Azaya 25:2 - Ika

² Y'e mẹgụọ obodo họnrin mkpọkọ-mkpọkọ, mẹ obodo wẹ tụnhunmẹ mgbọn zeni wụrụ ihiẹn wẹ tikpọ la iwi; okẹn obodo nwẹn ndị alị ọzọ gi e dọn ẹnya arịzị a; atụndọnzikọ w'a.

Azaya 25:2 ပူးပေါင်းရင်းမြစ်များ

Jobu 12:14

O tikpọ ihiẹn, w'a ra sa ẹka tụndọnzi ẹ; ọ tụ ịhịan ngan, w'a ra s'ẹka wepụha a.

Azaya 13:20

Ọ rịkọzị — ọ rịkọzị, ụwa e we gụ; onwọnni onyẹ Arabụ k'e ziẹntọdẹ ebẹhụ, onwọndẹni onyẹ e du anụ k'a nị anụ a nọ ebẹhụ zu ikẹn.

Azaya 13:21

Anụ a kpa imẹ atụ k'a gha e dinẹ ebahụn — anụ ndị e yi oro k'e jun mkpọkọ ụlọ ndị hụ ozuzu-uku k'e bizi ẹ ewu-ọfịa a nọ ebẹhụ a wụhunmẹ.

Azaya 13:22

Eje-nkitẹ ọfịa wụ haịna k'a rị mkpọkọ okẹn ụlọ wẹ a gbọ, anụ-ọfịa wụ jakalụ nkẹ a nọdị mkpọkọ obi-eze ọma wẹ a gbọzịkwọ. Ogẹn w'e gi tikpọ Babilọnụ a rịgụọ nsue! O biekọzị.

Azaya 14:23

“M k'e gi ẹ họnrin ebe anụ ọfịa e bi lẹ alị ịkpọtọ la iwi: m k'e gi ẹzịza-ntikpọ zahu ẹ,” ya kẹ Osolobuẹ ihiẹn ile rị okpuru ẹ ku.

Azaya 17:1

Ihiẹnni kẹ Osolobuẹ ku Banyeni Damaskọsụ: Ọ sị, “Lee ẹnya, Damaskọsụ awụkọzị obodo; o k'a wụrụ ikpọn mkpọkọ-ihiẹn mkpọkọ-ihiẹn.

Azaya 17:3

Obodo uku wẹ tụnhunmẹ mgbọn arịkọzị Ifrem wụ Izrẹlụ Ẹbamịn-ugu; Damaskọsụ alị Aram enwọnkọzị eze. Ndị Aram k'a họdụnị k'a nọhụ kẹ ndị Izrẹlụ Ẹbamịn-ugu họdụnị ọghọ wẹ lagụ.” Ịya kẹ Osolobuẹ ihiẹn ile rị okpuru ẹ ku.

Azaya 21:9

Lee ẹ, okẹnnyẹ ohu gi ụgbọ-ẹshin lala — lẹ ẹshin ndị wẹ kwọngbama ẹbụọ-ẹbụọ dọnkpụkọn'a. Ihiẹn ọ shịarị m wụ, ‘Babilọnụ a dangụọ! Mmọn ile wẹ kpụ e gungwọnpụgụọ tọ alị!’ ”

Azaya 23:11

Osolobuẹ e bugụọ ẹka zinmẹ ohimin, e mẹhunmẹ alị-eze ndị rịn'a. Ọ sịgụọ wẹ mẹ Finishịa ihiẹn, wẹ tikpọpụ ebe ile rịn'a wẹ gisọnmẹ e dọn ẹnya.

Azaya 23:13

Lee kẹ alị ndị Kal'di wụ Babilọnụ nọ nwan, ndị hụ nwọnzilẹni nwan ebe wẹ rị! Ndị Asiria e gigụọ alị hụ họnrin ebe anụ-ọfịa ichẹn-ichẹn e bi; ndị Asiria rụnhụ mkpọnyin wẹ gi a lụsọn obodo nwọn mgbọn agha, nọ a gba ebe ile Babilọnụ gi dọn ẹnya okpokoro, mẹ alị hụ họnrin mkpọkọ-mkpọkọ!

Azaya 24:10

Obodo hụ wẹ tikpọ a gba okpokoro; a kpọkinchanrịngụọ wẹ ụlọ ile makẹ ịhịan gha a banye ẹ.

