Azaya 25:1 - Ika

¹ Euu Osolobuẹ, ịyụ wụ Chuku m; m k'e ye i ọghọ, ja ẹfan ị mma, makẹni y'e mẹgụọ kẹ onyẹ wẹ gi e dọn ẹnya, mẹ okẹn-ihiẹn ichẹn-ichẹn a tụ ẹnya, ihiẹn ndị hụn ị rotọ mbụ-mbụ.

Azaya 25:1 ပူးပေါင်းရင်းမြစ်များ

Ẹbụ-ọma 111:4

O mẹgụọ ihiẹn wẹ gi a nyanhan ọrụn-atụmẹnya ndị ọ rụn; Osolobuẹ wụ onyẹ ẹfọma lẹ onyẹ-omikẹn!

Ẹbụ-ọma 118:28

Ịyụ wụ Chuku m, m k'a kpanmịn ị; Chuku m, m k'a ja ị mma.

Ẹbụ-ọma 145:1

M k'a ja ị mma, Chuku m hụn wụ Eze; m k'a ja ẹfan ị mma jẹnrin ejẹn.

Ẹbụ-ọma 146:2

M k'a ja Osolobuẹ mma e we m nwụn; m k'e gi ẹbụ ja Osolobuẹ m mma e we nwụn.

Ẹbụ-ọma 31:15

Ihiẹn ile gbashịarịnị m rị ị ẹka; dodo, zụọpụha m ẹka ndị-iṅẹnrẹn m lẹ ndị rị a chụnị m.

Ẹbụ-ọma 40:5

Osolobuẹ wụ Chuku m — y'a rụnọlẹ ihiẹn a tụ ẹnya bu ọda i rotọnị ẹnyi; onwọnni onyẹ nọ kẹ ịyụ; m sị nị m gbama wẹ, wẹ k'a karị ẹka.

Ẹbụ-ọma 40:6

Kẹ ẹjan kẹ oyiye onwọnni hụn ị chọ, kama y'a shịapụgụọ m ntịn nị m ghọta; kẹ ẹjan w'a dụn ọkụn kẹ ẹjan-njọ onwọnni hụn ị chọ.

Ẹbụ-ọma 46:10

Ọ sị, “Kụsị nị! Gi n'ẹ dọn nị mmẹ wụ Chuku! Alị ile sikọ d'a gbaye m; Elu-ụwa ile k'a gbaye m!”

Ẹbụ-ọma 75:2

Chuku sị, “O ru ogẹn m kaye, m k'a han ezigbo eṅẹn.

Ẹbụ-ọma 78:4

Ẹnyi ezuemẹkọnị ụmụ wẹ ya; ẹnyi k'a gwarịrị agbọ lalanị ya, gwa wẹ ihiẹn furu w'a ja mma Osolobuẹ rụn, gwa wẹ ikẹn ẹ lẹ ọrụn-atụmẹnya a.

Ẹbụ-ọma 89:1

M k'e gi ihiẹn-ọsụsụọ Osolobuẹ bụ ẹbụ jẹnrin ejẹn! M k'e gi ọnụ m gwa agbọ ile n'ị wụ onyẹ wẹ gi e dọn ẹnya!

Ẹbụ-ọma 98:1

Bụ nị nị Osolobuẹ ẹbụ ọhụn, makẹni ọ rụnọlẹ ọrụn atụmẹnya! O gigụọ ẹka-nni ẹ, ẹka-nsọ a, nwọnrin mmẹri.

Ẹbụ-ọma 99:5

Bushi ni Osolobuẹ wụ Chuku ẹnyi elu; kụ nị isi alị ebe ọ tụkwasị ụkụ! Onyẹ rị nsọ k'ọ wụ!

Ọpụpụ 15:2

Osolobuẹ wụ ikẹn m lẹ ẹbụ m; ọ zụọpụhagụọ m. Chuku m rọ, m jẹnkọ nwan d'a ja a mma; Chuku hụn nẹdi m fe rọ, m k'e tuchan a.

Azaya 11:5

Ezi-omumẹ k'a wụ akpụkpọ-ukun ẹ, ịwụ onyẹ wẹ gi e dọn ẹnya a wụrụ nfifie o kẹnmẹ ukun.

Azaya 12:1

O ru ogẹn ahụn, ị k'a sị: “Euu Osolobuẹ, m k'a ja ị mma! Ezioku, i te rị e buni m olulu, kanị olulu i a rọgụọ nwan; y'a rọkọgụọ m obi.

Azaya 26:13

Euu Osolobuẹ wụ Chuku ẹnyi, ndị ọzọ a kịzịghọ ẹnyi, kanị ẹfan ịyụ sụọ kẹ ẹnyi e ye ọghọ.

Azaya 26:8

Ẹghẹẹ, Osolobuẹ, eṅẹn i kẹ ẹnyi marịn; ẹnyi rị e che i; ẹfan ị lẹ ọghọ ị kẹ ẹnyi chọkọ.

