba, ogẹn hụ e rugụọ! Ye Nwa ị ọghọ, kẹni Nwa ị gi ẹ wẹhẹn'i ọghọ

Jọnụ 15:8

Ụnụ mị mkpụrụ ọda-ọda, o k'a ghọsị nị ụnụ wụ ndị nsọnmazụụn m: ọhụn jẹnkọ d'e wẹhẹni Nẹdi m ọghọ.

Izikẹlụ 36:24

“M sikọ nwan d'e weri ụnụ imẹ alị ndị ọzọ, e wegbama m ụnụ welụa alị ụnụ.

Izikẹlụ 5:12

M sikọ d'e kebe ndị nke i ụzọ ẹtọ, gi ẹgụn lẹ eje-emu gbu ụzọ ohu tọ imẹ i, gi ọpịa-agha gbu ụzọ ohu kanị ẹlẹ imẹ obodo, e fe m ụzọ ohu ye alị ndị ọzọ rị ẹbamịn ile, gi ọpịa-agha chụ wẹ.

Jerimaya 32:37

‘M jẹnkọ d'a gha alị ile m gi olulu m rị a dụn kẹ ọkụn lẹ okẹn-ọnụma m chụshi wẹ wepụhazị wẹ, welụa wẹ ebeni, e mẹ m wẹ biri ẹ udọn lẹ ndọnkwa.

Jerimaya 30:19

“Wẹ k'a kwankpọma ẹbụ ekele, zụnma ụzụn ịghọghọ. M k'e mẹ wẹ bawaye, ebelụakọ wẹ; m k'e mẹ wẹ nwọn ọghọ, awụkọ wẹ ndị wẹ e legberi.

Azaya 60:21

Ndị nke ụnụ ile k'a wụchanrịn ndị ezi-omumẹ; wẹ k'e nwọnrin alịnị jẹnrin-ejẹn. A wụrụ wẹ ihiẹn m gi ẹka m kụn, ọrụn ẹka m — hụn k'e wẹhẹni m ọghọ.

Azaya 44:23

Igwere, bụma ẹbụ ịghọghọ, makẹni Osolobuẹ e mẹgụọ ihiẹnni! Alị, yi oro! Ugu ichẹn-ichẹn, bụye ni ẹbụ — kẹ ọfịa lẹ osisi ile rịn'a! Makẹni Osolobuẹ a gbapụhagụọ ebọn Jekọpụ, o giọlẹ ụmụ Izrẹlụ ghọsị ọghọ a.

Azaya 33:17

Ẹnya ụnụ k'a hụn eze lẹ ọghọ a, hụnzị alịnị k'ọ shịawaye ẹfọ.

Nehemiah 9:23

“Ị nọ mẹ ụmụ wẹ ba ụba, e bu wẹ ọda nọkẹ kokisẹ rị elu-igwere, wẹhẹ wẹ imẹ alị hụn ị gwa ndị mụnị wẹ banye d'e weri.

Ditrọnọmi 10:22

Ndị nẹdi ụnụ rịhụ madụ iri kwasị ọgụn ẹtọ sụọ kẹ wẹ shi alị Ijiptu, kanị Osolobuẹ wụ Chuku ụnụ e mẹgụọ nwan ụnụ bu ọda kẹ kokisẹ rị elu-igwere.

Ọgụngụn 23:10

“Onyẹ k'a s'ẹka gụngụ ẹjannị wụ ebọn Jekọpụ? Wẹ kebedẹ Izrẹlụ ụzọ ẹnọ, onyẹ k'a saẹka gụngụdẹ azụụn ohu?! “Dodo, ni m nwụndẹ kẹ ndị ezi-omumẹni! Dodo, njẹndemẹ m ya nọ kẹ nke wẹ!”

Jẹnẹsisi 12:2

M k'e gi i mẹmẹ okẹn alị; m k'a gọzi i; m k'e mẹ wẹ nụ ẹfan ị — kẹni ị wụrụ ngọzi.

Luku 21:24

Wẹ k'e gi ọpịa-agha gbu wẹ, kpụnrụn wẹ shi alị ile rị ichẹn-ichẹn. Alị ndị ọzọ jẹnkọ d'a zọ Jerusalẹm ụkụ d'e ru nị ogẹn alị ndị ọzọ e zu.

