Azaya 25:4 - Ika

⁴ Ịyụ wụ ebe ndị igbẹnnyẹ a gbaban, ebe onyẹ mkpa gi a gbaban ogẹn nsọngbu ẹ, y'e kpumẹ ịhịan ebe okẹn ẹbi rị a kpọ, ị wụzị igungun ogẹn anwụn rị ma. Makẹni ihiẹn ndị ẹfọ-njọ rị e mẹ ịhịan nọ kẹ okẹn ẹbi rị a kpọ ẹhụ-ụlọ,

Azaya 25:4 ပူးပေါင်းရင်းမြစ်များ

Ẹbụ-ọma 107:41

kanị ọ gbapụha ndị ụya rị e ri imẹ eje-ọnọdị, mẹ ikpụlọ wẹ ba ụba rịkẹ ihiẹn-uriri.

Ẹbụ-ọma 119:31

Euu Osolobuẹ, hụn i ku kẹ m kwọnkẹnmẹ; dodo, egbekwọlẹ ifẹnrẹn ye m ihun!

Ẹbụ-ọma 12:5

Osolobuẹ sị, “Makẹ ọbịangbu wẹ rị a bịangbu ndị zelẹni lẹ udẹn ndị rị imẹ-nsọngbu rị a sụn — m jẹnkọ d'e lihi nwan d'e che wẹ nche hụ rị wẹ obi ọda-ọda.”

Ẹbụ-ọma 121:5

Osolobuẹ wụ onyẹ-nche i; Osolobuẹ rị ị ẹka-nni e kpumẹ i kẹ igungun dọn e kpumẹ ịhịan:

Ẹbụ-ọma 35:10

Ihiẹn ile rị imẹ m jẹnkọ d'e yi, “Onyẹ nọ kẹ yụ wụ Osolobuẹ?! Y'a gbapụha ndị wẹ rị a bịangbu ẹka ndị rị a bịangbuni wẹ, a zụọpụha ndị wẹ rị e mẹgbu lẹ ndị wẹ rị e sọngbu ẹka ndị rị e mẹgbuni wẹ.”

Ẹbụ-ọma 55:8

Nkẹ m'a gbashi ebe m'a nọ wanahịn — wanahịn okẹn ufere lẹ ẹbini rị a kpọnị!”

Ẹbụ-ọma 72:13

O mẹ omikẹn ndị ndụn rịlẹni lẹ ndị ụya rị e ri, ọ zụọpụha ndụn ndị ụya rị e ri.

Ẹbụ-ọma 72:4

Eze ya kinni ndị ụya rị e ri ọnụ wẹ; ya gbapụha ụmụ ndị ẹka wẹ rulẹni, gweriẹn onyẹ rị a bịangbuni.

Ẹbụ-ọma 9:10

Ndị marịnn'ị gi i e dọn ẹnya, makẹni onwọnni ogẹn yụ wụ Osolobuẹ gi a latọ ndị bịa d'e kunrunn'i.

Ẹbụ-ọma 91:1

Onyẹ hụn warị okpuru Chuku Kachanrịnnị, a rịsọnmẹ igungun Onyẹ Nwọn Ikẹn Ile.

Azaya 11:4

O k'e kinni ndị rị e ri ụya ọnụ; o k'a hannị ndị igbẹnnyẹ ụwanị ezigbo eṅẹn, ye wẹ ihiẹn runi wẹ. Mkpịnsịn rị a ọnụ k'o k'e gi gbu ụwanị; umẹrẹn rị a ụgb'ọnụ k'o k'e gi gbupụ ndị eje-omumẹ.

Azaya 14:32

Kịnị kẹ wẹ jẹnkọ d'a shịarị ndị ụkọ alị hụ zila? “Osolobuẹ e tumẹgụọ Zayọnụ; imẹ Zayọnụ kẹ ẹhụ a nọ fu ndị nke ẹ wẹ rị e mẹkpa ẹhụ.”

Azaya 16:3

“Dodo, bucheni ni ẹnyi ọnụ; kuyeni ni ẹnyi! Wụrụnị nị ẹnyi igungun ogẹnni anwụn rị a ma ẹnyi ọda-ọda. Zuemẹ ndị nkẹ ẹnyi gbakọ ọsọ agha, erekwọlẹ ni ẹnyi ye ndị rị a chụnị ẹnyi.

Azaya 17:10

Kị haịn? Makẹni y'a zọgụọ Chuku ahụn a zụọpụhanị ị; y'a nyanhannị Ọmụma hụ y'a gbaban imẹ ẹ. Ọ sụọkwọ ị nwan kụn ihiẹn-akụnkụn rịgbu enwẹn ẹ mma, kụndẹ vaịnị pụ ichẹn wẹ gha alị ọzọ wẹhẹ;

Azaya 27:5

Omẹni achọnị wẹ nsọngbu, wẹ bịakwọ d'e gbọnni m; wẹ bịa d'a rịọ m; wẹ bịakwọ d'a rịọ m.”

Azaya 28:6

O k'a wụrụ mmọn wẹ gi a han ezigbo-eṅẹn jẹnni onyẹ e dọnzi oku, wụrụ ikẹn ndị agha hụn a nọ ọnụ-mgbọn e gbọndọn agha.

Azaya 29:19

Ndị welụa enwẹn wẹ alị k'a ghọghọmazị makẹ Osolobuẹ; ndị ogbẹnnyẹ a ghọghọma ọda-ọda makẹ Onyẹ-nsọ Izrẹlụ.

