Azaya 24:5 - Ika

⁵ Ndị bi elu ụwa e mẹrụchanrịngụọ ụwa; a dangụọ wẹ iwu ndị wẹ ye wẹ, e sọnni wẹ uhi wẹ yini wẹ; e tikpọ wẹ nkwerigbama itẹbitẹ Osolobuẹ.

Azaya 24:5 ပူးပေါင်းရင်းမြစ်များ

Samuẹlụ Nke Ẹbụọ 23:5

Ẹgbata Chuku lẹ ikpụlọ m arịgụọnị mma? O kwegụọnị m nkwa itẹbitẹ, hụn o dọnkwamagụ; hụn ihiẹn ọwụlẹ jẹnkọlẹni d'e mẹ? Ọ zụọpụhachanrịnkọ m, mẹzuchanrịnnị m ihiẹn rị a gụnnị m?

Ndị-nze Nke Ẹbụọ 21:12

Lee nwan ihiẹn Osolobuẹ wụ Chuku Izrẹlụ ku: Ọ sị: M k'e tikpọ Jerusalẹm lẹ Juda otikpọ hụn o mẹni onyẹ nụ a, ọ dan a ntịn ‘Taị!!’

Ndị-nze Nke Ẹbụọ 21:15

O k'e mẹ makẹni e mẹọlẹ wẹ eje-ihiẹn ẹnya m, a kpasu m iwe ọkpasu-ọkpasu ghakwọrị ụhụọhịn ndị nẹdi wẹ gha alị Ijiptu pụha d'e ru tannị.”

Ihiẹn Mẹni Nke Ẹbụọ 33:9

Kanị Manasẹ e duhuhu nwan Juda lẹ ndị Jerusalẹm, nke wụnị e mẹ wẹ eje-ihiẹn karịdẹ ndị alị ndị hụ Osolobuẹ tikpọ buche ndị Izrẹlụ.

Ẹbụ-ọma 105:10

O ru ẹka Jekọpụ, o kwedọnzi ẹ nkwa ahụn, gi ẹ họnrin iwu; o kwezi ndị Izrẹlụ ya, gi ẹ họnrin nkwerigbama itẹbitẹ.

Ẹbụ-ọma 55:5

Egun hụ a tụ m, ẹhụ hụ a ma m nni; a ma m piripiri ọda-ọda.

Azaya 10:6

M zi ẹ d'e mẹshi alị rịlẹni e fe m ikẹn, m tumẹ ẹ d'e mẹ alị kpasu m iwe ihiẹn — ya d'a napụ wẹ ihiẹn wẹ, kwanarịn wẹ ya; zọgbu wẹ kẹ w'a zọgbu ẹjan rị ọkpụzọ.

Azaya 30:9

Makẹni, ndị nnupụ-isi kẹ ndịnị wụ — ụmụ hụn a tụ ntụ, ụmụ chọlẹni nị wẹ nụ ihiẹn Osolobuẹ rị a gwa wẹ.

Azaya 33:8

Ụwaya ile a gba okpokoro, onwọnzini onyẹ a ghanị wẹ. Egizini wẹ ihiẹn nwẹn ụnụ lẹ wẹ kwerigbama rụn, e lelịa wẹ ọshẹri ile rịn'a.

Azaya 50:1

Osolobuẹ sị ndị Izrẹlụ, “Elee ẹkụkwọ-mkpechan kẹ m ye nnẹ ụnụ wụ alị Izrẹlụ, omẹni mkpechan kẹ m kpechan a? Onyẹ kẹ m re ụnụ ye gi kụ ụgwọ — omẹni orire kẹ m re ụnụ? Njọ ụnụ haịn wẹ gi re ụnụ; eje-obibi ụnụ haịn wẹ gi chụpụ nnẹ ụnụ.

Azaya 9:17

Ufiri ẹ, Osolobuẹ eleni ikorọbịa wẹ ẹnya ihun, o mẹdẹni omikẹn ụmụ-ẹka nwọnlẹni nẹdi lẹ nnẹ lẹ ikpoho di wẹ nwụn, makẹni ndịnị ile wụ ndị eje-omumẹ ghalẹni a tụ egun Osolobuẹ; ọnụ ile rị e ku eje-ihiẹn! Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Jerimaya 11:10

E mẹmẹzi wẹ njọ ndị nẹdi wẹ kanị hụn kwelẹni gi oku m dọn mẹ. E sọnringụọ wẹ mmọn ndị ọzọ, femẹ wẹ. Kẹ ndị Izrẹlụ kẹ ndị Juda a latọgụọ nkwerigbama mmẹ lẹ ndị nẹdi wẹ kanị kwerigbama.

Jerimaya 50:5

Wẹ k'a jụma kẹ elebe kẹ ụzọ Zayọnụ rị, e dọn wẹ ihun ebẹhụ. Wẹ k'a bịa d'e we enwẹn wẹ kwachanrịnnị Osolobuẹ, kwe ẹ nkwa nị wẹ k'e fe ẹ jẹnrin ejẹn, nkwa wẹ jẹnkọlẹni d'a zọ.’

Izikẹlụ 16:59

“ ‘Osolobuẹ Nwọn Ihiẹn Ile sị: M k'e ye i afụnfụn han kẹ ihiẹn i mẹ, ịyụ hụn lelịa Ẹfan m i kun, tikpọ nkwa hụn i gi Ẹfan m kwe.