Azaya 10:22

Izrẹlụ, ọsụọn'a nị ụnụ bu nwan ọda kẹ ẹjan rị mkpẹnrẹn ohimin, ndị bulẹni ọda sụọ k'a họdụ kinhẹn. Osolobuẹ e kutọgụọ oku ntikpọ o k'e tikpọ ụnụ, ntikpọ hụn jọgbu enwẹn ẹ kanị o furu efuru.

Azaya 6:12

d'e ru mgbe Osolobuẹ chụgụ onyẹ ọwụlẹ shi ebe teni, alị a gbachanrịn okpokoro.

Ndị-nze Nke Ẹbụọ 23:27

Osolobuẹ nọ sị, “M k'e wepụzị Juda ihun m kẹ m dọn wepụ ndị Izrẹlụ rị Ẹbamịn ugu; m k'a jụzịkwọ Jerusalẹm, obodo hụn m họrị lẹ ụlọ-nsọnị hụn m te sị, ‘Ebẹhụ kẹ ẹfan m k'a rị.’ ”

Ndị-nze Nke Ẹbụọ 17:23

Osolobuẹ e we wepụ wẹ ihun ẹ, owepụ ahụn o gisọnmẹ ndị amụma ndị idibo ẹ ile gwatọ wẹ. E wepụ wẹ nwan ndị Izrẹlụ Ẹbamịn ugu alị wẹ, kpụnrụn wẹ shi Asiria, wẹ hụ nwan ebẹhụ d'e ru tannị.

Ndị-nze Nke Ẹbụọ 17:6

Hụn mẹ ẹ ahụa itenẹi Hoshia kịma, eze Asiria nọ saẹka mẹri Sameria, ọ ban a ẹka; ọ nọ kpụnrụn ndị Izrẹlụ Ẹbamịn ugu shi Asiria. Ọ nọ mẹ wẹ birisọnmẹ imẹ Hala lẹ Gozanị rị ẹhụ Iyi Habọ lẹzi obodo ndị ọzọ rị alị ndị Mẹdịa.

Ndị-nze Nke Ibuzọ 8:46

“Omẹni ndị nke i mẹ i njọ — ebe o mẹ ni onwọnni onyẹ ghalẹni e mẹ njọ, ni y'e gi iwe ihiẹn wẹ mẹ bu wẹ che ẹka ndị-iṅẹnrẹn, e mẹri wẹ wẹ, kpụn wẹ shi alị wẹ, ọsụọn'a ebe teni mọbụ ebe rị nsue,

Ditrọnọmi 28:64

O ru ẹ, Osolobuẹ k'e feyịya ụnụ ye imẹ alị ile rị elu-ụwa, gha isi ẹ ohu d'e ru isi ẹ hụn ẹbọ, ụnụ a nọ ebẹhụ fe mmọn-lẹ-iyi hụn ụnụ lẹ ndị nẹdi ụnụ marịnlẹni, mmọn-lẹ-iyi ndị wẹ gisọnmẹ osisi lẹ ọmụma tụ!

Ditrọnọmi 28:25

Osolobuẹ k'a nị ndị iṅẹnrẹn ụnụ mẹri ụnụ. Ụnụ k'a ghaha azụụn ohu bịa d'a maye wẹ, kanị ụnụ k'a gbayịya azụụn ẹsa ebe ụnụ gbakọnị wẹ, ndị alị-eze ile rị elu-ụwa nụ ihiẹn mẹni ụnụ e be wẹ ọrịọ.

Jẹnẹsisi 13:16

M k'e ye i ụmụ bu ọda nọkẹ ẹjan rị alị, omẹni a sa wẹ ẹka gụn ẹjan rị alị, ya wụ nị a sa wẹ ẹka gụnmarịn ụmụ ị.

Jobu 12:23

O mẹ alị a wụrụ okẹn alị, e tikpọzịkwọ alị; o mẹ alị a ba ụba, a kpayịyazịkwọ wẹ.

Azaya 40:5

ọghọ Osolobuẹ a pụha ifọn, ịhịan ile a hụn a! Osolobuẹ e giọlẹ ọnụ a ku ẹ!”