Azaya 25:9 - Ika

⁹ Ogẹn ahụn, wẹ k'a gha a sị, “Ezioku-ezioku, ọnwan wụ Chuku ẹnyi; ịya kẹ ẹnyi gi dọn ẹnya, ọ nọ zụọpụha ẹnyi. Ọnwan wụ Osolobuẹ, ẹnyi gi ẹ dọn ẹnya; nị ẹnyi gi ọzụọpụha ọ zụọpụha ẹnyi ghọghọ, e nwọn anwịnrịn.”

Azaya 25:9 ပူးပေါင်းရင်းမြစ်များ

Jẹnẹsisi 49:18

Euu Osolobuẹ, ịyụ kẹ m rị e lekwọ n'ị zụọpụha m!

Ẹbụ-ọma 100:1

Ụwa ile, yini ni Osolobuẹ oro ịghọghọ!

Ẹbụ-ọma 20:5

ẹnyi e yi oro ịghọghọ nị y'e mẹrigụọ, ẹnyi e gi ẹfan Osolobuẹ ẹnyi nyan isi! Osolobuẹ ya mẹn'i ihiẹn ile ị rịọ.

Ẹbụ-ọma 21:1

Euu Osolobuẹ, eze rị a ghọghọ nị i ye ẹ ikẹn; ọ rị a ghọghọ ọda-ọda makẹni y'e yeọlẹ ẹ mmẹri.

Ẹbụ-ọma 27:14

Gi Osolobuẹ dọn ẹnya. Turu, y'e kwọndọn obi i, y'e gi Osolobuẹ dọn ẹnya.

Ẹbụ-ọma 33:20

Ẹnyi rị e che Osolobuẹ; ịya wụ onyẹ e yeni ẹnyi ẹka lẹ akpaịn e che ẹnyi nche.

Ẹbụ-ọma 33:21

Imẹ ẹ kẹ obi ẹnyi nọ a ghọghọ, makẹni ẹnyi gi ẹfan nsọ a e dọn ẹnya.

Ẹbụ-ọma 40:17

Mmẹ nwẹn, m nwọn mkpa; Osolobuẹ ya dodo e ro m. Ịyụ e yeni m ẹka, a gbapụhazịkwọ m; Dodo Chuku m, ebielẹ d'e yeni m ẹka.

Ẹbụ-ọma 9:14

kẹni m ku ihiẹn ile rị mma i mẹ — a nọ m igunrun ndị Zayọnụ rị Jerusalẹm ghọghọ makẹni y'a zụọpụhagụọ m.

Ẹbụ-ọma 95:1

Bịa nị, nị ẹnyi bụnị Osolobuẹ ẹbụ! Nị ẹnyi gi ni ịghọghọ yini Okẹn-ọmụma ahụn a zụọpụhanị ẹnyi oro!

Azaya 33:2

Osolobuẹ dodo, mẹ ni ẹnyi omikẹn — nị ịyụ kẹ ẹnyi rị e lee ẹnya. Wụrụ ikẹn ẹnyi ụtụntụn ọwụlẹ; wụrụ nị ẹnyi onyẹ nzụọpụha ogẹn nsọngbu.

Azaya 33:22

Makẹni Osolobuẹ wụ onyẹ a hannị ẹnyi eṅẹn; Osolobuẹ wụ onyẹ e ye ẹnyi iwu; Osolobuẹ wụ eze ẹnyi. Ịya jẹnkọ d'a zụọpụha ẹnyi.

Azaya 35:1

Kẹ atụ kẹ alị ọkpọ-nkụn jẹnkọ d'a ghọghọ ogẹn hụ! Ẹghẹẹ, alị ọkpọ-nkụn jẹnkọ d'a ghọghọ, ihiẹn e pujun ẹ nọkẹ kẹ ẹfịfịa wụ krokusu dọn e pujun udu-mirin!

Azaya 35:10

ndị Osolobuẹ gbapụha k'a lụaha; wẹ k'e gi ẹbụ banhan Zayọnụ; ịghọghọ hụn k'a rị jẹnrin ejẹn k'a wụ ihiẹn wẹ gi tu wẹ ugọn. Obi-ụsụọ lẹ ịghọghọ k'a karị ẹka, ẹkwan lẹ ịsụn-udẹn k'a gba ọsọ.