Azaya 29:20

Ndị ẹfọ jọ arịkọzị a, ndị a mụ ịhịan ẹmụ arịkọzị a; wẹ k'e gbupụ ndị ile ẹnya wẹ rị eje-ihiẹn —

Azaya 29:5

Kanị, ndị-iṅẹnrẹn i ahụn bu ọda k'a la iwi, a nọ wẹ kẹ uzunzun riẹnni; igunrun ndị iwe i hụ ghalẹni e mẹ omikẹn k'a nọ kẹ ẹfịfịa w'a fụpụ: Idẹnmizi, njube-ẹnya ohu,

Azaya 32:2

Onyẹ-onyẹ imẹ wẹ sikọ d'a wụrụ ebe ịhịan a warị ogẹn okẹn ufere lẹ ebe w'a gbaban ẹbi gha a kpọ; wẹ k'a nọ kẹ mirin iyi imẹ alị ọkpọ-nkụn, lekẹ igungun okẹn-ọmụma imẹ alị anwụn nọ a mụ ọda-ọda.

Azaya 33:16

Ndị nọ ẹnịna k'e bi ebe jẹn elu eje-ihiẹn ghalẹni e ru, elu ugu ebe ọmụma nọ e gbọnhunmẹ wẹ kẹ wẹ k'e bi; achọkọ wẹ ihiẹn-oriri; mirin w'a ra agụkọ.

Azaya 33:2

Osolobuẹ dodo, mẹ ni ẹnyi omikẹn — nị ịyụ kẹ ẹnyi rị e lee ẹnya. Wụrụ ikẹn ẹnyi ụtụntụn ọwụlẹ; wụrụ nị ẹnyi onyẹ nzụọpụha ogẹn nsọngbu.

Azaya 37:36

Ya Mmọn ozi Osolobuẹ nọ jẹn ebe ndị-agha Asiria ziẹntọ, gbupụ ndị-agha nnụ-uku isẹn-kwasị-ọgụn-itenẹi (185,000). Eki e fọn, ndị alị a hụn ozun ndị hụ ile kẹ wẹ jun ụzọ ile!

Azaya 49:25

Kanị, Osolobuẹ sị nwan, “Wẹ sikọ d'a napụhadẹ dikẹn onyẹ hụn ọ kpụnrụn, zụọpụhadẹ ịhịan ẹka onyẹ zegbu enwẹn ẹ; mmẹ lẹ ndị rị a lụsọn i ọgụn k'a lụ ọgụn, a zụọpụha m ụmụ ị.

Azaya 57:13

Ogẹn ụnụ e gi kwanma, a chọ eyemẹka, mmọn lẹ iyi ndị hụ ụnụ kpọntọ wẹ bịakwọ d'a zụọ ụnụ! Ufere k'e bupụ wẹ, uzun mmaka kẹ wẹ e gi buhuhudẹ wẹ. Kanị, onyẹ hụn gbaburuni m k'e nwọnrin alịnị, nwọnrinzikwọ Ugu nsọ m.”

Azaya 66:2

Ẹlẹ ẹka m mẹmẹ wẹ, haịn wẹ gi rị?” Ya kẹ Osolobuẹ ku. Onyẹni kẹ m'a kpọ ịhịan: onyẹ hụn e welụa enwẹn ẹ alị njọ a e gbu mgbu obi, hụn a nụ oku m, e mẹhunmẹ.

Azaya 8:14

o k'a wụ ebe rị nsọ w'a gbaban; kanị, ọmụma ịhịan a kpọgburu lẹ nkumẹ e mẹ wẹ a dan k'o k'a wụrụnị azụụn ẹbụbụọ rị Izrẹlụ. Nke ndị bi imẹ Jerusalẹm, ọnyan lẹ ihiẹn w'e gi kwọndọn wẹ k'o k'a wụrụnị wẹ.

Jerimaya 16:19

Euu, Osolobuẹ, Ikẹn m lẹ Ebe m'a gbaban, Onyẹ m'e gbọnni ogẹn nsọngbu! Ndị alị ile rị elu-ụwa jẹnkọ d'e buruhẹ i, sị ị, “Mmọn ndị ahụn ndị nẹdi ẹnyi fe ẹlẹ Chuku nke-esi, ihiẹn wẹ kpụhụ kẹ wẹ wụ o nwọnni erere wẹ bannị wẹ.

Izikẹlụ 38:9

O ru ogẹn ahụn, i jẹnkọ d'a bịa lekẹ okẹn ufere, rutọ kẹ orukpu d'e kpumẹ alị Izrẹlụ, yụ lẹ ndị agha ị ile lẹ ndị alị ọzọ bu ọda yụ lẹ wẹ wị.

Zẹfanaya 3:12

M k'a latọnị ụnụ ndị nwọnlẹni ihiẹn wẹ kpọ wẹ lẹ ndị w'e legberi; wẹ k'e gi ẹfan Osolobuẹ dọn ẹnya.

Jemisi 2:5

Ezigbo umunẹ m m bu obi, gọn ni ntịn! Osolobuẹ a họrịgụọnị ndị wụ igbẹnnyẹ imẹ ụwanị mẹ wẹ wụrụ ndị-ịdanfịn imẹ okukwe, wụrụzị ndị k'a banye Alị-eze hụ o kwe nkwa n'o k'e ye ndị ihiẹn ẹ a sụọ?