Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Azaya 24:6 - Ika

6 Ya kẹ abụmọnụ gi e ripụ elu-ụwa, ndị rịn'a k'e gi isi wẹ buru eje-ihiẹn wẹ mẹ. Ya haịn ọkụn gi dụnpụ ndị rị elu-ụwa, ndị họdụnị e hizini kaka.

အခန်းကိုကြည့်ပါ။ ကော်ပီ




Azaya 24:6
28 ပူးပေါင်းရင်းမြစ်များ  

Jehoyakini eze Juda lẹ nnẹ ẹ lẹ ndị ọrụn a lẹ ndị-isi lẹ ndị ile a rụnn'a ọrụn imẹ obi-eze nọ we enwẹn wẹ ye eze Babilọnụ. Ọ rị ahụa ẹsatọ eze Babilọnụ kịma k'ọ nwụnrụn Jehoyakini.


Kanị, o nwọnghọ ndị kachanrịn ogbẹnnyẹ e mẹ ọ latọ imẹ ẹ kẹni wẹ hụn ụzọ e lepụ ihiẹn wẹ kụn alị vaịnị lẹ ugbo ẹnya.


Ndị wụ dikẹn k'a rị kẹ ẹfịfịa-ọkpọnkụn, ihiẹn wẹ mẹ e họnrin ihiẹn wẹ gi mụye ẹ ọkụn; ọkụn k'a dụn wẹ ẹbụbụọ, onwọnni onyẹ k'e tinyụnn'a.


Omẹni Osolobuẹ ihiẹn ile rị okpuru ẹ ete latọnịnị ẹnyi ndị ọ latọnị ẹnyi, nkẹ ẹnyi a rịgụọ kẹ obodo Sodọm, nkẹ ẹnyi a nọgụọ kẹ obodo Gomora.


Ọpịa-agha m rajungụ ẹfọ elu-igwere, o k'e hidan d'e ye alị Ẹdọm afụnfụn, ndị alị Ẹdọm hụn m wegụ kwanị ndị k'e gbuchanrịnnị wẹ.


M jẹnkọ nwan d'a fa ndị okẹn ịhịan rị imẹ Ụlọ-nsọ ụnụ, m k'e gi Jekọpụ họnrin ihiẹn wẹ k'e tikpọ, ẹghẹẹ, e we m Izrẹlụ ye wẹ kpari.”


Ufiri ẹ, kẹ ọkụn dọn e ripụ irurue-ọkpọnkụn lẹzi kẹ ẹfịfịa-ọkpọnkụn rị ọkụn dọn a nyụnlụa, ẹrịra kẹ mkpọgụn wẹ k'a dọn rehi, ufere e bupụ obobo wẹ nọkẹ ntụn; makẹni a jụgụọ wẹ Iwu Osolobuẹ, Onyẹ ahụn kachanrịnnị, legberi oku Osolobuẹ Onyẹ-nsọ Izrẹlụ.


Ọnụma Osolobuẹ ihiẹn ile rị okpuru ẹ e mẹgụọ alịnị kpọpụ nkụn, ndị alịnị e họnrin nkụn; onwọnni onyẹ e dọnmẹ ibe ẹ ndụn.


Elee mgbe alịnị ile k'a kpọbehi nkụn? Elee mgbe ẹfịfịa rị ugbo ile k'e shinwụnbehi? Makẹni eje-omumẹ ndị bi alịnị a karị ẹka, anụmanụ lẹ nnụnụ a gụgụzịghọ. Kanị wẹ hụkwọ a sị, ‘Ihiẹn ọ rị e ro emẹkọ ẹnyi.’ ”


Lee nwan ihiẹn Osolobuẹ, Chuku ihiẹn ile rị okpuru ẹ, ku: “Ufiri ihiẹnni wẹ ku, m jẹnkọ d'e mẹ oku m wụrụ ọkụn ọnụ ị, e mẹ m ndịnị wụrụ nkụn ọkụn hụ k'a dụn.”


Nọ imẹ ndị ahụn ị k'a bụọyịya weri ẹkẹrẹ kẹnmẹye ẹwuru i yi;


M k'e zi eje-anụ rị ọfịa ye imẹ igunrun ụnụ: wẹ k'e gbu ụmụ ụnụ, gbu anụ ụnụ, mẹ ụnụ belụa ọda-ọda nke wụ nị ọkpụzọ ndị rị alị ụnụ a gba okpokoro.


ụnụ jụ nị ụnụ egọnkọ m ntịn, nị ụnụ egikọ oku iye ẹfan m ọghọ dọn, m k'a bụ ụnụ ọnụ; m k'e gi ịbụ-ọnụ nọkin ngọzi ụnụ — e mẹgụọdẹ m'a, makẹni ụnụ egini oku iye ẹfan m ọghọ dọn. Ya kẹ Osolobuẹ ihiẹn ile rị okpuru ẹ ku.


“Ụnụ a wụrụọlẹ ndị wẹ bụ ọnụ makẹ ohin ụnụ rị e zun m — ụnụ ndị alịnị ile!


“Lee ẹ, nị ụhụọhịn hụ lala! O k'a nọ kẹ ọkụn rị ẹnya-mgba, ndị ile rị e mẹkarị enwẹn wẹ lẹ ndị e mẹ eje-ihiẹn a wụrụ ẹfịfịa ọkpọ-nkụn o gi dụn. Ya kẹ Osolobuẹ ihiẹn ile rị okpuru ẹ ku. Ọ latọkọnị wẹ mkpọgụn ụhụọhịn hụ, ọ latọkọnị wẹ agalaba.


o k'e mẹ ndị nẹdi romẹzi ụmụ wẹ, mẹ ụmụ romẹzi ndị nẹdi wẹ — m bịa, amamgbe m'e tikpọ alịnị makẹni ọ rụgụọ.”


Igunrun hụ ile nọ sị, “Ẹghẹẹ, ẹdeke ẹ ya rị ẹnyi lẹ ụmụ ẹnyi isi!”


Kanị, ọnụ-mgbọn wẹ gha a banye ndụn mẹ warara ọda-ọda, w'a fagha ụzọ a a fagha; ndị a hụnn'a ebuni ọda.


Nke ndị Izrẹlụ, Azaya gi wẹ yi oro, sị, “Ọsụọn'a nị ndị Izrẹlụ bu ọda kẹ ẹjan rị mkpẹnrẹn ohimin, ndị Osolobuẹ k'a zụọpụha imẹ wẹ ebukọ ọda;


Ẹkẹrẹ sụọ k'a họdụ imẹ ụnụ ile bu nwan ọda kẹ kokisẹ igwere, makẹni ụnụ egọnni Osolobuẹ wụ Chuku ụnụ ntịn.


Osolobuẹ k'e feyịya ụnụ ye alị ndị ọzọ rị ichẹn-ichẹn; ndị k'a hụn isi pụha imẹ alị ndị ahụn Osolobuẹ k'a chụyesọnmẹ ụnụ ebukọ ọda.


Kanị Ụhụọhịn Di-nwọnni-ẹnyi lala idẹnmizi nọkẹ ohin. O ru, igwere sikọ d'e gi okẹn ụzụn fopụ, ọkụn a rịnranpụ ihiẹn ile; ụwa lẹ ihiẹn ile ịhịan nọ imẹ ẹ mẹ a pụha ifọn.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