Azaya 35:2

O k'a mị obobo ọda-ọda, a ghọghọ, a bụ ẹbụ, e nwọn anwịnrịn; o k'a wụrụ ẹgboko hụn nwọn ọghọ kẹ nke Lẹbanọnụ; ụzọ ile k'a wụ ẹhụhụọ-oyiyi ẹhụhụọ-oyiyi lekẹ Ugu Kamẹlụ lẹ alị-aradan Sharọnụ. Ịhịan k'a hụn ọghọ Osolobuẹ, ịhịan k'a hụn ikpẹn Chuku ẹnyi.

Azaya 35:4

Sị nị ndị obi wẹ zelẹni, “Kwọnkẹnmẹ ni enwẹn ụnụ, atụlẹ ni egun, Chuku ụnụ lala — ọ lala d'e mẹgwarịnị ụnụ, ọ lala d'e mẹgwarị wẹ kẹ Chuku; ọ lala d'a zụọpụha ụnụ.”

Azaya 37:20

Osolobuẹ wụ Chuku ẹnyi, dodo zụọpụha nwan ẹnyi ẹka a — kẹni alị-eze ile rị elu-ụwa gi ẹ marịn nị ịyụ sụọ wụ Chuku nke esi, ịyụ hụn wụ Osolobuẹ.

Azaya 40:9

Ịyụ hụn wẹhẹni Zayọnụ ozi rị mma, nyinrin nwan ugu jẹn elu n'ị hị. Ịyụ hụn wẹhẹni Jerusalẹm ozi rị mma, weshi olu elu yikẹnmẹ oro! Weshi olu elu — atụlẹ egun; sị obodo ndị rị Juda: “Lee ni Chuku ụnụ!”

Azaya 41:16

Ị k'a fụchanchanrịn wẹ kẹ ọka, ufere e buru wẹ, okẹn ufere a kpọhuhu wẹ — y'e gi ufiri Osolobuẹ a ghọghọ, y'e gi Onyẹ-nsọ Izrẹlụ a ghọghọ a dụ ẹka obi.

Azaya 49:23

Ndị-nze k'a mụrụn ị kẹ nwa; inyẹnmẹ ndị-nze e mẹn'i kẹ nnẹ. Wẹ k'a kụn'ị isi alị, wẹ k'a rachan uzunzun rị ị ụkụ. Ogẹn hụ kẹ y'e gi marịn nị mmẹ wụ Osolobuẹ; nị ifẹnrẹn emẹkọ ndị gi m dọn ẹnya.”

Azaya 51:3

Osolobuẹ k'a rọkọrịrị Zayọnụ obi, mẹ omikẹn dọnzi ebe ile rịn'a wiwini. O k'e mẹ alị a te kpọgụ nkụn mẹmẹ ihiẹn ọhụnma nọkẹ Idẹni; o k'e mẹ alị a te wiwini n'ọ nọ kẹ ugbo-nta Osolobuẹ. Ịghọghọ lẹ obi-ụsụọ k'a rị alị a, Ịkpanmịn Osolobuẹ lẹ ịbụ-ẹbụ.

Azaya 52:10

Osolobuẹ sikọ d'a ghọsị ẹka a rị nsọ idẹnya alị ndị ọzọ ile, elu-ụwa ile a hụn kẹ Chuku ẹnyi dọn a zụọpụha.

Azaya 60:16

Alị-eze ichẹn-ichẹn k'e mẹdẹ ụnụ kẹ ụmụ wẹ rị e ye ẹran; ndị-nze k'e mẹni ụnụ kẹ ụmụ rị a ra ẹran, ụnụ e gi ẹ marịn nị mmẹ, Osolobuẹ, wụ Onyẹ hụn a zụọpụhanị ụnụ, Onyẹ mgbapụha ụnụ, Dikẹn ebọn Jekọpụ.

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Azaya 64:4

Gha alị lala, anụtuni wẹ n'o nwọn Chuku ọzọ nọ kẹ yụ, onwọntudẹni onyẹ o feban ntịn; ahụntuni wẹ Chuku ọzọ nọ kẹ yụ, hụn e mẹni ndị e chen'ẹ ihiẹn y'e mẹ.

Azaya 65:18

Ka ghọghọma nị jẹnrin ejẹn, nwọnsọnmẹ anwịnrịn, makẹ ihiẹn m jẹnkọ d'e ke! Lee n'ẹ, m'e d'e ke Jerusalẹm n'ọ wụrụ ihiẹn ịghọghọ, ndị Jerusalẹm a wụrụ ndị wẹ gi a ghọghọ.