Azaya 28:29

Ọnwan wụzịkwọ ẹka-ọrụn Osolobuẹ ihiẹn ile rị okpuru ẹ; Okẹn onyẹ ndụnmọdụn k'ọ wụ, hụn marịn ihiẹn ọda-ọda!

Azaya 40:27

Kị haịn i gi e ku ẹnịna, ebọn Jekọpụ, kị haịn i gi e dẹnnwịnwịn, Izrẹlụ, a sị, “Osolobuẹ amarịn k'ọ rị m; Chuku m a lagụọ oku m tọ”?

Azaya 46:10

M'a nọ mbidọn e ku ọgụgụ, e mẹ ndị mbụ-mbụ a marịn ihiẹn rị ihun. M sị: “Ihiẹn hụn m bu obi k'e mẹrịrị; m k'e mẹchanrịn ihiẹn ile m chọ nị m mẹ.”

Azaya 46:11

M'a gha ẹbamịn ọwụwa-ẹnyanwụn a kpọha nnụnụ e ri anụ; m'a gha alị hụn tegbu enwẹn ẹ a kpọha okẹnnyẹ hụn k'e mẹ ihiẹn m bu obi. Ihiẹn hụn m ku, m k'e mẹzurịrị a, ihiẹn hụn m romẹ, m k'e mẹrịrị a.

Azaya 49:4

Kanị, mmẹ nwẹn hụ a sị, “A rụngụọ m ọrụn ọlaliwi; a rụngbugụọ m enwẹn m mmaka. Kanị, a marịnghọ m nị Osolobuẹ k'e ye m ihiẹn runi m, nị Chuku m k'a kụ m ụgwọ-ọrụn.”

Azaya 49:5

Lee nwan ihiẹn Osolobuẹ ku, Osolobuẹ hụn mẹmẹ m imẹ ẹfọ nnẹ m nị m wụrụ odibo ẹ kẹni m wekinhẹnn'ẹ ebọn Jekọpụ lẹn'ọ hụn ụzọ wegbama ndị Izrẹlụ ebe ọ rị, makẹni Osolobuẹ e yegụọ m ọghọ ebe ọ rị, Chuku m hụ e ye m ikẹn ogẹnni ile —

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Azaya 7:13

Ya Azaya nọ sị, “Gọn ni ntịn, ụnụ ndị ikpụlọ Defidi! Ebe ụnụ chọru ihiẹn rị ịhịan ọnụ eke hi? Ụnụ k'a chọmazị ihiẹn rị Chuku m ọnụ?

Juwẹlụ 2:26

Ụnụ k'a hụn ihiẹn-oriri ri ọhụnma-ọhụnma, ẹfọ e jun ụnụ, ụnụ a ja ẹfan Osolobuẹ wụ Chuku ụnụ mma, onyẹ hụn rụn nị ụnụ okẹn ọrụn atụmẹnya. Onwọnzini ogẹn ụya e gi ri ndị nke m.

Ọgụngụn 23:19

“Osolobuẹ ẹlẹ ịhịan hụn o gi tụ ntụ; ẹlẹ ịhịan mụ a hụn o gi rohutọ. N'o ku oku bụ o mẹn'ẹ? N'o kwe nkwa bu o mẹzun'ẹ?

Ndị Ẹfẹsọsụ 1:11

Makẹni ẹnyi rị imẹ Kraịstị, ihiẹn Osolobuẹ a wụrụgụọ nke ẹnyi, makẹni Osolobuẹ hụn e mẹ ihiẹn ile n'o gi ẹ mẹzu uche ẹ gi ẹka a họtọ ẹnyi n'o gi ẹnyi mẹzu uche ẹ.

Rẹvẹleshọnụ 15:3

Wẹ hụ a bụ ẹbụ odibo Osolobuẹ wụ Mozizi lẹ ẹbụ Nwa-ebulu hụ: “Euu Chuku-nwọnni ẹnyi hụn nwọn ikẹn ile! Y'e mẹkẹ okẹn ihiẹn lẹ ihiẹn a tụ ẹnya! Euu, Eze alị ile! Ezioku lẹ ẹka furuni k'i gi e mẹ ihiẹn i.

Rẹvẹleshọnụ 19:11

Ya m nọ hụn kẹ elu-igwee kpupụ, a hụn m ẹshin ọchan ebẹhụ; ẹfan onyẹ rị e nyinn'ẹ wụ “Onyẹ-wẹ-gi-dọn-ẹnya lẹ Ezioku.” Ọ han ezigbo eṅẹn, a lụ agha furuni.

Rẹvẹleshọnụ 7:12

a bụ ẹbụnị: “Isẹẹ! Ịja-mma lẹ ọghọ lẹ amamihiẹn lẹ ekele lẹ mgbaye lẹ ikẹn lẹ akwanran wụ nke Chuku ẹnyi jẹnrin ejẹn! Isẹẹ!”