Azaya 26:11 - Ika

¹¹ Osolobuẹ, y'e weshigụọ ẹka elu n'i mẹ wẹ ihiẹn, kanị w'a ra hụnd'a. Nị wẹ hụn a nwan nị y'a ra gi ndị nke i gu egun, kẹni ifẹnrẹn mẹgbu wẹ; ọkụn hụn i kwademẹni ndị-iṅẹnrẹn i ya bu wẹ ri.

Azaya 26:11 ပူးပေါင်းရင်းမြစ်များ

Jobu 34:27

makẹni e sọnbehigụọ w'a, onwọnzini ihiẹn wẹ kpọ ụzọ a ọwụlẹ.

Ẹbụ-ọma 10:12

Lihi nwan, Osolobuẹ! Chuku dodo, ye nwan ẹka! Azọkwọlẹ ndị wẹ rị a bịangbu!

Ẹbụ-ọma 21:8

Ẹka yụ wụ eze k'e kwọndọn ndị-iṅẹnrẹn i ile, ẹka-nni i k'a nwụndọn ndị iwe i.

Ẹbụ-ọma 28:5

Ebe o mẹni onwọnni ihiẹn wẹ kpọ ẹka-ọrụn Osolobuẹ lẹ ihiẹn ẹka a mẹmẹ, o k'e tikpọ wẹ, tikpọchanrịn.

Ẹbụ-ọma 78:63

Ọkụn nọ bu ikorọbịa wẹ ri, ịgbagba wẹ ahụnzịnị onyẹ a ja wẹ mma.

Ẹbụ-ọma 86:17

Mẹni m ihiẹnni gi ghọsị nị ị rị mma, kẹni ndị iwe m hụn a, ifẹnrẹn e mẹgbu wẹ, makẹni yụ wụ Osolobuẹ e yegụọnị m ẹka, makẹni y'a kasịgụọ m obi.

Ọpụpụ 9:14

Ị jụ ujeni, m jẹnkọ d'e yesọnmẹ yụ lẹ e nwẹn i lẹ ịhaịmẹ i lẹ ndị nke i afụnfụn ndịnị, ọ tụ ụnụ ọnụ, kẹni ị marịn nị onwọnni onyẹ ọwụlẹ rị kẹ mmẹ elu ụwa ile.

Azaya 1:31

Ndị wụ dikẹn k'a rị kẹ ẹfịfịa-ọkpọnkụn, ihiẹn wẹ mẹ e họnrin ihiẹn wẹ gi mụye ẹ ọkụn; ọkụn k'a dụn wẹ ẹbụbụọ, onwọnni onyẹ k'e tinyụnn'a.

Azaya 10:16

Ufiri ẹ, Onyẹ-nwọnni-ẹnyi, hụn wụ Osolobuẹ Nwọn Ikẹn ile jẹnkọ d'e zi eje-emu e fie ịhịan ẹhụ ye imẹ igunrun ndị ahụn ile kin akwanran wẹ lẹ eze Asiria wị; ọghọ a jẹnkọ d'e nwunrun ọkụn nọkẹ ebe ọfịa rị e nwun ọkụn.

Azaya 10:17

Ukpẹ Izrẹlụ hụn wụ Osolobuẹ k'a wụrụ ọkụn; Onyẹ-nsọ wẹ hụn wụ Osolobuẹ k'a wụrụ ọkụn rị e nwunni; o k'e gi akpọhịn ohu dụnpụchanrịn kẹ ogun ẹ kẹ ọkịnkan a.

Azaya 11:13

Ẹnya afụkọzị Ifrem; Ndị rị e kpokpo Juda k'a gụ; ẹnya Juda afụkọzị Ifrem, Juda egikọzị iwe e sọn Ifrem.

Azaya 18:3

Ụnụ ile rị ụwa, ụnụ ndị bi elu-ụwa! Ụnụ k'a hụn a kẹ w'a hụn flagị-ahịma rị elu ugu; Ụnụ jẹnkọ d'a nụ a kẹ w'a nụ opi.

Azaya 37:32

Ẹghẹẹ, ịhịan k'a họdụ imẹ Jerusalẹm, igunrun k'a wanahịn imẹ ndị rị ugu Zayọnụ. Osolobuẹ ihiẹn ile rị okpuru ẹ k'e gi adụdụ a mẹ ihiẹnni.

Azaya 42:13

Osolobuẹ k'a pụha kẹ odogun-agha, o k'a kpasu enwẹn ẹ kẹ onyẹ-agha; o k'e weshi olu elu yi oro-agha, o k'e mẹri ndị-iṅẹnrẹn ẹ.

Azaya 44:18

Onwọnni ihiẹn wẹ marịn; onwọnni ihiẹn w'a ghọta! A nyankingụọ wẹ wẹ ẹnya — w'a ra legha ụzọ, uche wẹ kpukin ekpukin — w'a ra s'ẹka a ghọta.