Azaya 8:17

M jẹnkọ d'e cheri Osolobuẹ, hụn rị e zuemẹni ikpụnọ Jekọpụ ihun ẹ. M jẹnkọ d'e gi ẹ e dọn ẹnya.

Maịka 7:7

Kanị, mmẹ nwẹn, Osolobuẹ kẹ m'e lee; m k'e cheri Chuku hụn a zụọpụhanị m; Chuku m jẹnkọ d'a za m.

Habakọkụ 3:18

m k'e gikwọ Osolobuẹ a ṅan; m k'e gikwọ onyẹ hụn a zụọpụhanị m a ghọghọ.

Zẹkaraya 10:7

Ogẹn hụ ndị Ifrem k'a nọ kẹ odogun-agha; obi k'a gha a sụọ wẹ ụsụọ nọkẹ sị wẹ ra manya. Ụmụ wẹ k'a hụn a, ghọghọma; ẹfọ k'a sụọ wẹ ụsụọ makẹ Osolobuẹ.

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Luku 2:25

Ogẹn hụ, o nwọn okẹnnyẹ ohu w'a kpọ Simiọnụ hụn bi Jerusalẹm. Onyẹ ezi-omumẹ k'ọ wụ; ara gi ofufe Osolobuẹ gu egu, e che ni Osolobuẹ zụọpụha ndị Izrẹlụ. Mmọn-nsọ nọyen'ẹ anọyeni.

Ndị Filipi 3:1

Umunẹ m, igi mẹkin: m sị ụnụ, a ghọghọ nị imẹ Di-nwọnni-ẹnyi. Ndụn idezini ụnụ ihiẹn m degụnị ụnụ mbụ agụkọ m, makẹni o k'e yeni ụnụ ẹka.

Ndị Filipi 3:3

Makẹni, ẹnyi nwẹn wụ ndị hụn kwa ezigbo ugun: ẹnyi ndị rị e fe Osolobuẹ ofufe imẹ-mmọn ghahanị Mmọn-nsọ, ẹnyi ndị gi Kraịstị wụ Jizọsị e dọn ẹnya, a nyan isi, ẹnyi ndị ghalẹni e gi ihiẹn ẹnya e legha e dọn ẹnya,

Taịtọsụ 2:13

kẹ ẹnyi dọn rị e che okẹn ngọzi ahụn ẹnyi rị e lee ẹnya a, ọbịbịa ahụn Osolobuẹ ẹnyi hi ogbe wụ Jizọsị Kraịstị Onyẹ-nzụọpụha ẹnyi jẹnkọ d'e gi ọghọ bịa.

Pita Ibuzọ 1:6

Ọ hụ nwan a sụọ ụnụ, ọsụọn'a nị ụnụ rị nwan a hụnjun ẹnya yeni nlele ichẹn-ichẹn jẹnkọlẹni d'e bie hụn wẹ rị e lele ụnụ makẹni ọ rịka mkpa nị wẹ lele ụnụ;

Pita Ibuzọ 1:8

Ihiẹn Jizọsị rị nwan a sụọ ụnụ, ọsụọn'a nị ụnụ eleghatun'ẹ; ụnụ kwerin'ẹ, ọsụọn'a nị ụnụ arị nwan e legha a; ụnụ hụ nwan a ghọghọ ọda-ọda, okẹn ịghọghọ ọnụ ghalẹni a s'ẹka a kọwa,

Pita Nke Ẹbụọ 3:12

e che Ụhụọhịn Osolobuẹ, e mẹ ẹ n'ọ bịakẹnrin, Ụhụọhịn hụ o k'a mụ ọkụn ye igwere, o dẹnpụ, ihiẹn ile a rịnranpụ.

Rẹvẹleshọnụ 1:7

Lee ẹ! O nyinla orukpu; ẹnya ile jẹnkọ d'a hụn a — kẹ ndị hụ dụn a ihiẹn. Ndị alị ile rị ụwa jẹnkọ d'a kwan ẹkwan makẹ ufiri ẹ. Ẹrịra k'o jẹnkọ d'a rị! Isẹẹ!

Rẹvẹleshọnụ 22:20

Onyẹ hụn ku ihiẹn ndịnị sị, “Ẹghẹẹ, m lala ẹgwa!” Isẹẹ! Jesu Onyẹ-nwọnni-ẹnyi, bịa!