Azaya 25:12

O jẹnkọ d'e wetuchanrịn okẹn mgbọn ụnụ ndị hụ zeni, o we wẹ gbama alị; wẹ k'e wetu wẹ ru alị — ruchanrịndẹ imẹ uzunzun lẹ enwẹn ẹ.

Azaya 26:5

O wetu ndị nọdị ebe jẹn elu alị, o bu obodo nwọn okẹn-ọghọ a gbama alị, ọ kụkpọchanrịn a ru alị; ọ tụ a ye imẹ ẹjan.

Azaya 27:10

E mẹrigụọ wẹ obodo nwẹn wẹ te tụnhunmẹ mgbọn, mẹ ẹ gba okpokoro; o họnringụọ ebe wẹ gbatọ, ebe wẹ latọ nọkẹ atụ; mmụ-efin k'a rị ebẹhụ, a kpa nni, e dinẹsọnmẹ ebẹhụ, e ripụ ẹhụhụọ rịsọnmẹ agalaba osisi ebẹhụ.

Azaya 32:14

Ẹghẹẹ, obi-eze jẹnkọ d'a gba okpokoro, obodoni ịhịan jun a gba okpokoro; kẹ isi-obodo kẹ ụlọ-nche uku rịn'a jẹnkọ d'a wụrụ ebe wẹ latọ — ebe jaki-ọfịa lẹ anụmanụ ndị ọzọ nọ a kpa nni, wụrụ a jẹnrin ejẹn.

Azaya 32:19

Ọsụọn'a nị ẹkwan-igwere lẹ ẹbi k'e nutu ẹgboko, ọsụọn'a nị wẹ k'e tikpọ obodo ukuni ile —

Azaya 34:13

Ogun k'e suekin ụlọ-uku ile wẹ te gi dọn ẹnya, abịogun lẹ mkpalị e suekin ebe ile wẹ te a gbaban. O k'e họnrin ebe nkitẹ-ọfịa wụ jakalụ nọ a kpa lẹ ebe ozuzu-ọfịa e bi.

Azaya 37:26

“Ụnụ eke nụ nị mmẹ ku ẹ kete-kete nị ihiẹn ndịnị k'e mẹ? Mmẹ rotọ wẹ ẹdẹi — e mẹgụọ m wẹ nwan ogẹnni, ebe m nọ nwan mẹ i tikpọchanrịn obodo ichẹn-ichẹn zegbu enwẹn wẹ — e họnrin wẹ ikpọn ọmụma.

Jerimaya 51:26

Ahụnkọdẹ wẹ ọmụma ọwụlẹ imẹ i weri, kẹ hụn w'e gidẹ gbe iyetọ mọbụ dadọn ụlọ, makẹni ị k'a gbachanrịn okpokoro jẹnrin ejẹn. Mmẹ wụ Osolobuẹ ku ẹ.

Jerimaya 9:11

Osolobuẹ sị, “M k'e mẹ Jerusalẹm wụrụ mkpọkọ-ụlọ, mkpọkọ-ụlọ, nkitẹ-ọfịa e bi atụ e biri ẹ; m k'e tikpọchanrịn obodo ndị rị alị Juda la iwi, onwọnzini onyẹ k'a sa ẹka bi imẹ wẹ.”

Ditrọnọmi 13:16

Kpọnkikomẹ ni ihiẹn ile rị obodo ahụn kpọnye etintinnaị ogbe obodo hụ, ụnụ a dụnpụchanrịn kẹ obodo kẹ ihiẹn ndị ahụn ile ọkụn, nị wẹ ile họnrin ẹjan wẹ dụnnị Osolobuẹ wụ Chuku ụnụ ọkụn. Obodo hụ k'a rị mkpọkọ-mkpọkọ jẹnrin-ejẹn; atụndọnzikọ w'a.

Rẹvẹleshọnụ 18:19

A bụọ wẹ uzunzun ye isi, a kwan, e goo, a sị, “Heuu! Heuu! Ledẹ Obodo uku nwẹn ndị ile nwọn ụgbọ-mirin a gba imẹ ohimin gi ẹfe ẹ hi ọdanfịn! O gigụọ ube ohu, mgbahunmẹ ọkụrọkụ ohu, gba okpokoro!