Azaya 44:9

Ndị ile e mẹmẹrin mmọn enwọn ihiẹn wẹ wụ; mmọn ndị hụ wẹ bu obi enwọnzikwọ isi. Ndị ile e kuni mmọn ọnụ wẹ wụ ẹnya-mpịn — onwọnni ihiẹn wẹ marịn — ifẹnrẹn ya mẹgbu wẹ.

Azaya 5:24

Ufiri ẹ, kẹ ọkụn dọn e ripụ irurue-ọkpọnkụn lẹzi kẹ ẹfịfịa-ọkpọnkụn rị ọkụn dọn a nyụnlụa, ẹrịra kẹ mkpọgụn wẹ k'a dọn rehi, ufere e bupụ obobo wẹ nọkẹ ntụn; makẹni a jụgụọ wẹ Iwu Osolobuẹ, Onyẹ ahụn kachanrịnnị, legberi oku Osolobuẹ Onyẹ-nsọ Izrẹlụ.

Azaya 59:17

O yiri ezi-omumẹ rịkẹ ẹwuru-igwe onyẹ-agha gi e gbọndọn obi; kpuru nzụọpụha nọkẹ okpu-igwe onyẹ-agha; yiri mmẹgwarị o k'e mẹgwarị ndị-iṅẹnrẹn ẹ lekẹ ẹwuru; olulu ọ rị e bu nọ a kẹ mgburu ọ tụye olu.

Azaya 60:14

Ụmụ ndị te bịangbu ụnụ k'a bịa d'a kụnị ụnụ isi-alị; ndị ile e legberi ụnụ k'a kụzịkwọnị ụnụ isi alị; wẹ k'a kpọ ụnụ Obodo Osolobuẹ, Zayọnụ hụn wụ nke Onyẹ-nsọ alị Izrẹlụ.

Azaya 63:15

Dodo, gha nwan elu-igwee lee ẹnya, gha okẹn ukpo-eze i ahụn rị nsọ lee ẹnya alị!! Ọrịrịmma ẹnyi ara dụzịdẹ ị ra? Ebe ikẹn i rị nwan? Y'a ra gizi ẹfọma lẹ omikẹn sọn ẹnyi.

Azaya 66:15

Lekwọn'a, Osolobuẹ gi ọkụn lala, ụgbọ-ẹshin ẹ nọ kẹ okẹn ufere, ọ lala d'e gi okẹn olulu ghọsị iwe rị a obi, ọ lala d'e gi ọkụn jụgbọ ọjụgbọ a.

Azaya 66:24

Wẹ k'a gha a pụ d'e lee ozun ndị ahụn feni m isi, makẹni ọhọrị k'e rini wẹ anwụnkọ, ọkụn k'a rị a dụn wẹ etinyụnkọ. Wẹ k'a wụrụ ihiẹn-ize ẹnya ịhịan ile.”

Azaya 66:5

Nụ nị nwan oku Osolobuẹ, ụnụ ndị a nụ oku ẹ, e mẹhunmẹ! Umunẹ ụnụ hụn rị e ze ize ụnụ, e nu ụnụ e ye ụsụọ makẹ ufiri ẹfan m, a sịgụọ, “Osolobuẹ ya ghọsịkwọ ikẹn ẹ, kẹni ẹnyi hụn ịghọghọ ụnụ!” Kanị, uwẹ kẹ ifẹnrẹn jẹnkọ d'e mẹ.

Azaya 9:18

Eziẹ, eje-obibi rị a dụn kẹ ọkụn; ọ dụnpụ ogun-lẹ-ọkịnkan; ọ mụdẹ ọkụn e ye ẹgboko kin ẹnya, hụn ẹnwụnrụn a gidẹ a lọshi elu.

Azaya 9:19

Ọnụma Osolobuẹ ihiẹn ile rị okpuru ẹ e mẹgụọ alịnị kpọpụ nkụn, ndị alịnị e họnrin nkụn; onwọnni onyẹ e dọnmẹ ibe ẹ ndụn.

Azaya 9:7

Ọkịkị a lẹ Ọrịrịmma o k'e wẹhẹ agụkọ. O k'a nọ ukpo-eze Defidi kị alị-eze Defidi, e gi ezigbo-eṅẹn lẹ ezi-omumẹ a kwadọn ẹ, e kwọndọn ẹ — gha ogẹn ahụn jẹnmẹ, jẹnrin ejẹn. Adụdụ Osolobuẹ Onyẹ nwọn ikẹn ile k'a han ihiẹnni mẹ.

Jerimaya 44:28

Ndị k'a hụn isi wanahịn ọpịa-agha, gha Ijiptu lụaha Juda ebukọ ọda kaka! Ogẹn ahụn kẹ ndị Juda k'a họdụ imẹ alị Ijiptu e gi marịn oku onyẹ k'a bụnnị, oku m ra nke wẹ.’