Izikẹlụ 20:13

“Kanị ndị Izrẹlụ nọ pazịkwọ oku m imẹ atụ. Esọnni wẹ uhi m; a jụ wẹ ihiẹn ndị m sị wẹ e mẹ, hụn o mẹni onyẹ dọnmẹ wẹ ọ rị ndụn; e mẹrụ wẹ Ogẹn Ezumikẹn m ile, mẹrụ wẹ ọda-ọda. Ya m nọ sị nị m gi ọnụma sọn wẹ imẹ atụ, tikpọ wẹ.

Izikẹlụ 20:24

makẹni emẹni wẹ ihiẹn m sị wẹ mẹ, makẹni wẹ jụ uhi m, mẹrụ Ogẹn Ezumikẹn m rị ichẹn-ichẹn, bu ẹnya wẹ che mmọn ndị hụ ndị nẹdi wẹ fe.

Izikẹlụ 37:26

M k'e kwe wẹ nkwa hụn m k'e gi mẹ n'ọ rịnị wẹ mma; o k'a wụ nkwa itẹbitẹ. M k'e mẹ wẹ gbọrị, mẹ wẹ ba ụba; m k'e bu Ụlọ-nsọ m che imẹ igunrun wẹ jẹnrin ejẹn.

Daniẹlụ 7:25

O k'e kuja oku Onyẹ hụ Kachanrịnnị, a bịangbu ndị-nsọ a, mẹmẹ n'o gbehutọ ogẹn mmẹmmẹ ichẹn-ichẹn lẹ iwu. Wẹ k'e we ndị-nsọ che ẹ ẹka n'o mẹshi wẹ ikẹn ahụa ẹtọ lẹ mkpikpi.

Daniẹlụ 9:10

ẹnyi emẹni ihiẹn Osolobuẹ wụ Chuku ẹnyi sị ẹnyi mẹ mọbụ sọn iwu ndị ọ gha ẹka ndị-amụma a ye ẹnyi.

Daniẹlụ 9:5

ẹnyi e mẹgụọ njọ, ẹnyi e mẹfiegụọ. Ẹnyi a kpachanpụgụọ ẹnya mẹ njọ, e nupụ isi okpuru i; ẹnyi a latọgụọ ihiẹn ị sị ẹnyi mẹ lẹ iwu ndị i yesọnmẹ.

Hosia 6:7

Kanị, e mẹgụọ wẹ kẹ Adam tikpọ nkwerigbama mmẹ lẹ wẹ, e gigụọ wẹ ghẹrẹ-ghẹrẹ-ghẹrẹ sọn m.

Lẹvitikọsụ 20:22

E mẹ ni ihiẹn ile m ku, e dọnmẹ iwu m ile, e gi wẹ e bi makẹ alị hụ m wekọ ụnụ gha a gbọpụ ọnụ kẹ ịhịan dọn a gbọpụ ihiẹn.

Lẹvitikọsụ 26:35

Ogẹn ahụn ile o k'e gi gba okpokoro, alị hụ k'e zu ikẹn ile o zulẹni ọrọgbọ hụ ụnụ bi imẹ ẹ.

Maịka 2:10

Lihi ni! Pụ nị; nị ẹlẹ ebeni kẹ ẹhụ ahụn a nọ fuzi ụnụ, makẹni ụnụ e mẹrụọlẹ ebeni hụn wẹ jẹnkọ d'e gi tikpọ a eje ntikpọ;

Luku 1:6

Wẹ ẹbụbụọ wụ ndị ezi-omumẹ ẹnya Osolobuẹ; w'e dọnmẹchanrịn iwu lẹ ọdịnalị Di-nwọnni-ẹnyi, onwọnni hụn w'e gi kọrịanị wẹ —

Ditrọnọmi 32:15

Kanị Jẹshurunu ẹ hụn wụ Izrẹlụ hụn o mẹ kụrụ ọtọ, e tutu, nupụma isi; o rijun ẹfọ, a nyịn, e dẹn. Ọ la Chuku mẹmẹn'ẹ tọ, jụ Ọmụma hụn a zụọpụhan'a tọ.

Ditrọnọmi 32:20

Ọ sị, “M k'e bupụ wẹ ihun, nị m hụn kẹ w'a dọn ban ihiẹn; makẹni agbọ isi-ikẹn kẹ wẹ wụ, ụmụ furulẹni w'e gi dọn ẹnya.

Hibru 13:20

Osolobuẹ hụn e ye udọn, Onyẹ hụn gha ọnwụn weli Di-nwọnni-ẹnyi wụ Jesu, okẹn onyẹ-ndu atụnrụn ahụn wẹ gi ẹdeke ẹ biye nkwerigbama itẹbitẹ Osolobuẹ ẹka;

Hibru 9:1

Nkwerigbama ibuzọ ahụn nwọnsọnmẹ iwu sọnn'ẹ lẹ Ọdụ-ofufe hụn rị elu-ụwanị.

Joshụa 23:16

Ụnụ latọ Iwu Osolobuẹ wụ Chuku ụnụ gi kwọngbama ụnụ lẹ ya, Iwu ọ sị ụnụ dọnmẹ, jẹn d'e femẹ mmọn-lẹ-iyi, kpọmanị wẹ isi alị, Osolobuẹ sikọ d'e gi olulu ẹ rị a dụn kẹ ọkụn sọn ụnụ, ụnụ a la iwi ozigbo-ozigbo imẹ alị-ọma hụ o ye ụnụ.”

Joshụa 24:25

Joshụa nọ mẹ wẹ kwezi Osolobuẹ nkwa ụhụọhịn ahụn, nọ Shẹkẹm ebẹhụ yisọnmẹni wẹ uhi lẹ iwu.