Jerimaya 5:3

Euu, Osolobuẹ, ẹlẹ ezioku kẹ y'a chọ? Y'a fịan wẹ ihiẹn, anụnị wẹ ụfụ a; y'a sụdẹ wẹ kẹ nni, amụnrụnnị wẹ ihiẹn. A tọ wẹ a gba isi-akwanran, jụ n'e bihutọkọ wẹ ẹka.

Maịka 5:9

Ẹka ụnụ k'a dụ ndị-iṅẹnrẹn ụnụ, ndị-iṅẹnrẹn ụnụ ile k'a gụchanrịn.

Maịka 7:10

Ogẹn hụ, eṅẹnrẹn m a hụn a, ifẹnrẹn e mẹgbu ẹ onyẹ nwẹn te sị m “Elebe Osolobuẹ wụ Chuku i rị nwan?!” Ẹnya m k'a hụn k'ọ dan; o họnrin ihiẹn w'a zọ ụkụ nọkẹ ịkpọtọ rị ụzọ.

Maịka 7:16

Alị ndị ọzọ jẹnkọ d'a hụn a, ifẹnrẹn e mẹgbu wẹ nị ikẹn ile wẹ kpa enwọn ihiẹn ọ wụ, e gi wẹ ẹka kpumẹ ọnụ, ntịn a kụkin wẹ;

Malakaị 4:1

“Lee ẹ, nị ụhụọhịn hụ lala! O k'a nọ kẹ ọkụn rị ẹnya-mgba, ndị ile rị e mẹkarị enwẹn wẹ lẹ ndị e mẹ eje-ihiẹn a wụrụ ẹfịfịa ọkpọ-nkụn o gi dụn. Ya kẹ Osolobuẹ ihiẹn ile rị okpuru ẹ ku. Ọ latọkọnị wẹ mkpọgụn ụhụọhịn hụ, ọ latọkọnị wẹ agalaba.

Matiu 25:41

“Ogẹn hụ, o sikọ d'a sị ndị hụ rị ẹka-ekpẹn ẹ, ‘Pụnị nị m ebeni, ndị wẹ bụ ọnụ! Shi ni ọkụn itẹbitẹ hụn wẹ kwademẹni Ekwensụ lẹ ndị mmọn-ozi ẹ!

Luku 16:23

Ebe ọdanfịn hụ nọ rị a ta afụnfụn imẹ ọkụn mmọn, ọ nọ weshi ẹnya elu, ọ nọ lecheni Ebraham, lechezini Lazarọsụ ebe ọ nọdịyen'ẹ.

Ọrụn Ndị-ozi 28:27

Makẹni obi ndịnị arịzị a ghọta; ntịn wẹ e kinhingụọ; a nyụnmagụọ wẹ ẹnya, amamgbe w'e gi ẹnya wẹ legha ụzọ, gi ntịn wẹ nụ ihiẹn, gi obi wẹ ghọta, gbehutọ, a zụọ m wẹ.’

Ndị Tẹsalonika Nke Ẹbụọ 1:8

Wẹ k'e gi ọkụn rị e nwunni bịa; wẹ k'e mẹgwarị wẹ ile marịnlẹni Osolobuẹ lẹ ndị hụn mẹlẹni ihiẹn oziọma Di-nwọnni-ẹnyi Jesu ku,

Hibru 10:27

ikpe-ọmụma hụn a tụ egun lẹ okẹn ọkụn hụn jẹnkọ d'a dụnchanrịn ndị-iṅẹnrẹn Osolobuẹ sụọ kẹ ẹnyi k'a gha e lee ẹnya a.

Pita Ibuzọ 3:16

Ka e gi ni nwayọ lẹ mgbaye e mẹ ẹ. E dọnmẹ ni obi ụnụ ọchan, kẹni ifẹnrẹn mẹ ndị hụn e kuja ihiẹn rị mma ụnụ rị e mẹ imẹ Kraịstị.

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;

Rẹvẹleshọnụ 3:9

“Lee ẹ! M k'e wẹhẹ ndị ụlọ-ofufe Ekwensụ ahụn, ndị ntụ ahụn a kpọ enwẹn wẹ ndị Ju bụ ẹlẹ wẹ ndị Ju, a bịa wẹ ụkụ ị d'a kụnị ị isi alị, kẹni wẹ hụn ụzọ marịn nị ihiẹn i sụọ m.

Samuẹlụ Nke Ibuzọ 6:9

Ka e lekwọ n'a: o dọn ihun ẹgbẹrẹ alị a, ibe Bẹt-Shẹmẹshi alị Izrẹlụ, ya wụ nị Osolobuẹ zihẹni ẹnyi okẹn nsọngbuni. Kanị omẹni o dọnni ihun ebẹhụ, ya wụ nị ẹlẹ Osolobuẹ ti ẹnyi ẹka, nị nsọngbuni bịa nke ẹ.”